SputnikPro: як атрымаць даход ад кантэнту – стратэгія манетызацыі
17:58 26.11.2021 (абноўлена: 18:15 26.11.2021)
© Sputnik
Падпісацца
Міжнароднае агенцтва навін і радыё Sputnik працягвае асветніцкі праект для журналістаў і медыяменеджэраў.
МІНСК, 26 ліс – Sputnik. У мультымедыйным прэс-цэнтры Sputnik Беларусь адбыўся новы модуль праграмы на тэму: "Манетызацыя кантэнту - актуальныя трэнды".
На гэты раз майстар-клас правялі прадстаўнікі Дырэкцыі развіцця бізнесу Міжнароднага інфармацыйнага агенцтва "Россия сегодня" Вольга Рабава і Дыяна Хаштарыа, а таксама намеснік дырэктара - галоўнага рэдактара выдавецкага дома "Беларусь сегодня" Іван Сінічкін.
Насуперак пандэміі майстар-клас прайшоў пры поўным аншлагу. З прычыны павышанай цікавасці беларускіх СМІ да перадавога вопыту МІА "Россия сегодня" дыялог адбыўся адначасова на дзвюх пляцоўках: афлайн у мультымедыйным прэс-цэнтры Sputnik Беларусь, дзе сабраліся прадстаўнікі вядучых рэспубліканскіх сталічных СМІ, і ў рэжыме анлайн у фармаце ZOOM-канферэнцыі, да якой далучыліся больш за пяцьдзесят абласных і раённых рэдакцый.
SputnikPro прайшоў у пятніцу на дзвюх пляцоўках: у анлайн- і афлайн-фарматах
© Sputnik
Ёсць аптымізм і перспектывы
Сваё выступленне Вольга Рабава пачала з аналізу рэкламнага рынку. Па ацэнцы спецыяліста, пасля часавага спаду ён трансфармаваўся і адкрыў новыя перспектывы.
"Нягледзячы на пандэмію, рэкламныя рынкі практычна ўсе аднавіліся. Характэрна, што ў агульным аб'ёме 400 млрд расійскіх рублёў за 9 месяцаў 2021 года больш за 50% займае рэклама ў сетцы Інтэрнэт. Гэты самы перспектыўны напрамак для манетызацыі рэсурсаў", - сказала Рабава.
Паводле яе слоў, з 2020 года пастаянна прырастае сам час знаходжання ў Інтэрнеце і, адпаведна, медыяспажыванне. А таму пляцоўка стала адной з самых прывабных для рэкламадаўцаў.
Прадстаўнік Дырэкцыі развіцця бізнесу Міжнароднага інфармацыйнага агенцтва "Россия сегодня" Вольга Рабава
© Sputnik
"Выдаткі растуць не толькі на аўтаматызаваныя сістэмы перфоманс, але і на стандартныя нашы інструменты. Брэндаванае відэа і новыя фарматы сталі больш запатрабаваныя нашымі партнёрамі - рэкламадаўцамі. Людзі спрабуюць інтэграваць свой кантэнт у відэа. Рабіць брэндаванае віруснае відэа. І гэта дае свой вынік у даходах. Рост дастаткова сур'ёзны - больш чым на 30%", - прывяла лічбы Рабава.
Што трэба рэкламадаўцу?
Як адзначыла Дыяна Хаштарыа, у рэкламадаўцаў няма пэўных пераваг па рэалізацыі праектаў са СМІ-партнёрамі. Бюджэт, які яны плануюць на рэкламу, размеркаваны ў розных кірунках.
"Яны закупляюць і прамую рэкламу, і аўтаматызаваную рэкламу, яны дастаткова актыўныя ў напрамку спецпраектаў. Калі вам цікава прыцягваць рэкламадаўцу да сябе на пляцоўку, трэба працаваць з усімі існуючымі на рынку фарматамі", - сказала Хаштарыа.
