Лукашэнка спадзяецца на актывізацыю кантактаў з Туркменістанам

© Sputnik / Владимир Федоренко / Перайсці ў фотабанкПрэзідэнцкі палац "Агузхан" у Ашхабадзе
Прэзідэнцкі палац Агузхан у Ашхабадзе - Sputnik Беларусь, 1920, 12.12.2021
Падпісацца на
Беларускі лідэр лічыць, што Туркменістан - прыклад міралюбнасці і добрасуседства, а таксама ўносіць уклад у міжнародную стабільнасць.
МІНСК, 12 сне - Sputnik. Прэзідэнт Беларусі Аляксандр Лукашэнка накіраваў віншаванне прэзідэнту Туркменістана Гурбангулы Бердымухамедаву з нагоды нацыянальнага свята - Міжнароднага дня нейтралітэту.
"Кіруючыся гэтым прынцыпам, Туркменістан уносіць важкі ўклад у забеспячэнне міжнароднай стабільнасці і бяспекі, з'яўляецца прыкладам міралюбнасці і добрасуседства", - гаворыцца ў тэксце.
Лукашэнка таксама ўпэўнены, што сяброўскія адносіны, якія гістарычна склаліся паміж Мінскам і Ашхабадам, змогуць стаць падмуркам "для развіцця канструктыўнага палітычнага дыялогу, актывізацыі эканамічных і гуманітарных кантактаў".
Беларускі лідэр пацвердзіў, што рэспубліка гатова пашыраць узаемавыгаднае супрацоўніцтва з Туркменістанам. Ён таксама пажадаў свайму туркменскаму калегу моцнага здароўя, новых перамог і здзяйсненняў, а народу краіны - дабрабыту і згоды.

Дзень нейтралітэту

Дзень нейтралітэту Туркменістана адзначаецца штогод 12 снежня і з'яўляецца другім па значнасці нацыянальным святам.
У адпаведнасці з рэзалюцыяй ААН, прынятай у гэты дзень у 1995 годзе, рэспубліка абавязуецца не ўдзельнічаць ва ўзброеных канфліктах і не ўмешвацца ва ўнутраныя справы іншых дзяржаў.
Падобны дакумент быў прыняты ўпершыню за час дзейнасці ўсёй міжнароднай супольнасці нацый.
У Дзень нейтралітэту па ўсёй краіне праводзяцца масавыя народныя гулянні і святочныя канцэрты. У Ашхабадзе праходзяць міжнародныя канферэнцыі, прадстаўнікі ўлады і грамадскасці ўскладаюць кветкі да Манумента нейтралітэту, які лічыцца сімвалам прыхільнасці дзяржавы і туркменскага народа ідэалам міру, стварэння і дабра.
Чытайце таксама:
Няпросты шлях: Лукашэнка павіншаваў лідэраў СНД з 30-годдзем Садружнасці
Лукашэнка назваў аснову для супрацоўніцтва Беларусі і Латвіі
Спрадвеку нашы нацыі звязваюць трывалыя сувязі: Лукашэнка павіншаваў народ Польшчы
Стужка навiн
0
Спачатку новыяСпачатку старыя
loader
У эфіры
Заголовок открываемого материала