Паступленне ў расійскія ВНУ - што трэба ведаць?

© Sputnik / Виктор ТолочкоУступная кампанія
Уступная кампанія - Sputnik Беларусь, 1920, 29.10.2021
Падпісацца
Традыцыйна самыя папулярныя для беларускіх абітурыентаў расійскія ўніверсітэты знаходзяцца ў Маскве і Санкт-Пецярбургу, а самыя "выбіраныя" спецыяльнасці звязаны з эканомікай, журналістыкай, рэкламай і суднаваджэннем.
МІНСК, 29 кас – Sputnik. Расійскія ВНУ прадоўжылі тэрміны новай прыёмнай кампаніі для беларускіх абітурыентаў на навучальны год 2022/2023, заканчэнне тэрміну падачы дакументаў - да 25 лістапада 2021-га, паведамілі Sputnik у Рускім доме ў Мінску.
Падаць заяўку на бясплатнае навучанне ў Расіі трэба на партале - https://education-in-russia.com. Адбор праходзіць у два этапы: першы - у прадстаўніцтве Рассупрацоўніцтва ў Мінску, другі - непасрэдна ў расійскіх ВНУ.

Якія патрэбны дакументы?

Асноўныя "паперкі" - гэта пашпарт, выпіска ацэнак за 10-ы клас і вынікі індывідуальных дасягненняў (алімпіяды, вучэбныя канферэнцыі, уласныя вынаходкі). Калі абітурыент паступае ў магістратуру, патрэбна выпіска з табеля паспяховасці ва ўніверсітэце. Гэтыя дакументы будуць прымаць практычна да сярэдзіны лістапада. Раней у Рассупрацоўніцтве заяўлялі аб дэдлайне да 1 лістапада.
"Мы бачым, што абітурыенты дасылаюць дакументы, таму ў бліжэйшы час аб'явім аб прадаўжэнні тэрмінаў прыёмнай кампаніі на наступны год", - заявілі ў мінскім прадстаўніцтве Рассупрацоўніцтва.
Следам у снежні трэба будзе прайсці тэсціраванне. Яно праводзіцца дыстанцыйна ў фармаце практорынгу на базе МФТІ ці Фінансавага ўніверсітэта пры ўрадзе РФ. Гэта электронны экзамен, на якім за абітурыентам сочаць "кантралёры", так званыя практоры. Самі тэсты - нешта накшталт адзінага дзяржэкзамену, які здаецца ў Расіі. Заданні будуць прапаноўвацца ў залежнасці ад абранай спецыяльнасці. Дата правядзення тэсціравання будзе даведзена дадаткова.
І яшчэ адна важная дэталь: калі вы алімпіяднік, то ў якасці першага этапа адбору кандыдатаў на квоту вам залічаць вынік за апошнія 3 гады.

Ад Масквы да Уладзівастока

Топ самых папулярных для беларусаў ВНУ ў Расіі выглядае так:
Маскоўскі фізіка-тэхнічны інстытут,
Санкт-Пецярбургскі дзяржаўны ўніверсітэт,
Нацыянальны даследчы ўніверсітэт "Вышэйшая школа эканомікі" (Санкт-Пецярбург),
Першы Маскоўскі дзяржаўны медыцынскі ўніверсітэт імя І.М. Сечанава,
Маскоўскі дзяржаўны тэхнічны ўніверсітэт імя Н.Э. Баумана.
З папулярных напрамкаў можна вылучыць прыкладную матэматыку, фізіку і інфарматыку; лячэбную справу, стаматалогію і педыятрыю; эканоміку, менеджмент, бізнес-інфарматыку; праграмную інжынерыю, інфармацыйныя сістэмы і тэхналогіі, інфарматыку і вылічальную тэхніку; рэкламу і сувязі з грамадскасцю, журналістыку, тэлебачанне, медыя і камунікацыі.
Таксама беларускія абітурыенты часта выбіраюць усходазнаўства і афрыканістыку, суднаваджэнне, эксплуатацыю аэрапортаў і забеспячэнне палётаў паветраных суднаў, аэранавігацыю.
Паступіць беларусам па квоце можна аж у 505 ВНУ Расіі ад Масквы да Уладзівастока. Самыя блізкія – Смаленскі медыцынскі, Пскоўскі дзяржаўны, Бранскі інжынерна-тэхналагічны, сельгасакадэмія і акадэмія фізкультуры і турызму ў тым жа Смаленску. Спісак усіх універсітэтаў тут.
Уступная кампанія - Sputnik Беларусь, 1920, 14.10.2021
Расійскія ВНУ падоўжаць тэрміны новай прыёмнай кампаніі для беларусаў
Чытайце таксама:
Спецыяльна для СНД: Рассупрацоўніцтва падаўжае прыём абітурыентаў да 25 лістапада
Галоўная ВНУ Санкт-Пецярбурга - пра новы конкурс і перспектывы для беларусаў
Расія абвясціла аб прыёме беларусаў у ВНУ на 2022 год
Названа колькасць беларусаў, якія паступілі па квоце ў ВНУ Расіі ў 2021 годзе
Рассупрацоўніцтва павялічыць квоты для ўсіх краін СНД - Шаўцоў
Стужка навiн
0