Дзяржкантроль праверыў цэны ў крамах і знайшоў шмат парушэнняў
© Sputnik / Максим Богодвид
/ Падпісацца
У КДК адзначылі, што на рынку няма дэфіцыту прадуктаў харчавання, а перабоі з пастаўкамі прадукцыі звязаны з дрэннай арганізацыяй працы паміж вытворцамі і крамамі.
МІНСК, 25 кас – Sputnik. Камітэт дзяржкантролю выявіў парушэнні ў цэнаўтварэнні у кожным чацвёртым гандлёвым аб'екце з правераных у студзені-верасні, паведамляе прэс-служба ведамства.
Рэвізоры праверылі 2044 крамы - у 494 з іх цэны завышаліся. Да прыкладу, у сталічных рытэйлерах "пад раздачу" патрапілі агуркі, таматы і яблыкі - цэны на іх былі вышэй вызначаных на 20-25%. Свініна і таматы каштавалі даражэй на 4-5%.
У двух камерцыйных крамах Гомельскай вобласці гандлёвая надбаўка ў некалькі разоў перавышала дапушчальныя значэнні: на цукар - 29,5% замест максімальнай 15%; рыс - 61,5%, аўсяныя камячкі - 72%, проса - 90%, макароны - 57% (замест 30%); сланечнікавы алей - 33-42% (замест 25%); сцягно кураня-бройлера - 28,3% і тушку кураня бройлера - 50% (замест 20%).
У КДК растлумачылі, што гандаль спрабуе абысці патрабаванні МАРГ, устанаўліваючы больш высокія цэны на нібы новыя віды вырабаў. Да прыкладу, даданне да наймення тушкі кураня-бройлера аднаго слова "павялічыла" цэннік на 15%. Каб выключыць гэтыя факты, дзяржкантроль накіраваў ва ўрад прапановы па змяненні ў цэнавым заканадаўстве.
Кіёскам, крамам, рытэйлерам накіравалі 895 рэкамендацый аб устараненні парушэнняў, а таксама штрафы на агульную суму 4,8 млн руб. Да дысцыплінарнай і адміністрацыйнай адказнасці прыцягнуты 566 работнікаў гандлю.
У КДК таксама адзначылі, што на рынку няма дэфіцыту прадуктаў харчавання. Перабоі з пастаўкамі асобных відаў тавараў, у прыватнасці курыцы, звязаны з дрэннай арганізацыяй працы паміж вытворцамі і суб'ектамі гандлю.
Якія прадукты пад "наглядам" у дзяржавы?
Да канца гэтага года МАРГ будзе рэгуляваць цэны на сацыяльна значныя тавары. У спіску 30 пазіцый, сярод іх:
свежамарожаная рыба (карпавыя, трасковыя, селядцовыя, скумбрыевыя, аргенцінавыя),
рыбныя кансервы (за выключэннем ікры),
мяса (ялавічына, свініна, курыца),
вараныя каўбасы,
малочныя прадукты (малако, кефір, смятана, тварог),
сыр цвёрды сычужны,
алей (сланечнікавы, рапсавы),
масла сметанковае,
яйка курынае,
хлеб жытні і жытнёва-пшанічны,
батон,
макароны,
шматкі аўсяныя,
рыс, крупы манныя, крупы прасяныя,
бульба, буракі, морква, капуста, лук, агуркі, памідоры,
яблыкі,
дзіцячае харчаванне,
рыба свежая (карпавыя),
мясныя субпрадукты (акрамя прадуктаў з птушкі),
кансервы мясныя (тушаная свініна і ялавічына),
каўбаса паўвэнджаная і варана-вэнджаная,
маргарын,
крупы ячныя,
свежы часнок,
свежы перац салодкі,
соль,
чай чорны байхавы вагавы,
кава растваральная,
крупы грачаныя,
цукар белы крышталічны.
Чытайце таксама:
Былі б грошы ў кішэні: Лукашэнка запатрабаваў не дапусціць рост коштаў
Чаму ў Беларусі даражэюць прадукты, растлумачылі ў МАРГ
Шматдзетная маці распавяла, як зэканоміць на пакупках
Лукашэнка зарыентаваў Белкаапсаюз развіваць інтэрнэт-гандаль у вёсках
Ці будзе далей даражэць курыца ў крамах?
Ці чакаць беларусам дэфіцыт цукру і грэчкі?
Яблык разладу: чаму беларускую садавіну не знайсці на паліцах супермаркетаў
