У Мінску назвалі матэрыял New York Times аб Ryanair інфармацыйным укідам

© AP / Mindaugas KulbisСамалёт Ryanair з рэгістрацыйным нумарам SP-RSM, на якім ляцеў Раман Пратасевіч
Самалёт Ryanair з рэгістрацыйным нумарам SP-RSM, на якім ляцеў Раман Пратасевіч - Sputnik Беларусь, 1920, 09.12.2021
Падпісацца на
Сёння з'явілася інфармацыя аб тым, што з Мінска збег авіядыспетчар, які паведамляў замежным спецслужбам інфармацыю аб пасадцы самалёта Ryanair у Мінску.
МІНСК, 9 сне - Sputnik. Дырэктар Дэпартамента па авіяцыі Мінтранса Арцём Сікорскі назваў матэрыял New York Times аб пасадцы самалёта Ryanair у Мінску інфармацыйным укідам.
"Інфармацыя, якая з'явілася ў New York Times, у першую чаргу разлічана на звычайнага абывацеля, на грамадскасць, на тых, хто не ведае спецыфікі грамадзянскай авіяцыі. Для нас як для прафесіяналаў гэтая інфармацыя незмястоўная і нават недарэчная", – заявіў Сікорскі СМІ.
Пры гэтым кіраўнік дэпартамента растлумачыў, што 23 траўня рашэнне аб пасадцы ў Мінску прымалася камандзірам паветранага судна.
"Дыспетчар па ўсіх міжнародных правілах і стандартах не можа аказваць ціск на прыняцце рашэння, асабліва ва ўмовах пагрозы авіяцыйнай бяспецы. Ён толькі перадае звесткі і дапамагае камандзіру паветранага судна ў бяспечнай навігацыі", - сказаў Сікорскі.
Расцэньваючы дадзеную інфармацыю як укід, Сікорскі падкрэсліў, што ён здарыўся ў той момант, калі Мінск просіць ад польскага боку і ICAO, які расследуе інцыдэнт, прадставіць дадзеныя аб'ектыўнага кантролю.
"У прыватнасці, перамовы вільнюскага дыспетчара з пілотам і ўнутрыкабінныя перамовы сябраў экіпажа", –сказаў Арцём Сікорскі.

Не бачым яго слоў

Прадстаўнік дэпартамента пацвердзіў, што такі дыспетчар сапраўды працаваў у Белаэранавігацыі.
"Дыспетчар - гэта сапраўды работнік Белаэранавігацыі, ён сапраўды з'ехаў раней з тэрыторыі Беларусі, ніхто яму не перашкаджаў з'ехаць", - сказаў Сікорскі журналістам у чацвер у Мінску.
Ён адзначыў, што, знаходзячыся на тэрыторыі іншай дзяржавы, чалавек можа зазнаць пэўны ціск і "пагадзіцца на тыя ці іншыя віды супрацоўніцтва".
"Чалавек, знаходзячыся там (за мяжой - Sputnik), можа ісці на нейкія здзелкі, у тым ліку часам - са сваім сумленнем. Нейкую ацэнку яму даваць я не маю права. Мы бачым інтэрпрэтацыю польскіх спецслужбаў яго слоў, але не яго словы", - заявіў Сікорскі журналістам у чацвер.

Закрытае неба

Самалёт кампаніі Ryanair, які ляцеў з Афін у Вільнюc, экстрана прызямліўся ў Мінску 23 траўня пасля паведамлення аб мініраванні борта, якое пазней не пацвердзілася.
Беларускія праваахоўнікі знялі з рэйса Рамана Пратасевіча, заснавальніка прызнанага экстрэмісцкім у Беларусі Telegram-канала Nexta. Ён і ягоная дзяўчына былі затрыманы ў аэрапорце.
ЕС асудзіў такія дзеянні і ўвёў абмежаванні для палётаў еўрапейскіх авіякампаній над рэспублікай, таксама беларускім авіяперавозчыкам забаранілі выкарыстоўваць паветраную прастору над Еўропай і прызямляцца ў еўрапейскіх аэрапортах.
Самалёт Ryanair  - Sputnik Беларусь, 1920, 09.12.2021
Беларускі экс-авіядыспетчар агучыў яшчэ адну версію аб рэйсе Ryanair
Стужка навiн
0
Спачатку новыяСпачатку старыя
loader
У эфіры
Заголовок открываемого материала