Падчас майстар-класа яна растлумачыла чаму сёння патэнцыйным заказчыкам настолькі цікава інтэрнэт-рэклама. Галоўнае - гэта даступнасць, вялікая аўдыторыя, дакладныя наладкі таргетавання, доступ да статыстыкі, магчымасць умяшання ў рэкламную кампанію пасля яе запуску. А галоўнае - адносна сціплыя бюджэты, якія ў дзесяткі, сотні разоў таннейшыя за рэкламу на ТБ.
"У інтэрнэце рэклама дазваляе працаваць з любымі бюджэтамі. Кампаніі могуць спрабаваць рэкламныя кампаніі з бюджэтам, напрыклад, ад 100 долараў. І па выніках ацэньваць: які накірунак ім можа быць цікавы і даступны", - сказала спікер.
Які фармат запатрабаваны ў рэкламадаўца?
Адказваючы на гэтае пытанне, Хаштарыа адзначыла, што запатрабаваны ўсе фарматы. Галоўнае, каб быў вынік.
"Гэта забаўляльныя - гульні, інтэрактыўныя сэрвісы, конкурсы, тэсты і квізы. Кантэнтныя - натыўныя артыкулы, відэа, рассылкі, апытанні, рэйтынгі. Анансуючыя - банеры, закладкі на праектах, спецыяльныя кнопкі", - адзначыла яна.
Гэта значыць, увесь інструментарый, якім карыстаецца рэдакцыя ў паўсядзённай дзейнасці. Аднак асаблівую папулярнасць у апошні час атрымалі спецыяльныя рэкламныя інтэрнэт-праекты.
Што такое спецыяльныя праекты?
"Мы для сябе іх падраздзяляем на камерцыйныя і рэдакцыйныя - некамерцыйныя. Камерцыйны спецпраект гэта распрацаваны з нуля пад мэты і задачы рэкламадаўца і брэнда."
Рэдакцыйныя спецпраекты - гэта спецпраекты, якія рэдакцыя выпускае з мэтай прыцягнення дадатковай аўдыторыі, больш глыбокай працы з аўдыторыяй і "асаджэння" яе на сайце, а таксама для таго, каб разнастаіць фармат падачы інфармацыі на сайце", - растлумачыла Хаштарыа.
У рамках спецпраектаў выкарыстоўваецца шмат фарматаў. Магчымая інтэрактыўнасць, індывідуальны падыход да дызайну.
Пра аўдыёрэкламу
Па словах Хаштарыа, аўдыёрэклама мае сэнс, калі на сайце ёсць аўдыё кантэнт.
"У нас, напрыклад, гэта нашы падкасты. Яны вельмі запатрабаваныя і мы нашым рэкламадаўцам прапануем інтэграцыю ў двух фарматах: гэта стандартныя "джынглы" - кароткае рэкламнае паведамленне. Дапусцім на 5-й хвіліне мы гаворым, што ў нас нейкі партнёр праекта, далей у сярэдзіне падкаста і ў канцы падкаста", - падзялілася спікер.
Прадстаўнік Дырэкцыі развіцця бізнесу Міжнароднага інфармацыйнага агенцтва "Россия сегодня" Дыяна Хаштарыа
© Sputnik
Таксама яна расказала, што можна рыхтаваць у рамках падкаста асобны эпізод з нуля, "выбіраючы тэматычна блізкі яму падкаст, і ў рамках ланцужка ўсіх выпускаў, адзін у нас камерцыйны".
Размяшчэнне партнёрскіх матэрыялаў і спасылак
На думку Хаштарыа, мяняць рэдакцыйную палітыку ва ўгоду нават буйной рэкламнай дамове не варта. Тым больш, што ёсць нямала прылад для задавальнення запатрабаванняў нават пераборлівага заказчыка.
"Усе нашы пляцоўкі - гэта пляцоўкі пры інфармацыйным агенцтве. Таму стаўленне да публікацый на нашых сайтах вельмі строгае. Кожны матэрыял, нават камерцыйны, вельмі старанна вывяраецца рэдакцыяй і падаецца ў абсалютна рэдакцыйным выглядзе", - сказала спікер.
Паводле яе слоў, гэты фармат запатрабаваны. Гэта можа быць навіна, інтэрв'ю, агляд, сюжэт, падрыхтаваны з некалькіх матэрыялаў.
