Міністэрства аховы здароўя Беларусі адмяніла абавязковы масачны рэжым

© Sputnik / Александр Кряжев / Перайсці ў фотабанкУ аптэцы
У аптэцы - Sputnik Беларусь, 1920, 22.10.2021
Падпісацца на
Раней за адсутнасць маскі ў метро і транспарце спрабавалі штрафаваць, нават выйшлі спецпатрулі, якія кантралявалі выкананне масачнага рэжыму.
МІНСК, 22 кас - Sputnik. Міністэрства аховы здароўя Беларусі адмяніла абавязковае нашэнне масак грамадзянамі ў грамадскіх месцах, паведаміла прэс-служба ведамства.
Міністэрства аховы здароўя выпусціла пастанову, якой рэгулююцца патрабаванні да правядзення санітарна-супрацьэпідэмічных мерапрыемстваў па папярэджанні распаўсюджвання інфекцыі COVID-19 на тэрыторыі краіны.
"Выключана патрабаванне да абавязковасці выкарыстання фізічнымі асобамі сродкаў індывідуальнай абароны пры наведванні аб'ектаў, арганізацый, аўтамабільнага, за выключэннем аўтамабіляў асабістага карыстання, паветранага, воднага, чыгуначнага транспарту, уключаючы метрапалітэн", - гаворыцца ў дакуменце.

Ці будзе кантроль?

Як адзначылі ў прэс-службе медыцынскага ведамства, у новым дакуменце актуалізаваны санітарна-супрацьэпідэмічныя мерапрыемствы ў перыяд рэгістрацыі выпадкаў інфекцыі COVID-19.
Там растлумачылі, што гаворка ідзе пра забеспячэнне кантролю з боку кіраўнікоў аб'ектаў і арганізацый за тым, як выкарыстоўваюцца сродкі абароны органаў дыхання работнікамі і фізічнымі асобамі.
У Міністэрстве аховы здароўя падкрэслілі, што ў адпаведнасці з дакументам, у бальнічных арганізацыях аховы здароўя павінен быць распрацаваны план арганізацыі працы ў рэжыме, які забяспечвае выкананне ўмоў інфекцыйнага стацыянара. Таксама прынята рашэнне распрацаваць схемы заніравання ў амбулаторна-паліклінічных і бальнічных арганізацыях з захаваннем лагістыкі перамяшчэння пацыентаў і работнікаў.
Чытайце таксама:
Навошта здзекуецеся з людзей: Лукашэнка пракаменціраваў штрафы за маскі
Новы антырэкорд: Міністэрства аховы здароўя абнавіла сумную статыстыку па каронавірусе
У Беларусі прапрацоўваюць увядзенне адказнасці за парушэнне антыкавідных мер
Стужка навiн
0
Спачатку новыяСпачатку старыя
loader
У эфіры
Заголовок открываемого материала