Абвінавачанага ў спробе дзяржперавароту Рыгора Кастусёва шпіталізавалі

© SputnikРыгор Кастусёў, архіўнае фота
Рыгор Кастусёў, архіўнае фота - Sputnik Беларусь, 1920, 30.11.2021
Падпісацца на
Медыкі падазраюць у апазіцыйнага палітыка анкалагічнае захворванне, у жніўні ён праходзіў абследаванне.
МІНСК, 30 ліс — Sputnik. Абвінавачаны ў спробе дзяржаўнага перавароту старшыню Партыі БНФ Рыгора Кастусёва з СІЗА КДБ перавялі ў турэмны шпіталь.
"Кастусёў шпіталізаваны, яго рыхтуюць да аперацыі. Самаадчуванне палітыка па-ранейшаму нездавальняючае. Ён увесь час мае патрэбу ў медыцынскай дапамозе. Паляпшэнняў няма", – паведаміла Sputnik яго адвакат Інэса Аленская.
Падрабязнасцяў ходу папярэдняга расследавання адвакат не расказала, бо следства КДБ узяло з яе падпіску аб неразгалошванні.
Раней паведамлялася, што Камітэт дзяржаўнай бяспекі дазволіў Кастусёву прайсці абследаванне ў найлепшых беларускіх медыкаў.
"Ён знаходзіцца ў СІЗА КДБ, але яго па меры неабходнасці возяць да медыкаў на абследаванне. Як ён мне распавёў, да лепшых беларускіх лекараў", - распавядала Sputnik адвакат Аленская.
Як раней паведамлялі ў СМІ сваякі апазіцыйнага палітыка, у яго падазрэнне на анкалагічнае захворванне.

Затрыманне Кастусёва

Нагадаем, што 64-гадовы Кастусёў быў затрыманы 12 красавіка 2021 года разам з Аляксандрам Фядутам і юрыстам з ЗША Юрыем Зянковічам. Яны праходзяць па крымінальнай справе аб спробе вайсковага перавароту ў Беларусі, якую вядзе КДБ.
У чэрвені Кастусёў трапіў у турэмны шпіталь у СІЗА №1 на вуліцы Валадарскага з падазрэннем на сардэчны прыступ. У задавальненні хадайніцтва абаронцы аб змене меры ўтрымання ў дачыненні да Кастусёва было адмоўлена і яго зноў вярнулі ў "амерыканку".
Аб падрыхтоўцы дзяржперавароту, падчас якога планаваўся замах на прэзідэнта Беларусі, расказаў СМІ кіраўнік дзяржавы Аляксандр Лукашэнка праз некалькі дзён пасля затрымання фігурантаў справы.
Паводле яго слоў, беларускі КДБ затрымаў арганізаваную групу, якая рыхтавала ўзброены пераварот. У яе склад уваходзілі як грамадзяне Беларусі, так і замежнікі.
Як удакладніў прэзідэнт, у падрыхтоўцы перавароту немалую ролю маглі адыгрываць амерыканскія спецслужбы.
Дапамогу ў спецаперацыі аказалі расійскія калегі з ФСБ. Як паведаміў Цэнтр грамадскіх сувязей ведамства, у Маскве былі затрыманы юрыст Юрый Зянковіч, які мае двайное грамадзянства ЗША і Беларусі, і беларускі палітолаг Аляксандр Фядута, якія планавалі ваенны пераварот 9 траўня ў Мінску.
Валадарка - СІЗА №1 Мінска - Sputnik Беларусь, 1920, 20.07.2021
Следства адмовілася адпусціць Кастусёва з СІЗА КДБ
Чытайце таксама:
У Мінска ёсць доказы датычнасці ЗША ў падрыхтоўцы перавароту – Хрэнін
Следства па справе аб дзяржперавароце ў Беларусі падоўжана да кастрычніка
Колькасць павялічылася: КДБ назваў імёны ўсіх абвінавачаных па справе аб дзяржперавароце
Стужка навiн
0
Спачатку новыяСпачатку старыя
loader
У эфіры
Заголовок открываемого материала