Шайгу: Расія і Беларусь падпішуць ваенную дактрыну ў адказ на пагрозы Захаду
© Photo : Министерство обороны Республики Беларусь
Падпісацца
Абаронныя ведамствы дзвюх краін зацвердзілі план двухбаковага ваеннага супрацоўніцтва на 2022 год - у ім 139 мерапрыемстваў па розных напрамках.
МІНСК, 20 кас – Sputnik. Расія і Беларусь у бліжэйшы час падпішуць новую ваенную дактрыну Саюзнай дзяржавы ў адказ на ваенныя пагрозы, палітычны і эканамічны ціск з боку Захаду, паведаміў міністр абароны РФ Сяргей Шайгу на сумеснай калегіі абаронных ведамстваў.
"Падрыхтавана новая Ваенная дактрына Саюзнай дзяржавы, якую плануецца зацвердзіць у бліжэйшы час на чарговым пасяджэнні Вышэйшага дзяржаўнага Савета Саюзнай дзяржавы", - сказаў кіраўнік расійскай Мінабароны.
Па словах кіраўніка расійскага Мінабароны, НАТА працягвае нарошчваць сілы каля меж Саюзнай дзяржавы, колькасць ваенных альянсу складае каля 40 тысяч. У сувязі з пагрозамі ваеннага, палітычнага і эканамічнага характару трэба прымаць меры ў адказ, і адна з такіх - новая ваенная дактрына.
Шайгу адзначыў, што ваенныя ведамствы дзвюх краін перайшлі на планаванне двухбаковага ваеннага супрацоўніцтва на аснове праграмы стратэгічнага партнёрства, распрацаванай на пяцігадовы перыяд. Пашыраюцца маштабы падрыхтоўкі войскаў і органаў кіравання - гэта і вучэнні "Захад", і манеўры ў рамках АДКБ, і вучэнні дзяржаў-членаў ШАС "Мірная місія".
Міністр абароны РФ падкрэсліў, што дасягнуты ўзровень узаемадзеяння беларускіх і расійскіх ваенных дазваляе "своечасова адаптаваць задачы ў сферы бяспекі да змяненняў, што адбываюцца ў свеце, і эфектыўна вырашаць іх".
НАТА працягвае ўмацоўвацца
Паўночнаатлантычны альянс працягвае нарошчваць сілы каля меж Саюзнай дзяржавы, дадаў Шайгу.
Ствараюцца запасы ўзбраення, ваеннай тэхнікі і матэрыяльных сродкаў, адпрацоўваюцца мерапрыемствы перакідвання войскаў у прыбалтыйскія дзяржавы. Штабы кааліцыйных дывізій НАТА створаны ў Румыніі, Польшчы і Латвіі.
Паводле яго ацэнкі, "колькасць сіл першачарговага задзейнічання альянсу ўзрасла практычна ў два разы - з 25-ці да 40 тысяч ваеннаслужачых".
Кіраўнік Мінабароны РФ таксама заявіў, што ЗША пры падтрымцы саюзнікаў па НАТА аднавілі работы па мадэрнізацыі тактычных ядзерных боепрыпасаў і месцаў іх захоўвання ў Еўропе. Расія бачыць у гэтым прамое парушэнне Дамовы аб нераспаўсюджанні ядзернай зброі.
"Шчыт Саюза" - 2023
Расія і Беларусь дамовіліся правесці ў 2023 годзе маштабныя сумесныя вучэнні "Шчыт Саюза", паведаміў міністр абароны РФ.
Паводле яго слоў, расійскае і беларускае ведамства ўжо распланавалі мерапрыемствы па ваеннай бяспецы аж да 2024 года. Найбольш маштабная падзея - сумеснае вучэнне "Шчыт Саюза", якое пройдзе ў 2023 годзе.
Ён адзначыў, што звычайна сумесныя вучэнні праходзяць адзін раз у два гады - на тэрыторыі Беларусі яны называюцца "Захад", у Расіі - "Шчыт Саюза". У верасні 2019-га манеўры праходзілі на палігоне паблізу населенага пункта Муліна Ніжагародскай вобласці.
Паводле яго слоў, расійскае і беларускае ведамства ўжо распланавалі мерапрыемствы па ваеннай бяспецы аж да 2024 года. Найбольш маштабная падзея - сумеснае вучэнне "Шчыт Саюза", якое пройдзе ў 2023 годзе.
Ён адзначыў, што звычайна сумесныя вучэнні праходзяць адзін раз у два гады - на тэрыторыі Беларусі яны называюцца "Захад", у Расіі - "Шчыт Саюза". У верасні 2019-га манеўры праходзілі на палігоне паблізу населенага пункта Муліна Ніжагародскай вобласці.
Размяшчэнне ваенных аб'ектаў
Таксама на сумеснай калегіі кіраўнікі абаронных ведамстваў дзвюх краін Сяргей Шайгу і Віктар Хрэнін падпісалі дакументы аб падаўжэнні тэрмінаў дзеяння пагадненняў аб размяшчэнні на тэрыторыі Беларусі двух ваенных аб'ектаў РФ. Гаворка ідзе аб вузле сістэмы папярэджання аб ракетным нападзенні ў Баранавічах і радыёстанцыі Ваенна-марскога флоту ў Вілейцы.
"Сёння з маім беларускім калегам падпісалі пратаколы аб падаўжэнні тэрмінаў дзеяння пагадненняў аб размяшчэнні на тэрыторыі Рэспублікі Беларусь расійскіх ваенных аб'ектаў - вузла сістэмы папярэджання аб ракетным нападзе ў горадзе Баранавічы і радыёстанцыі Ваенна-марскога флоту ў горадзе Вілейка", - паведаміў Шайгу.
Таксама міністр паведаміў пра пачатак працы вучэбна-баявога цэнтра падрыхтоўкі спецыялістаў ВПС і СПА на тэрыторыі Беларусі. Па словах Сяргея Шайгу, ён ужо "пачаў практычнае функцыянаванне". Усяго такіх цэнтраў будзе тры - адзін у Беларусі (у Гродзенскай вобласці) і два ў Расіі (у Ніжагародскай і Калінінградскай абласцях).
Чытайце таксама:
Мэта сакрэтных вучэнняў НАТА Steadfast Noon 2021 - "адхерасіміць" Еўропу
Звяртайцеся да пасла ў Бельгіі: НАТА застаецца без Расіі
НАТА сочыць за сітуацыяй на мяжы Літвы з Беларуссю
НАТА за 5 гадоў павялічыла ў два разы колькасць вучэнняў ля меж Беларусі - Савет бяспекі
Шайгу: выклікае трывогу нарошчванне прысутнасці НАТА каля меж Расіі і Беларусі
Брытанскі эсмінец незаконна зайшоў у воды РФ у Чорным моры
Беларусь і Расія завяршаюць стварэнне сумесных ваенных цэнтраў
НАТА адпрацоўвае маршруты аператыўнай перакідкі войск да меж СД - Шайгу
