Сітуацыя на мяжы застаецца напружанай, бежанцы прыбываюць – ДПК
© Sputnik / Виктор Толочко
Падпісацца
Польскія вайскоўцы працягваюць аказваць псіхалагічнае ўздзеянне на бежанцаў, выкарыстоўваюць гучнагаварыцелі, пражэктары і страбаскопы, заявілі ў Дзяржпагранкамітэце.
МІНСК, 12 ліс – Sputnik. Дзяржаўны пагранічны камітэт Беларусі заявіў, што сытуацыя на беларуска-польскай мяжы працягвае заставацца напружанай, мігранты прыбываюць.
"Сітуацыя застаецца напружанай. Лагер папаўняецца новымі групамі людзей, якія прыбываюць. Каля 11 гадзін 12 лістапада было зафіксавана перамяшчэнне шматлікай групы бежанцаў уздоўж дзяржаўнай мяжы да стыхійнага лагера на мяжы", - паведамілі Sputnik у прэс-службе ДПК.
Па стане на раніцу 12 лістапада на беларуска-польскай мяжы каля польскіх загарод працягваюць знаходзіцца бежанцы, у тым ліку жанчыны і дзеці.
З-за дастаткова халоднага надвор'я бежанцы часцей звяртаюцца па медыцынскую дапамогу, паблізу лагера кругласутачна дзяжураць медыцынскія брыгады. У лагер дастаўляецца гуманітарная дапамога грамадскімі арганізацыямі і валанцёрамі.
Псіхалагічнае ўздзеянне
У ДПК адзначылі, што польскія вайскоўцы працягваюць аказваць псіхалагічнае ўздзеянне на бежанцаў, выкарыстоўваюць гучнагаварыцелі, пражэктары і страбаскопы, а таксама ігнаруюць просьбы аказання дапамогі людзям, якія знаходзяцца на польскай тэрыторыі непасрэдна каля загарод.
Чарговы фэйк
Дзяржаўны пагранічны камітэт Беларусі заявіў аб чарговым інфармацыйным укідзе польскіх сілавікоў, назваўшы яго "правакацыйным паведамленнем".
"Мінабароны Польшчы публікуе відэа, суправаджаючы іх загадзя ілжывай інфармацыяй", - заявілі ў прэс-службе ДПК.
"Насамрэч група бежанцаў са стыхійнага лагера, у тым ліку жанчыны і дзеці, ушчыльную падышлі да польскіх загарод на польскай тэрыторыі, каб у чарговы раз звярнуцца па абарону ў Польшчы. Аднаму з мужчын стала дрэнна. Аднак польскі бок замест аказання дапамогі, аб якой прасілі жанчыны і дзеці, працягвала абыякава асвятляць групу бежанцаў страбаскопамі і здымаць тое, што адбываецца на камеру", - распавялі ў ДПК.
Па словах пагранічнікаў, на месца прыбылі беларускія вайскоўцы, якія неаднаразова прасілі людзей вярнуцца ў Беларусь. Паколькі тэрыторыя непасрэдна каля загароды з'яўляецца польскай, падысці да мужчыны для аказання першай дапамогі без парушэння мяжы было немагчыма.
"Такія публічныя інфармацыйныя ўкіды польскага боку з'яўляюцца спробамі дыскрэдытацыі беларускіх вайскоўцаў", - падкрэслілі ў Дзяржпагранкамітэце.
"(…) усе намаганні польскага боку накіраваны не на вырашэнне праблемы міграцыйнага крызісу на мяжы ЕС, а на актыўнае распаўсюджванне дэзінфармацыі", - сказалі ў ДПК.
12 лістапада 2021, 13:16
Таксама на Sputnik:
Паміж дапамогай і надзеяй: падзеі чацвёртага дня на беларуска-польскай мяжы
Гэта прарыў? Каля сотні бежанцаў ідуць уздоўж дзяржмяжы
Сітуацыя пагаршаецца: чарговы дзень з жыцця лагера мігрантаў на мяжы ў фатаграфіях
Кіраўнікі 4 канфесій Беларусі рыхтуюць зварот па бежанцах – муфтый
Папа рымскі заклікаў Еўропу праявіць салідарнасць з мігрантамі
Дзяцей мігрантаў размесцяць у адным з дзіцячых лагераў у Беларусі
Макей распавёў пра гібрыдную вайну, мігрантаў і дыялог з ЕС
Мігранты ноччу штурмавалі мяжу – МУС Польшчы
