Германія пацвердзіла бяспеку "Паўночнага патоку - 2" для ЕС

© Sputnik / Екатерина Соловьева / Перайсці ў фотабанкБудаўніцтва газаправода "Паўночны паток - 2" у Германіі
Будаўніцтва газаправода Паўночны паток - 2 у Германіі - Sputnik Беларусь, 1920, 27.10.2021
Падпісацца на
Праверку правяло Мінэканомікі ФРГ і перадало вынікі ў федэральнае сеткавае агенцтва, якое працягвае працэс сертыфікацыі.
МІНСК, 27 кас – Sputnik. Улады Германіі прыйшлі да высновы, што сертыфікацыя газаправода "Паўночны паток - 2" не ставіць пад пагрозу бяспеку паставак паліва ў ФРГ і Еўрасаюз.
Заключэнне Мінэканомікі накіравана ў федэральнае сеткавае агенцтва, якое і займаецца сертыфікацыяй з боку Германіі. Цяпер ведамства высветліць, наколькі незалежна можа працаваць газаправод. Сертыфікацыю павінны завяршыць да канца 2021 года.

"Блакітнае паліва" ў цане

Цэны на газ у Еўропе рэзка выраслі ў апошнія месяцы. Яшчэ ў жніўні кошт бліжэйшага ф'ючэрса складаў 515 долараў за тысячу кубаметраў, а ў пачатку кастрычніка пераваліў за 1900 долараў, дасягнуўшы гістарычнага паказчыка.
Эксперты сярод прычын называюць нізкі ўзровень запоўненасці сховішчаў у Еўропе, абмежаванне паставак і, адпаведна, узрослы попыт на звадкаваны прыродны газ у Азіі.

Што ўяўляе сабой новы газаправод?

"Паўночны паток - 2" цягнецца ад узбярэжжа Расіі праз Балтыйскае мора да Германіі і складаецца з двух нітак агульнай магутнасцю 55 мільярдаў кубаметраў газу ў год. Яго будаўніцтва завяршылася 10 верасня.
Цяпер ідзе працэс сертыфікацыі Nord Stream 2 AG - незалежнага аператара сістэмы. Германія атрымала з Масквы поўны набор неабходных дакументаў.
Віцэ-прэм'ер і былы кіраўнік расійскага Мінэнерга Аляксандр Новак 14 кастрычніка заяўляў, што трубаправод будзе гатовы да запуску ў бліжэйшыя дні.
Чытайце таксама:
Газпром абвясціў аб завяршэнні будаўніцтва "Паўночнага патоку - 2"
Масква плануе запусціць "Паўночны паток - 2" да канца года
Пуцін і Меркель абмеркавалі Мінскія пагадненні і "газавае пытанне"
Пуцін пракаменціраваў "інсінуацыі" з нагоды "Паўночнага патоку - 2"
Пуцін патлумачыў прычыны "істэрыкі і неразбярыхі" на энергарынку ЕС
На фоне дэфіцыту ў Еўропе: "Газпром" запампоўвае газ у беларускія сховішчы
Газ у Еўропе стаў даражэй за 1 тысячу долараў
Стужка навiн
0
Спачатку новыяСпачатку старыя
loader
У эфіры
Заголовок открываемого материала