Адкрылася пасольства Беларусі ў Калумбіі

© Pixabay/bergslayБагата
Багата - Sputnik Беларусь, 1920, 27.10.2021
Падпісацца на
Урад у ліпені гэтага года прыняў рашэнне закрыць беларускае дыппрадстаўніцтва ў Эквадоры.
МІНСК, 27 кас – Sputnik. Афіцыйная цырымонія адкрыцця беларускага пасольства прайшла ў Калумбіі, пра гэта паведамілі ў прэс-службе МЗС Беларусі.
Адкрыў пасольства намеснік кіраўніка міністэрства замежных спраў Беларусі Яўген Шастакоў. Паводле яго слоў, Калумбія для нашай краіны - адзін з самых перспектыўных партнёраў у Лацінскай Амерыкі.
Беларусь зацікаўлена ў выбудоўванні сістэмы абмену вопытам у розных сферах, у тым ліку культурнай. Бакі падпісалі мемарандум аб узаемаразуменні паміж міністэрствамі культуры, а Калумбіі прапанавана стаць пастаянным удзельнікам "Славянскага базару ў Віцебску".
Працаваць паслом у гэтай краіне прадоўжыць Мікалай Аўсянка, які па сумяшчальніцтве прадстаўляе дыпінтарэсы Беларусі ў Эквадоры, Нікарагуа і Панаме.
Рашэнне аб адкрыцці пасольства было прынята ў 2019 годзе. Тавараабарот паміж Калумбіяй і Беларуссю складае каля 100 мільёнаў долараў за год.

Дзе Беларусь адкрыла і закрыла дыппрадстаўніцтвы

Нагадаем, у красавіку прэзідэнт Аляксандр Лукашэнка на нарадзе па знешняй палітыцы заявіў, што хоча аптымізаваць колькасць пасольстваў Беларусі за мяжой. Потым кіраўнік МЗС Уладзімір Макей казаў, што Мінск закрые пасольствы ў некалькіх краінах, дзе работа дыппрадстаўніцтваў не прыносіць патрэбнай знешнеэканамічнай аддачы.
У ліпені было прынята рашэнне закрыць пасольства Беларусі ў Эквадоры.
Таксама нядаўна беларускае пасольства пераехала з Хабараўска ва Уладзівасток. У зоне яго адказнасці будзе Камчацкі, Прыморскі і Хабараўскі краі, Амурская, Магаданская і Сахалінская вобласці, Яўрэйская аўтаномная вобласць і Чукоцкая аўтаномная акруга.
Сваю місію Беларусь закрыла ў Канадзе, а таксама генконсульства ў Нью-Йорку. Аднак неўзабаве Беларусь адкрые дыппрадстаўніцтва ў Зімбабвэ, а таксама генеральнае консульства ў індыйскім Мумбаі.
Прэзідэнт Беларусі Аляксандр Лукашэнка, архіўнае фота - Sputnik Беларусь, 1920, 30.09.2021
Лукашэнка расказаў, з кім Беларусь будзе сябраваць
Чытайце таксама:
Генконсульства Беларусі ў Нью-Йорку спыняе сваю працу
Пасольства Беларусі ў Канадзе спыняе працу
Лукашэнка: Эквадор для Беларусі - важны партнёр у Лацінскай Амерыцы
Лукашэнка разлічвае на развіццё супрацоўніцтва з Іспаніяй
Лукашэнка папярэдзіў беларускіх паслоў, "каб не было здрады"
Стужка навiн
0
Спачатку новыяСпачатку старыя
loader
У эфіры
Заголовок открываемого материала