Лукашэнка: для абароны інтарэсаў СНД на сусветным рынку трэба аб'яднаць намаганні

© пресс-служба президента БеларусиПрэзідэнт Беларусі Аляксандр Лукашэнка
Прэзідэнт Беларусі Аляксандр Лукашэнка - Sputnik Беларусь, 1920, 15.10.2021
Падпісацца
Важнае значэнне надаецца пытанням развіцця агульнай эканамічнай прасторы, пашырэння і павышэння эфектыўнасці ўзаемнага гандлю, адзначыў беларускі лідар.
МІНСК, 15 кас – Sputnik. Краінам СНД неабходна аб'яднаць намаганні для абароны інтарэсаў на сусветным рынку, заявіў прэзідэнт Беларусі Аляксандр Лукашэнка на саміце Савета кіраўнікоў дзяржаў Садружнасці.
"Толькі аб'яднаўшы намаганні і павысіўшы ролю Садружнасці як рэгіянальнага іграка, мы зможам паспяхова супрацьстаяць усім выклікам і пагрозам", - сказаў Лукашэнка.
Ён мяркуе, што дзяржавам СНД патрэбна актывізацыя ўзаемнага гандлю і інвестыцый, звядзенне да мінімуму штучных бар'ераў - такім чынам можна будзе супрацьстаяць выклікам і пагрозам.
Паводле слоў беларускага лідара, стварэнне СНД было верным рашэннем пасля развалу Савецкага Саюза. Ён назваў Садружнасць купалам, які схаваў былыя саюзныя рэспублікі ад хаосу і эканамічнага калапсу.
Лукашэнка падкрэсліў, што ва ўмовах нестабільнасці ў свеце кааперацыя ўзаемадапаўняльных эканомік краін Садружнасці мае важнае значэнне. Прэзідэнт адзначыў, што вопыт дзвюх краін - Беларусі і Расіі - Саюзнай дзяржавы - можа стаць лакаматывам інтэграцыйных працэсаў, прапанаваўшы для ЕАЭС і СНД лепшыя напрацоўкі.
"Я звяртаю вашу ўвагу да той рознаўзроўневай інтэграцыі, якая складваецца на постсавецкай прасторы", - дадаў ён.

Саміт у Мінску

Мінск у гэтым годзе прымае Савет кіраўнікоў дзяржаў СНД на правах старшынства ў Садружнасці. У мерапрыемстве ўдзельнічаюць кіраўнікі васьмі дзяржаў-удзельніц СНД. Яшчэ дзве краіны - Арменію і Малдову - прадстаўляюць прэм'ер-міністры.
Саміт праходзіць у фармаце відэаканферэнцыі. На парадку дня – 30-годдзе СНД (дата заснавання – 8 снежня 1991 года) і шэраг пытанняў, прысвечаных паглыбленню супрацоўніцтва ў розных сферах: гуманітарнай, праваахоўнай, міграцыйнай і іншых.
Адны з ключавых тэм саміту таксама - патэнцыйныя пагрозы з тэрыторыі Афганістана і спробы ўмяшання звонку ва ўнутраныя справы некаторых краін СНД.
Таксама на Sputnik:
Лукашэнка назваў СНД прыкладам раўнапраўнай інтэграцыі суверэнных дзяржаў
Відэаканферэнцыя Савета кіраўнікоў дзяржаў СНД - трансляцыя
Задаволены Лаўроў, размова пра культуру і санкцыі: вынікі СМЗС СНД
Макей распавёў, што абмеркавалі кіраўнікі МЗС СНД у Мінску
Прэс-канферэнцыя Макея і Лебедзева па выніках пасяджэння СМЗС СНД - відэа
Стужка навiн
0