Эфектыўнасць вакцыны "Спутник V" супраць "амікрона" ацанілі ў РФПІ

© Sputnik / Владимир Трефилов / Перайсці ў фотабанкШпрыц і ампула на фоне лагатыпа "Спутник V"
Шпрыц і ампула на фоне лагатыпа Спутник V - Sputnik Беларусь, 1920, 09.12.2021
Падпісацца на
На думку навукоўцаў, пры неабходнасці адаптаваць "Спутник" пад новых узбуджальнікаў каронавіруса можна за два-тры месяцы.
МІНСК, 9 сне - Sputnik. Вялікіх перадумоў для сумневаў адносна эфектыўнасці вакцыны "Спутник V" супраць новых мутацый каронавіруса, у тым ліку штаму "амікрон", няма, аб гэтым заявіў кіраўнік Расійскага фонду прамых інвестыцый (РФПІ) Кірыл Дзмітрыеў.
Паводле яго слоў, "Спутник V" у барацьбе з наяўнымі мутацыямі паказаў сябе як самы эфектыўны і бяспечны ў свеце прэпарат. Дзмітрыеў падкрэсліў, што пры неабходнасці можна адаптаваць вакцыну пад новых узбуджальнікаў каронавіруса - гэта зойме два-тры месяцы.
Раней у НДЦ эпідэміялогіі і мікрабіялогіі імя Гамалеі заяўлялі, што ў параўнанні з іншымі вакцынамі "Спутник V" дае найбольш шырокі спектр антыцелаў. Гэта дае падставы меркаваць, што прэпарат можа аказацца і самым эфектыўным супраць новых мутацый.
Дырэктар НДЦ Аляксандр Гінцбург распавёў, што прэпарат падладжваюць пад новы штам "амікрон", аналагічныя дзеянні правялі і ў адносінах да ўсіх іншых варыянтаў каронавіруса, усе яны захаваны.
Па дадзеных РФПІ, некалькі сотняў мільёнаў бустэраў "Спутника" супраць "амікрона" могуць быць выведзены на міжнародны рынак ужо да 20 лютага 2022 года.
Дзмітрыеў у інтэрв'ю газеце "Известия" таксама заявіў, што людзі, вакцынаваныя расійскім "Спутником V" абаронены "ў 130 разоў лепш" ад смерці ад каронавіруса, чым непрышчэпленыя.

Новы штам "амікрон"

Новы штам каранавіруса B.1.1.529 быў знойдзены ў ПАР. Ён змяшчае 32 мутацыі ў S-бялку, неабходным патагену для заражэння клетак.
Даследчыкі пакуль не спяшаюцца з высновамі, аднак некаторыя з новых змен у геноме SARS-CoV-2 паказваюць на высокую заразнасць гэтага варыянту, а таксама ўстойлівасць да ахоўных антыцелаў перахварэлых і прышчэпленых.
Спецыялісты мяркуюць, што B.1.1.529 першапачаткова развіўся ў арганізме чалавека з аслабленым імунітэтам - верагодна, хворага на СНІД.
Сусветная арганізацыя аховы здароўя (СААЗ) прызнала B.1.1.529 "выклікаючым заклапочанасць" і прысвоіла яму назву "амікрон" - па 15-й літары грэчаскага алфавіту.
Кіраўнік Сусветнай медыцынскай асацыяцыі Франк Ульрых Мантгомеры выказаў занепакоенасць, што новы штам каронавіруса "амікрон" па сваёй небяспецы можа стаць супастаўным з вірусам Эбола і такім жа заразным, як штам "дэльта".
Чытайце таксама:
Больш за 40% беларусаў ужо прышчапіліся ад каронавіруса
Штам каронавіруса "амікрон" выяўлены ў Расіі
СААЗ: выпадкаў смерці ад штаму "амікрон" пакуль не выяўлена
Стужка навiн
0
Спачатку новыяСпачатку старыя
loader
У эфіры
Заголовок открываемого материала