https://bel.sputnik.by/20211105/zavod-pa-vytvorchasts-vaktsyny-pabuduyuts-u-belarus-kolk-geta-budze-kashtavats-1057689351.html
Завод па вытворчасці вакцыны пабудуюць у Беларусі: колькі гэта будзе каштаваць
Завод па вытворчасці вакцыны пабудуюць у Беларусі: колькі гэта будзе каштаваць
Sputnik Беларусь
Плануецца, што актыўны кампанент айчыннага прэпарата будуць вырабляць на прадпрыемстве ў Віцебскім раёне, а на заводзе "Белмедпрэпараты" ў Мінску вакцыну будзе... 05.11.2021, Sputnik Беларусь
2021-11-05T10:50+0300
2021-11-05T10:50+0300
2023-02-23T14:06+0300
вытворчасць
вакцына
прадпрыемства
беларусь
https://cdnn11.img.sputnik.by/img/07e5/02/01/1046784193_0:7:2884:1629_1920x0_80_0_0_22b77f7db06d9367884294989f8113da.jpg
МІНСК, 5 ліс — Sputnik. На стварэнне вытворчасці па выпуску беларускай вакцыны ад каронавіруса плануецца выдаткаваць 68,1 млн рублёў (27,6 млн долараў па курсе Нацбанка), указ аб рэалізацыі інвестыцыйнага праекта за подпісам кіраўніка дзяржавы апублікаваны ў пятніцу на Нацыянальным прававым інтэрнэт-партале.Да канца 2021 года на праектныя работы і пачатак будаўніцтва выдзеляць 11 мільёнаў рублёў, грошы паступяць з рэспубліканскага цэнтралізаванага інавацыйнага фонду, а таксама інавацыйнага фонду Віцебскай вобласці.У 2022-2023 гадах праект уключаць у дзяржаўную інвестыцыйную праграму, і ўсе сродкі будуць ісці з бюджэту. У 2022-м улады выдзеляць 50 млн рублёў, у 2023-м - 7,1 млн рублёў.Акрамя таго, ва ўказе гаворыцца, што тэхналагічнае абсталяванне, а таксама сыравіна і матэрыялы (пажыўныя асяроддзі і фільтры), якія давядзецца закупляць за мяжой для вытворчасці ўласнай вакцыны, будуць увозіцца ў Беларусь без мытных пошлін і ПДВ.Завод па вытворчасці вакцыныПрадпрыемства будзе пабудавана ў вёсцы Должа Віцебскай вобласці на базе ААТ "БелВітуніфарм", якое таксама займаецца распрацоўкай іншых медпрэпаратаў. Акрамя ўзвядзення новых вытворчасцей, будуць рэканструяваны ўжо існуючыя.Распрацоўка беларускай вакцыны вядзецца арганізацыямі, якія знаходзяцца ў ведамстве Міністэрства аховы здароўя і Нацыянальнай акадэміі навук. Як паведамілі ў Міністэрстве аховы здароўя, серыя прататыпнага варыянту вакцыны падрыхтавана.Плануецца, што на "БелВітуніфарм" будуць вырабляць актыўны кампанент вакцыны, а на заводзе "Белмедпрэпараты" ў Мінску вакцыну будуць разліваць і выпускаць гатовую форму. Як раней адзначаў прэзідэнт краіны Аляксандр Лукашэнка, у грамадзянскі абарот беларуская вакцына ад COVID-19 паступіць у 2023 годзе.Чытайце таксама:
беларусь
Sputnik Беларусь
media@sputniknews.com
+74956456601
MIA „Rossiya Segodnya“
2021
Sputnik Беларусь
media@sputniknews.com
+74956456601
MIA „Rossiya Segodnya“
Навіны
ru_BY
Sputnik Беларусь
media@sputniknews.com
+74956456601
MIA „Rossiya Segodnya“
Sputnik Беларусь
media@sputniknews.com
+74956456601
MIA „Rossiya Segodnya“
вытворчасць, вакцына, прадпрыемства, беларусь
вытворчасць, вакцына, прадпрыемства, беларусь
Завод па вытворчасці вакцыны пабудуюць у Беларусі: колькі гэта будзе каштаваць
10:50 05.11.2021 (абноўлена: 14:06 23.02.2023) Плануецца, што актыўны кампанент айчыннага прэпарата будуць вырабляць на прадпрыемстве ў Віцебскім раёне, а на заводзе "Белмедпрэпараты" ў Мінску вакцыну будзе разліваць і выпускаць гатовую форму.
МІНСК, 5 ліс — Sputnik. На стварэнне вытворчасці па выпуску беларускай вакцыны ад каронавіруса плануецца выдаткаваць 68,1 млн рублёў (27,6 млн долараў па курсе Нацбанка), указ аб рэалізацыі інвестыцыйнага праекта за подпісам кіраўніка дзяржавы апублікаваны ў пятніцу на Нацыянальным прававым інтэрнэт-партале.
Да канца 2021 года на праектныя работы і пачатак будаўніцтва выдзеляць 11 мільёнаў рублёў, грошы паступяць з рэспубліканскага цэнтралізаванага інавацыйнага фонду, а таксама інавацыйнага фонду Віцебскай вобласці.
У 2022-2023 гадах праект уключаць у дзяржаўную інвестыцыйную праграму, і ўсе сродкі будуць ісці з бюджэту. У 2022-м улады выдзеляць 50 млн рублёў, у 2023-м - 7,1 млн рублёў.
Акрамя таго, ва ўказе гаворыцца, што тэхналагічнае абсталяванне, а таксама сыравіна і матэрыялы (пажыўныя асяроддзі і фільтры), якія давядзецца закупляць за мяжой для вытворчасці ўласнай вакцыны, будуць увозіцца ў Беларусь без мытных пошлін і ПДВ.
Завод па вытворчасці вакцыны
Прадпрыемства будзе пабудавана ў вёсцы Должа Віцебскай вобласці на базе ААТ "БелВітуніфарм", якое таксама займаецца распрацоўкай іншых медпрэпаратаў. Акрамя ўзвядзення новых вытворчасцей, будуць рэканструяваны ўжо існуючыя.
Распрацоўка беларускай вакцыны вядзецца арганізацыямі, якія знаходзяцца ў ведамстве Міністэрства аховы здароўя і Нацыянальнай акадэміі навук. Як паведамілі ў Міністэрстве аховы здароўя, серыя прататыпнага варыянту вакцыны падрыхтавана.
Плануецца, што на "БелВітуніфарм" будуць вырабляць актыўны кампанент вакцыны, а на заводзе "Белмедпрэпараты" ў Мінску вакцыну будуць разліваць і выпускаць гатовую форму. Як раней адзначаў прэзідэнт краіны Аляксандр Лукашэнка, у грамадзянскі абарот беларуская вакцына ад COVID-19 паступіць у 2023 годзе.
Міністэрства аховы здароўя:
беларускую вакцыну ад каронавіруса падрыхтуюць для экспарту
Міністэрству аховы здароўя выдзеляць $57,2 млн
з рэзервовага фонду прэзідэнта"Я не ведаў, што гэта так цяжка":
маналогі пацыентаў і ўрачоў з чырвонай зоны
