https://bel.sputnik.by/20211201/maskva-zanyala-pershae-mestsa--erope--reytyngu-navatsyy-u-baratsbe-z-covid-19-1058375434.html

Масква заняла першае месца ў Еўропе ў рэйтынгу інавацый у барацьбе з COVID-19

Масква заняла першае месца ў Еўропе ў рэйтынгу інавацый у барацьбе з COVID-19

Sputnik Беларусь

У свеце Масква займае трэцяе месца, саступаючы толькі Нью-Йорку і Сан-Францыска. 01.12.2021, Sputnik Беларусь

2021-12-01T14:22+0300

2021-12-01T14:22+0300

2021-12-01T14:22+0300

еўропа

масква

рэйтынг

covid-19

у свеце

сан-францыска

расія

нью-йорк

барацьба

каронавірус

https://cdnn11.img.sputnik.by/img/104469/82/1044698244_0:0:2915:1640_1920x0_80_0_0_135caa8c8437ac6c9a7b949e1b217288.jpg

МІНСК, 1 сне – Sputnik. Масква прызнана першай сярод еўрапейскіх гарадоў у рэйтынгу інавацый, якія дапамагаюць у фарміраванні ўстойлівасці барацьбы з каронавірусам. Яна апярэдзіла Лондан і Барселону, паведамляе мэрыя Масквы.Сярод сусветных мегаполісаў расійская сталіца займае трэці радок – пасля Сан-Францыска і Нью-Йорка. Пяцёрку замыкаюць Бостан і Лондан. Рэйтынг склала міжнароднае даследчае агенцтва StartupBlink.Дабіцца высокіх паказчыкаў Маскве дапамагло амаль 160 перадавых рашэнняў, якія прымяняюцца для барацьбы з распаўсюджваннем каронавіруса.Сярод іх алгарытмы камп'ютарнага зроку на аснове штучнага інтэлекту. Гэта методыка ўжо дапамагла рэнтгенолагам прааналізаваць больш за тры мільёны даследаванняў.Яшчэ адно інавацыйнае рашэнне – воблачная платформа, якая аб'ядноўвае пацыентаў, урачоў, медыцынскія арганізацыі, страхавыя кампаніі, фармакалагічныя вытворчасці і сайты.Садзейнічалі высокім вынікам і тэхналогіі, якія дапамагаюць адаптаваць жыццё гараджан падчас пандэміі. Гэта праекты ў сферы разумнага турызму, электроннай камерцыі і лагістыкі, а таксама дыстанцыйнай працы і анлайн-адукацыі.Эксперты агенцтва StartupBlink ацэньвалі прынятыя ў Маскве меры з пункту гледжання эпідэміялагічных паказчыкаў і ўплыву на эканоміку.Маскоўскі вопытУ барацьбе з каронавірусам Масква адмовілася ад крайнасцяў. Стаўку зрабілі на прафілактыку: павялічылі колькасць пунктаў бясплатнага экспрэс-тэсціравання і вакцынацыі, запатэнтавалі анлайн-праграмы і платформы для навучання, развівалі магчымасці тэлемедыцыны.Маскоўская сістэма аховы здароўя за час пандэміі назапасіла дастаткова вялікі запас трываласці, які дазваляе не спыняць планавую і экстраную дапамогу нават у перыяды пікаў захворвання на COVID-19.Сталіца падтрымлівае бізнес, выдзяляючы субсідыі і даючы льготы. У гэтым годзе мерамі падтрымкі скарысталася каля 25 тысяч прадпрыемстваў малога і сярэдняга бізнесу.Як складаецца рэйтынгРэйтынг складаецца на базе глабальнай карты інавацыйных рашэнняў па барацьбе з каронавірусам і ацэньвае каля 100 вядучых гарадоў і 40 краін свету. Глабальная карта была створана ў сакавіку 2020 года, і на працягу года на яе было дададзена больш за тысячу рашэнняў.Алгарытм рэйтынга ўлічвае колькасць і тып інавацый, якія выкарыстоўваюцца ў барацьбе з каронавірусам. Праекты, якія прымаліся да разгляду, павінны былі адпавядаць тром базавым крытэрыям, сярод якіх інавацыйнасць, рэлевантнасць (рашэнне павінна непасрэдна адказваць на выклікі COVID-19) і дакладнасць. Дадатковыя балы прысуджаюцца за асобныя выдатныя ініцыятывы. Усе рашэнні праходзяць папярэднюю мадэрацыю і адбіраюцца экспертамі па крытэрыях якасці і дакладнасці інфармацыі.Чытайце таксама:

https://bel.sputnik.by/20211124/u-ras-zaregstravana-vaktsyna-ad-covid-dlya-padletka---sputnik-m-1058221282.html

еўропа

масква

сан-францыска

расія

нью-йорк

2021

Навіны

ru_BY

еўропа, масква, рэйтынг, covid-19, у свеце, сан-францыска, расія, нью-йорк, барацьба, каронавірус, інавацыі