КДК праверыў цэны на лекі: завышаць кошт сталі радзей

© Sputnik / Александр Кряжев / Перайсці ў фотабанкНаведвальнікі аптэкі
Наведвальнікі аптэкі - Sputnik Беларусь, 1920, 12.10.2021
У ходзе маніторынгу былі выяўлены і тыя аптэкі, якія завышалі цэны на лекі, унесеныя ў спіс сродкаў першай неабходнасці.
МІНСК, 12 кас – Sputnik. Камітэт дзяржкантролю правёў праверку аптэк Мінскай вобласці і адзначыў, што парушэнняў стала менш.
Як паведамляе прэс-служба ведамства, за гэты год быў праведзены аналіз цэн больш чым у 200 аптэках 30 аптэчных сетак, у двух аптовых сетках. Парушэнні знайшлі ў 39 аптэках (дзевяці аптэчных сетак) - цэны былі вышэй за ўстаноўлены дапушчальны ўзровень. Акрамя таго, не ва ўсіх аптэках былі лекі, абавязковыя да наяўнасці - у 21 аптэцы 8 аптэчных сетак.
Пры гэтым у ліку тых лекаў, на якія былі завышаны цэны, меліся і найбольш запатрабаваныя: анальгін, парацэтамол, амепразол, аспікард, лізінапрыл, ангрымакс, грыпалек, арпетол, ксілін, дыклафенак, алюгель і іншыя.
Нагадаем, з 23 лютага ў Беларусі абмежаваны рост цэн на 50 найменняў лекавых сродкаў першай неабходнасці. Змяняць кошт дазволілі з 1 сакавіка - але не больш чым на 0,2% у месяц пасля ўзгаднення са спецыяльнай камісіяй.
Камітэт дзяржкантролю прыводзіць наступныя дадзеныя: так, у аптэках Слуцка кошт анальгіну быў завышаны на 17,6%, на лансазол - на 18,3%. А ў аптэцы Салігорска дапушчальныя цэны былі перавышаны на аспікард (на 11,8%), ангрымакс (на 6,6%) і іншыя прэпараты.

"Па выніках маніторынгу цэны на лекі адкарэктаваны і прыведзены ў адпаведнасць з заканадаўствам. Вынікі маніторынгу паказваюць, што ў апошні час назіраецца скарачэнне колькасці парушэнняў, якія выяўляюцца ў аптэчнай сетцы Мінскай вобласці", - паведамляе ведамства.

Так, калі ў сакавіку цэны былі перавышаны ў 18 аптэках вобласці, то ўжо ў жніўні - толькі ў адной. Маніторынг аптэк будзе працягнуты.
Чытайце таксама:
Цэны на лекі будуць фарміравацца па-новаму
У ЕАЭС наросцяць выпуск айчынных лекаў
Глог і не толькі: спіртазмяшчальныя лекі не будуць прадаваць ноччу
Цэны пад кантроль: Лукашэнка абяцае паклапаціцца аб "небагатых беларусах"
Рост цэн на некаторыя лекі і сацыяльна значныя тавары абмяжуюць
Стужка навiн
0
Спачатку новыяСпачатку старыя
loader
У эфіры
Заголовок открываемого материала