Беларуска ўзяла бронзу на этапе Кубка свету па фрыстайле

© Sputnik / Рамиль Ситдиков / Перайсці ў фотабанкГанна Гуськова (Беларусь) у фінале лыжнай акрабатыкі на спаборніцтвах па фрыстайле сярод жанчын на XXIII зімовых Алімпійскіх гульнях у Пхенчхане
Ганна Гуськова (Беларусь) у фінале лыжнай акрабатыкі на спаборніцтвах па фрыстайле сярод жанчын на XXIII зімовых Алімпійскіх гульнях у Пхенчхане - Sputnik Беларусь, 1920, 03.12.2021
Падпісацца на
Чатыры кубкавыя турніры сёлета прыме фінская Рука, а асноўнай падзеяй у свеце лыжнай акрабатыкі стануць Алімпійскія гульні, якія адбудуцца ў лютым у Пекіне.
МІНСК, 3 сне - Sputnik. Беларуская фрыстайлістка Ганна Гуськова стала бронзавым прызёрам другога этапа Кубка свету ў лыжнай акрабатыцы, паведамляе НАК Беларусі.
Суддзі паставілі алімпійскай чэмпіёнцы Пхенчхана-2018 за складаны скачок 94,60 балы. Выйграла кітаянка Ксю Ментаа (99,49), другое месца - у яе суайчынніцы Кун Фаньюй (95,52).
На першым кубкавым этапе, які адбыўся 2 снежня, Гуськова засталася далёка за межамі пастамента - 34-е месца. Іншыя айчынныя спартсмены таксама засталіся без узнагарод. Лепшае месца ў "лятаючых лыжнікаў" з Беларусі было ў Анастасіі Андрыянавай - 9-е месца. Сярод мужчын лепшы вынік у Паўла Дзіка - 16-е месца.
У фінскай Руцы пройдуць яшчэ два этапы Кубка свету - яны прызначаны на 10 і 11 снежня. Пасля Новага года кубкавыя спаборніцтвы перанясуцца ў канадскі Ле-Рэле і амерыканскі Дзір-Вэлі, пасля чаго ў лютым у Пекіне пачнуцца Алімпійскія гульні.
У беларускіх фрыстайлістаў, як сцвярджаюць спецыялісты, падабраўся вельмі моцны склад мужчынскай каманды - Станіслаў Гладчанка, Павел Дзік, Макар Мітрафанаў, Ігар Драбянкоў. У жанчын уся надзея толькі на Ганну Гуськову, паколькі Ала Цупер і Сняжана Драбянкова траўміраваны і ў Пекін, хутчэй за ўсё, не паляцяць.
Медалі Зімовай Алімпіяды-2022 - Sputnik Беларусь, 1920, 27.10.2021
Медалі зімовай Алімпіяды-2022 прэзентавалі ў Пекіне
Стужка навiн
0
Спачатку новыяСпачатку старыя
loader
У эфіры
Заголовок открываемого материала