Макей распавёў, што абмеркавалі кіраўнікі МЗС СНД у Мінску

© Sputnik / Виктор ТолочкоКіраўнік МЗС Беларусі Уладзімір Макей
Кіраўнік МЗС Беларусі Уладзімір Макей - Sputnik Беларусь, 1920, 14.10.2021
Беларускі бок у чарговы раз асабліва падкрэсліў неабходнасць атрымання ўрокаў з тых падзей, якія мелі месца не толькі ў нашай краіне, але і ў іншых дзяржавах.
МІНСК, 14 кас – Sputnik. Міністры замежных спраў краін СНД абмеркавалі сітуацыю на знешніх межах Садружнасці, а таксама правялі абмен думкамі па актуальных пытаннях міжнароднай праблематыкі, заявіў кіраўнік МЗС Беларусі Уладзімір Макей.
"Сёння адбыўся грунтоўны абмен меркаваннямі як па актуальных пытаннях міжнароднай праблематыкі, так і па пытаннях паглыблення супрацоўніцтва ў рамках СНД", - заявіў міністр на выніковым брыфінгу пасля пасяджэння СМЗС СНД.
Паводле яго слоў, кіраўнікі дыпламатычных ведамстваў падрабязна абмеркавалі сітуацыю, якая складваецца паблізу знешняй мяжы Садружнасці і абстаноўку ў Цэнтральнай Азіі.
Макей таксама падкрэсліў, што беларускі бок "у чарговы раз асабліва падвярнуў неабходнасць атрымання урокаў з тых падзей, якія мелі месца не толькі ў нашай краіне, але і ў іншых дзяржавах рэгіёна".
"Мы паслядоўна адзначаем важнасць згуртаванасці і ўзаемадзеяння ў рамках СНД для эфектыўнага адказу на агульныя для нашых краін выклікі і пагрозы. У гэтым кантэксце мы выказалі сур'ёзную заклапочанасць у сувязі з пастаянна пашыраемай практыкай неабмежаванага і незаконнага аднабаковага санкцыйнага прэсінгу звонку на краіны СНД", - сказаў міністр.
Кіраўнік Выканкама СНД Сяргей Лебедзеў таксама лічыць важным правядзенне сустрэчы ў Мінску ў рамках СМЗС у вочным фармаце.
"Таму што знешнепалітычныя ведамствы на прасторы СНД з'яўляюцца галоўнымі каардынацыйнымі структурамі, якія ажыццяўляюць узаемадзеянне на міжнароднай арэне, у тым ліку, і ў рамках міжнародных арганізацый. Ад таго, як працуюць знешнепалітычныя ведамствы, як яны ўмеюць дамаўляцца, залежыць і рашэнне шырокага кола пытанняў па захаванню і ўмацаванню інтэграцыйнага супрацоўніцтва", - сказаў ён.
"Вочны фармат дазволіў абмеркаваць многія актуальныя, у тым ліку, балючыя пытанні ўзаемаадносін як у рамках Садружнасці, так і ў рамках адносін краін СНД з прадстаўнікамі далёкага замежжа", - заявіў кіраўнік Выканкама СНД.
Раней Лебедзеў расказаў, што праект парадку дня пасяджэння СМЗС СНД уключае 14 пытанняў, 13 праектаў дакументаў.
Пасяджэнне СМЗС СНД прайшло сёння ў Мінску і стала другім за бягучы год. Наступнае пасяджэнне запланавана на 8 красавіка 2022 года ў Душанбэ.
Чытайце таксама:
Пасяджэнне СМЗС СНД праходзіць у Мінску
Сяргей Лаўроў прыляцеў у Мінск
Пуцін: важна павышаць узровень узаемадзеяння спецслужбаў краін СНД
Краіны СНД могуць узаемна прызнаць сертыфікаты вакцынацыі
Патрушаў: НАТА рыхтуецца да кібервайны
Выканкам СНД цесна ўзаемадзейнічае з інтэграцыйнымі аб'яднаннямі - Лебедзеў
Лукашэнка назваў СНД прыкладам раўнапраўнай інтэграцыі суверэнных дзяржаў
Стужка навiн
0
Спачатку новыяСпачатку старыя
loader
У эфіры
Заголовок открываемого материала