Свята млынароў у Адэльску: ад зерня да каравая (фота)

Калісьці гэта было мястэчка, бо Адэльск меў Магдэбурскае права.

Цяпер тут штогод праводзяць Свята млынароў, якое даўно стала не толькі брэндавым святам Адэльска, але і ўсяго Гродзенскага раёна.

Спалучэнне гісторыі, крэатыву, таленту і душэўнасці нікога не пакідае раўнадушнымі.

Свята пачынаецца з тэатралізаванага шэсця каравайніц і калектываў народнай творчасці.

11 лістапада тут заўсёды святкавалі Дзень Святога Марціна — заступніка млынароў. У гэты дзень мясцовыя жыхары ладзілі кірмаш, адпачывалі і весяліліся.

Цяпер Дзень святога Марціна адзначаюць не толькі смакаваннем гуся, але і дэгустацыяй маладога віна. Менавіта гэты дзень афіцыйна лічыцца днём віна новага ўраджаю, а леташняе віно з гэтага моманту лічыцца старым.

Кулінары Гродзенскага раёна прыгатавалі вялікі святочны пірог, які ўсталявалі на спецыяльным стале і ўрачыста раздзялілі паміж гасцямі.

Хлеб і пірагі, вяндліну і клінковы сыр адэльскіх гаспадынь ведаюць не толькі ва ўсёй акрузе, але і па-за межамі аграгарадка.

Госці прадэгуставалі стравы традыцыйнай рэгіянальнай кухні не толькі Адэльска, якія ўнесены ў Дзяржаўны спіс гісторыка-культурных каштоўнасцей Рэспублікі Беларусь, але і з усяго Гродзенскага раёна.

Стравы рэгіянальнай беларускай кухні спецыяльна прыгатаваны па старадаўніх рэцэптах майстрамі-кулінарамі мясцовасці.

"Шчодры пачастунак" - дэгустацыя самага вялікага святочнага пірага.

Тут таксама праводзяць фестываль "Вяртанне да вытокаў” і свята хлеба “ХлебныФЭСТ”.

На "ХлебнымФЭСЦе" праводзяць абрад "Выпяканне хлеба" і дэгустацыю таго самага бабуліна хлеба па старадаўніх рэцептах і традыцыйнай выпечкі.

Адна з лакацый свята - музей пад адкрытым небам.

А таксама прэзентацыя пазнавальна-забаўляльнай праграмы, звязанай з хлебам "Старыя рэчы з гісторыяй".

На свята з'язджаюцца фальклорныя калектывы са ўсей вобласці.

У музеі народных інструментаў Мар'яна Скрамблевіча адбылася прэзентацыя яго новай кнігі "Эх, скручу я дудку! Такое зайграю…"

А у цэнтры культуры адбылося свята "Танцы да апошняга музыкі".

Традыцыйна тут праводзіцца і конкурс "Самы прыгожы каравай".

Заяўленыя на конкурс работы ацэньваліся па трох намінацыях: "Традыцыйны каравай", "Сучасны каравай" і "Фантазійная кампазицыя".