Аварыя на Мінскай ЦЭЦ-3: парушана праца двух буйных заводаў

© Photo : РУП "Минскэнерго"Мінская ЦЭЦ-3
Мінская ЦЭЦ-3 - Sputnik Беларусь, 1920, 09.10.2021
Малаказавод і піваварная кампанія з-за спынення падачы пары пакуль не могуць пастэрызаваць сваю прадукцыю, але запас на складах для забеспячэння гандлю маецца ў абодвух заводаў.
МІНСК, 9 кас – Sputnik. Падача пару на два буйныя мінскія заводы спынена ў суботу з-за аварыі на Мінскай ЦЭЦ-3, паведамляе дзяржагенства БЕЛТА са спасылкай на МНС.
Як стала вядома, ноччу ў 1:25 на Мінскай ЦЭЦ-3, якая знаходзіцца на вул. Амельянюка, 14, адбыўся парыў экраннага трубаправода энергетычнага катла №7, паведамілі ў МНС.
У выніку была спынена падача пары, якой забяспечваўся працэс пастэрызацыі прадукцыі на Мінскім малочным заводзе №1 і на прадпрыемстве "Крыніца".
І на малаказаводзе, і на піваварным заводзе маецца складскі запас гатовай прадукцыі для забеспячэння насельніцтва, дадалі ў МНС.
Папярэдняй прычынай аварыі называюць знос экраннага трубаправода катла.
Аднавіць падачу пары на два заводы абяцаюць да 17 гадзін суботы.
Чытайце таксама:
Беларусь да 2030 года скароціць выкіды парніковых газаў на 35%
Магчымы пах: мінская ЦЭЦ-4 плануе папоўніць запас мазуту
Пажар на Лукомльскай ГРЭС: што вядома на гэты момант
Стужка навiн
0
Спачатку новыяСпачатку старыя
loader
У эфіры
Заголовок открываемого материала