Лукашэнка назваў мізэрным падатак на кватэры

© Sputnik / Антон Денисов / Перайсці ў фотабанкДзверы ў кватэру
Дзверы ў кватэру - Sputnik Беларусь, 1920, 29.10.2021
Падпісацца на
Беларускія ўлады плануюць спаганяць падатак з уладальнікаў квадратных метраў у шматкватэрных дамах, а яго адсутнасць раней лічаць ільготай.
МІНСК, 29 кас - Sputnik. Няма мэты павялічыць падаткі ў краіне, аб гэтым заявіў кіраўнік дзяржавы ў час рабочага візіту на Добрушскую папяровую фабрыку.
Раней міністр фінансаў Юры Селіверстаў назваў увядзенне падатку на кватэры справядлівым у адносінах да ўладальнікаў прыватных дамоў рашэннем. На яго думку, гэта рашэнне дасць магчымасць стрымаць адток сельскага насельніцтва ў гарады.

Мізэрная стаўка падатку

Аляксандр Лукашэнка пацвердзіў, што пытанне аб новым падатку разглядае ўрад рэспублікі, такім чынам удасканальваецца падаткаабкладанне. А звязана гэта з тым, што бізнесмены паскардзіліся на складаную сістэму падаткаў у краіне.
"І я даручыў ва ўрадзе, каб вярнуліся да гэтых пытанняў і зрабілі простае падатковае заканадаўства. Яно зусім простым не будзе. На тое і падаткі, і трэба быць эканамістам і бухгалтарам для таго, каб гэта ўсё вылічваць", - лічыць ён.
Паводле яго слоў, гэта не выключае і магчымасці спрашчэння падатковага заканадаўства там, дзе гэта магчыма. На іншых напрамках яно будзе дашліфоўвацца.
"На сяле ў нас плацяць і за зямлю падатак, нерухомасць і іншае. А горад неяк застаўся ўбаку. Абмяркоўвалася і гэтае пытанне (увядзенне падатку на кватэры - Sputnik). Я не ведаю, якія там стаўкі, але гэта будзе мізэр", - упэўнены кіраўнік дзяржавы.

У Беларусі высокія падаткі

Ён нагадаў, што ў краіне на канец года 2 мільярды непрадбачаных расходаў, якія пайшлі на выратаванне людзей, таму што ў краіне бясплатна робяць прышчэпкі і лечаць ад каронавіруса.
"Я не хачу сказаць, што ў нас ідэальна ўсё, але ў параўнанні з іншымі, як аказалася, нядрэнна. Але гэта вялікія грошы", - асабліва адзначыў беларускі лідэр.
У якасці прыкладу ён прывёў такія вылічэнні, што калі з кожнага беларуса ўзяць падатак у адзін долар, то атрымаецца 9,5 мільёна долараў. У той жа час толькі на лячэнне ідзе 2 мільярды долараў, а за 9,5 мільёны долараў можна нешта набыць.
"Ці будзе гэта ўвогуле, гэта яшчэ пытанне. На мой узровень гэтыя пытанні не ўносіліся. Мы не ставім перад сабой мэту павялічыць падаткі. Яны ў нас і так высокія", - прызнаў Аляксандр Лукашэнка.
У завяршэнне ён звярнуў увагу, што ў рэспубліцы няма "чорнага золата" і прыроднага газу, таму падаткаабкладаемая база і падаткі прыстойныя. У сувязі з гэтым заўсёды ўзнімаецца пытанне, як іх зменшыць.
Таму пытанне аб падатку на кватэры разглядаецца, але сума не будзе вялікай.
Чытайце таксама:
Мінфін растлумачыў, каго вызваляць ад "падатку на кватэру"
Чаргавікі ў Мінску атрымаюць льготы пры будаўніцтве жылля ў малых гарадах
Падатак на кватэру ўвядуць у Беларусі. Якім ён будзе?
Стужка навiн
0
Спачатку новыяСпачатку старыя
loader
У эфіры
Заголовок открываемого материала