Такой лазні яны не бачылі: мігрантам арганізавалі водныя працэдуры – відэа
© Sputnik
Падпісацца
Праз тыдзень пасля пераезду ў лагістычны цэнтр мігрантам арганізавалі магчымасць памыцца, увогуле яны знаходзяцца на мяжы Беларусі з Польшчай ужо тры тыдні, і пытанне гігіены стаіць вельмі востра. Як выглядае палявая лазня для мігрантаў, гледзіце на відэа.
Армейская палявая лазня з'явілася напярэдадні побач з лагістычным цэнтрам каля беларуска-польскай мяжы, у якім на гэты момант жывуць каля дзвюх тысяч мігрантаў. Больш за тры тыдні яны знаходзяцца каля мяжы і да гэтага часу магчымасці водных працэдур у іх не было.
Першымі магчымасць памыцца далі жанчынам і дзецям. За першы дзень памыліся каля 300 чалавек, хаця першапачаткова планавалася, што працэс пойдзе хутчэй.
За адзін заход пускаюць каля 20 чалавек. У распранальні ўсталявана печка-буржуйка, якая дае цеплыню. На стэлажах - просціны, імі можна выцірацца. Вада паступае з вялікага бойлера ў машыне вайскоўцаў.
Лазня на мяжы карыстаецца вялікім попытам. Жанчыны загадзя збіраюцца і чакаюць, калі іх адвядуць у МПП - мабільны прамывачны пункт. Ад лагера мігрантаў трэба прайсці не больш за 200 метраў, расказала карэспандэнт Sputnik Іна Грышук.
Пытанне гігіены і прафілактыкі інфекцый, паводле слоў урачоў, стаіць вельмі востра. Перад мыццём для мігрантаў арганізаваны медыцынскі агляд. Перад душам дарослых і дзяцей аглядаюць на педыкулёз і многім апрацоўваюць галаву спецыяльным растворам.
"Само мыццё доўжыцца нядоўга – хвілін 20, як кажуць валанцёры, якія тут дзяжураць. Але ўсё падаўжаецца тым, што пасля мыцця жанчынам раздаюць рэчы. І гэта вельмі доўга. Яны разбіраюць вялікія баулы, спрабуюць падабраць курткі, кофтачкі, штаны патрэбнага памеру і для дзяцей, і для жанчын. Гэта вельмі зацягвае працэс”, – расказвае карэспандэнт.
Рэчы для мігрантаў у лагер прывозяць як валанцёры, так і асобныя беларусы. Многае - вельмі добрай якасці - ад натуральных футраў да куртак, джынсаў і абутку. У мігрантаў ёсць шанс выглядаць больш моднымі, чым многія беларусы.
Глядзіце таксама:
А снег не ведаў і падаў: школа выжывання ў мароз для мігрантаў - відэа
Званок дадому і апошняя надзея: што бежанец з Сірыі сказаў родным - відэа
Цэны на шаўрму і новыя правілы: як арганізаваны побыт мігрантаў – відэа
Тоны кашы, ролтана і кансерваў: чым кормяць мігрантаў
У цеснаце, ды не ў крыўдзе: мігранты наладжваюць новы побыт і будуюць планы – відэа
Пуста, жудасна і горы смецця: мігранты кінулі лагер ля мяжы - відэа
Накармілі, абагрэлі і дадому? Што адбываецца з мігрантамі пасля разгону - відэа
Газ, вадамёты, светлашумавыя гранаты: Польшча сустрэла мігрантаў – відэа
