Лаўроў заклікаў адмовіцца ад мовы пагроз і санкцый у дачыненні да Мінска

© Sputnik / Пресс-служба МИД РФ / Перайсці ў медыябанкМіністр замежных спраў РФ Сяргей Лаўроў
Міністр замежных спраў РФ Сяргей Лаўроў - Sputnik Беларусь, 1920, 03.12.2021
Падпісацца
Заява Сяргея Лаўрова прагучала на фоне ўвядзення ЕС і ЗША новых эканамічных абмежаванняў у адносінах да шэрагу беларускіх фізічных асоб і юрыдычных кампаній.
МІНСК, 3 сне - Sputnik. Міністр замежных спраў Расіі Сяргей Лаўроў на сустрэчы з брытанскай калегай Элізабэт Трас указаў, што краінам Захаду неабходна адмовіцца ад мовы санкцый і пагроз у дачыненні да Беларусі.
Пра гэта сказаў кіраўнік МЗС РФ на палях пасяджэння кіраўнікоў знешнепалітычных ведамстваў АБСЕ ў Стакгольме.
"Пры абмеркаванні становішча на беларуска-польскай мяжы Сяргей Віктаравіч Лаўроў падкрэсліў няўхільнасць адмовы Захаду ад выкарыстання ў адносінах з Мінскам мовы санкцый і пагроз", - гаворыцца ў паведамленні МЗС РФ.

Санкцыі ЕС і ЗША

Еўрасаюз 2 снежня прыняў пяты пакет санкцыяў супраць Беларусі, гаворыцца ў афіцыйнай заяве Савета ЕС.
Прычынай такога рашэння называецца міграцыйны крызіс на граніцы Беларусі. Рэстрыкцыі набудуць моц з моманту публікацыі ў "Афіцыйным часопісе ЕС" у чацвер.
Намеснік міністра замежных спраў Польшчы Марчын Пшыдач заявіў журналістам, што новыя санкцыі ЕС датычацца 11 суб'ектаў гаспадарання Беларусі.
"Гэта, вядома, з аднаго боку тыя суб'екты, якія непасрэдна ўдзельнічалі ў наўмысным суправаджэнні мігрантаў і іх акумуляванні на тэрыторыі Беларусі, а потым транспарт на мяжы, але і таксама суб'екты хімічнага сектара, авіяцыйнага сектара, сектара, які займаецца часткамі аўтамабіляў", – растлумачыў Пшыдач.
Новыя санкцыі таксама закранулі 17 чалавек, абвінавачаных у арганізацыі нелегальнай міграцыі, удакладніў Пшыдач.
Разам з ЕС свае абмежаванні ў адносінах да Беларусі ўвялі і ЗША. У новы пакет рэстрыкцыяў увайшлі 20 фізічных асоб, 12 арганізацый і тры паветраныя судны.
Сярод тых, каго закрануў новы пакет санкцый ЗША, - сын прэзідэнта Беларусі Аляксандра Лукашэнкі Дзмітрый.
Канада і Вялікабрытанія таксама прынялі санкцыі па Беларусі. Канада ўнесла ў чорны спіс 24 фізічныя і сем юрыдычных асоб, паведамляе МЗС краіны. Сярод грамадзян Беларусі, супраць якіх Канада ўвяла абмежаванні, таксама значыцца Дзмітрый Лукашэнка, сын беларускага прэзідэнта.
Прадстаўнікі брытанскага ўрада паведамілі, што іх краіна ўводзіць санкцыі ў дачыненні да кампаніі "Беларуськалій", а таксама шэрагу грамадзян рэспублікі. У прыватнасці, у спісе аказаліся пяць журналістаў дзяржаўных СМІ.
Будынак МЗС Беларусі - Sputnik Беларусь, 1920, 03.12.2021
МЗС Беларусі: Мінск прыме жорсткія, але адэкватныя меры на санкцыі ЕС
Чытайце таксама:
ЗША ўвялі новы пакет санкцый супраць Беларусі
Еўрасаюз прыняў пяты пакет санкцый супраць Беларусі
Стужка навiн
0