"Не выключайце ў рэкламнай рабоце інфаграфіку. Калі вельмі вялікі аб'ём інфармацыі, для таго, каб спрасціць яе спажыванне, яе можна прадставіць у выглядзе графікі на сайце. Інфаграфіка бывае як статычная, так і інтэрактыўная. Гэта значыць можа быць некалькі слаёў апускання", - падзялілася сакрэтам спікер.
Што такое рэклама па-за "негатыўным полем"
Па словах Хаштарыа, кампаніі не хочуць бачыць свой брэнд у асяроддзі нейкіх негатыўных навін.
"Цяпер тэхналогіі ступілі вельмі далёка, таму мы рэкамендуем увесь негатыўны кантэнт, які выкладваецца на сайце, групаваць у рамках асобнага раздзела, які вы выключаеце з настройкі рэкламнай кампаніі", – сказала спікер.
Дызайн сайта і колькасць рэкламных месцаў
На думку ўдзельнікаў майстар-класа, сёння гэта адно з ключавых пытанняў. Дызайн і навігацыя сайта павінны быць максімальна простымі, зразумелымі для карыстальніка.
"Гэта такая архітэктура вашага сайта, якая павінна быць дастаткова простая і зразумелая. Гэта аблегчыць задачу "робатам", якія ходзяць па вашаму сайту, каб добра вас даваць у навінавай выдачы", - растлумачыла яна.
Дарэчы, чым больш наведвальнасць сайта, тым больш ахвотна на яго ідуць рэкламадаўцы. Але перагружаць рэкламай нават запатрабаваны рэсурс нельга.
"У вас стаіць задача прыцягнення аўдыторыі, якую потым трэба манетызаваць. Усе фарматы: кантэнт сайта, рэкламны банер, партнёрскі блок - змагаюцца за ўвагу таго карыстальніка, які прыйшоў на сайт. Таму размеркаванне па старонцы павінна быць лаканічным. Вялікая колькасць рэкламных месцаў на сайце не вырашыць задачу і не павялічыць вашу манетызацыю", - рэзюміравала Хаштарыа.
Манетызацыя кантэнту
У сваю чаргу намеснік дырэктара - галоўнага рэдактара выдавецкага дома "Беларусь сегодня" Іван Сінічкін падзяліўся з калегамі практычнымі напрацоўкамі па манетызацыі кантэнту.
Намеснік дырэктара - галоўнага рэдактара выдавецкага дома "Беларусь сегодня" Іван Сінічкін
© Sputnik
"Мы працуем у напрамку продажу рэкламы і манетызацыі лічбавых рэсурсаў па розных стратэгіях - гэта банерная рэклама, размяшчэнне рэкламных артыкулаў, платныя агляды, падпіска на прэміум-кантэнт", - сказаў Сінічкін.
Паводле яго слоў, рэкламныя артыкулы павінны быць накіраваны пад аўдыторыю выдання.
"Калі ў вас няма аўдыторыі, то рэкламадавец прыйдзе, калі яму іміджава выгадна размясціцца ў вас. Але калі ён хоча атрымаць аўдыторыю да сябе, а ў вас заходзіць на сайт 300-500 чалавек, то, хутчэй за ўсё, яму гэта будзе не выгадна, ён сыдзе ў аўтаматызаваныя сістэмы і пакажацца на рэсурсах-гігантах", - сказаў спікер.
Разам з тым, лічыць спікер, манетызацыя даступна і рэгіянальным СМІ. Напрыклад, рабіць платныя агляды нейкага брэнда. Такія ёсць у кожным рэгіёне - сетка крам, рынкі або найбольш папулярныя паслугі. Галоўнае - эксперыментаваць, шукаць новыя варыянты працы ў сетцы Інтэрнэт.
Таксама на Sputnik:
Як прасунуць відэа ў сацсетках: SputnikPro падзяліўся сакрэтамі
SputnikPro: тры правілы паспяховага Telegram-канала
SputnikPro: Вышынскі пра сувязь якаснай публіцыстыкі і пазіцыі аўтара
SputnikPro атрымаў прэмію IPRA Golden World Awards
