Хрэнін: ваенная актыўнасць Польшчы ніяк не звязана з міграцыйным крызісам
© AFP 2024 / PATRIK STOLLARZ
Падпісацца
Цяпер на беларуска-польскай мяжы разгортваецца міграцыйны крызіс, выкліканы наплывам грамадзян блізкаўсходніх дзяржаў, якія імкнуцца трапіць у ЕС.
МІНСК, 12 ліс – Sputnik. Паблізу заходніх меж Беларусі створана групоўка войск колькасцю 15 тысяч чалавек, сказаў міністр абароны Віктар Хрэнін у каментарыі для ВаенТБ.
Паводле яго слоў, перад абаронным ведамствам рэспублікі стаіць задача па комплексным адсочванні сітуацыі па ўсім перыметры меж краіны. У рамках пастаўленай задачы абстаноўка вывучаецца дэталёва для чаго задзейнічаны неабходныя ваенныя сілы і сродкі.
"Ваенная актыўнасць, якая развязана нашымі суседзямі ў непасрэднай блізкасці нашых граніц, па сілах, сродках і маштабах ніяк не звязана з міграцыйным крызісам", - падкрэсліў міністр абароны.
У Мінабароны адзначаюць актывізацыю ваеннай дзейнасці на гродзенскім напрамку паблізу ад дзяржаўнай мяжы Беларусі.
"На заходніх рубяжах створана групоўка колькасцю звыш 15 тысяч чалавек. Дадзеная групоўка ўключае ў сябе падраздзяленні ад дзвюх брыгад тэрытарыяльнай абароны. Акрамя таго, адзначана разгортванне сіл і сродкаў 16-й механізаванай дывізіі ўзброеных сіл Польшчы ў раёне населенага пункта Кузніца", - нагадаў Віктар Хрэнін.
Пасля чаго дадаў, што да гэтай дзейнасці прыцягнуты і сілы СПА, а таксама падраздзяленні спецназа. Падрыхтавана база для нарошчвання групоўкі на гэтым напрамку.
"З гэтай мэтай разгорнута 12 палявых лагераў для размяшчэння ваеннаслужачых і тэхнікі", - звярнуў увагу кіраўнік Мінабароны.
Актывізацыя ў іншых краінах
Пры гэтым беларускі бок адзначае актывізацыю ваеннай дзейнасці і на літоўскім напрамку. Гэтыя высновы пацвярджае і ўзаемадзеянне з расійскім бокам па лініі разведвальных органаў.
"Ствараецца такое ўражанне, што нашы суседзі на захадзе, у прыватнасці, Польшча ў рамках вырашэння сваіх унутрыпалітычных праблем, а таксама праблем, звязаных з адносінамі ўнутры Еўрасаюза, гатова развязаць канфлікт, у які хочуць уцягнуць Еўропу", - лічыць Віктар Хрэнін.
У сувязі з гэтым ён заклікаў "гарачыя галовы" не пераацэньваць свае магчымасці.
Мова ўльтыматумаў непрымальна
Паводле слоў міністра, беларускае войска гатова адказаць жорстка на любыя выпады. Створаная сістэма рэагавання на пагрозы і выклікі здольна гарантаваць бяспеку рэспублікі.
"У тым ліку, пры неабходнасці з нашым галоўным стратэгічным саюзнікам Расійскай Федэрацыяй. Мы гатовы абараніць рубяжы Саюзнай дзяржавы і ў найкарацейшыя тэрміны стварыць неабходную групоўку войск на любым напрамку", - асабліва адзначыў кіраўнік беларускага абароннага ведамства.
У завяршэнне Віктар Хрэнін падкрэсліў, што спробы запалохаць беларускі бок і беспадстаўна абвінаваціць прымушаюць "рэагаваць адэкватна" на дадзеную сітуацыю.
12 лістапада 2021, 15:55
Чытайце таксама:
Дэсант беларускіх і расійскіх вайскоўцаў высадзіўся каля Гродна
Сітуацыя на мяжы застаецца напружанай, бежанцы прыбываюць – ДПК
Гэта прарыў? Каля сотні бежанцаў ідуць уздоўж дзяржмяжы
Дуда абмеркаваў з генсекам НАТА, што рабіць з мігрантамі
Лукашэнка растлумачыў, што кантралюе авіяцыя Беларусі і Расіі
Украіна ўдвоіць колькасць пагранічнікаў на мяжы з Беларуссю
Макей распавёў пра гібрыдную вайну, мігрантаў і дыялог з ЕС
Сустрэчы і абвінавачанні: якая рэакцыя ў свеце на крызіс з мігрантамі ў Беларусі
