https://bel.sputnik.by/20211201/nepryshcheplenym-lyudzyam-varta-pachakats-z-paezdkam--saaz-1058371351.html

Непрышчэпленым людзям варта пачакаць з паездкамі – СААЗ

Непрышчэпленым людзям варта пачакаць з паездкамі – СААЗ

Sputnik Беларусь

Занепакоенасць медыкаў выклікае хуткае распаўсюджванне па свеце выяўленага на поўдні Афрыкі новага штама каронавіруса, які атрымаў назву "амікрон". 01.12.2021, Sputnik Беларусь

2021-12-01T11:19+0300

2021-12-01T11:19+0300

2021-12-01T11:19+0300

людзі

афрыка

сааз

медык

штам

маска

пасажыр

амікрон

каронавірус

https://cdnn11.img.sputnik.by/img/104491/56/1044915638_0:268:3072:1996_1920x0_80_0_0_52c1bb8567fb0ddf60d927e278955789.jpg

МІНСК, 1 сне – Sputnik. Сусветная арганізацыя аховы здароўя (СААЗ) рэкамендуе людзям, якія не прайшлі поўную вакцынацыю або знаходзяцца ў хваравітым стане, пачакаць з паездкамі ў месцы распаўсюджвання каронавіруса. Пра гэта гаворыцца ў апублікаваных СААЗ саветах у сувязі з выяўленым на поўдні Афрыкі амікрон-штамам SARS-CoV-19.СААЗ падкрэслівае, што ўсім неабходна насіць ахоўныя маскі, выконваць фізічнае дыстанцыяванне і пазбягаць месцаў вялікай колькасці людзей.Людзям, якія нездаровы, не поўнасцю вакцынаваны, схільны да павышанай рызыкі цяжкага захворвання, а таксама тым, хто старэйшы за 60 гадоў, рэкамендуецца ўстрымацца ад паездак у раёны, дзе зафіксавана распаўсюджванне інфекцыі.Асабліва трэба звярнуць увагу на гэтыя рэкамендацыі людзям з хваробамі сардэчна-сасудзістай сістэмы, з дыябетам і анкалагічнымі захворваннямі.СААЗ прапануе праводзіць скрынінг пасажыраў, тэсціраванне на наяўнасць каронавіруснай інфекцыі і каранцін.Разам з тым арганізацыя падкрэслівае, што "ўсёабдымная забарона на падарожжы не прадухіліць міжнароднага распаўсюджвання [каронавіруса], але будзе ўяўляць сабой цяжар для жыцця і крыніц існавання".Новы штам22 лістапада ў міжнародную базу дадзеных GISAID была ўнесена інфармацыя аб знойдзеным на поўдні Афрыкі новым штаме каронавіруса В.1.1.529, які пазней атрымаў назву "амікрон".Устаноўлена, што ён валодае 50 мутацыямі, 34 з якіх знаходзяцца ў бялковых злучэннях: з дапамогай іх каронавірус пранікае ў клеткі чалавека. Навукоўцы мяркуюць, што штам можа распаўсюджвацца куды хутчэй за іншыя мутацыі.Для найбольш поўнай карціны па новым штаме спатрэбіцца 2-3 тыдні, але ўжо сёння медыкі б'юць трывогу.На думку СААЗ, новая мутацыя можа прывесці да ўзнікнення ўспышак захворвання з сур'ёзнымі наступствамі. Тым не менш, у свеце пакуль не зарэгістравалі ніводнага выпадку смерці з-за "амікрона".Што з вакцынамі?Распрацоўшчыкі пакуль не могуць даць адназначнага адказу аб эфектыўнасці сваіх прэпаратаў супраць "амікрона", але выказваюцца, што наяўныя вакцыны змогуць эфектыўна супрацьстаяць і гэтаму штаму.На думку дырэктара НДЦ эпідэміялогіі і мікрабіялогіі імя Гамалеі Аляксандра Гінцбурга, каб атрымаць новы вакцынавы прэпарат на аснове "Спутник V", спатрэбіцца каля 10 дзён, яшчэ 45-50 сутак можа пайсці на дазвольныя працэдуры і доказы таго, што вакцына бяспечная (гэта калі паскорыцца ў надзвычайных умовах).Спецыялісты заклікаюць людзей паскорыць тэмпы рэвакцынацыі (і вакцынацыі) на фоне паведамленняў аб распаўсюджванні "амікрона".Таксама на Sputnik:

https://bel.sputnik.by/20211130/yashche-adzn-mutant-shto-vyadoma-ab-novym-shtame-karonavrusa-amkron-1058356804.html

афрыка

2021

Навіны

ru_BY

людзі, афрыка, сааз, медык, штам, маска, пасажыр, амікрон, каронавірус