Вынікі беларускага старшынства ў СНД падвялі ў Мінску
© Photo : public domain
Падпісацца
Ні адна з краін-удзельніц Садружнасці сёлета не прасела ў эканамічным росце, асобных поспехаў дасягнулі прамысловая вытворчасць і рознічны тавараабарот.
МІНСК, 21 сне – Sputnik. Узаемны тавараабарот паміж краінамі СНД павялічыўся на 28,3%, рост ВУП у дзяржавах Садружнасці склаў 4,4%, расказаў у аўторак журналістам першы намеснік старшыні Выканаўчага камітэта - выканаўчага сакратара СНД Леанід Анфімаў.
Ён адзначыў, што ў год свайго старшынства ў СНД Беларусь паслядоўна рэалізавала ўсе мерапрыемствы. Гэта тры вочныя пасяджэнні: Савет міністраў замежных спраў у красавіку і кастрычніку, у таксама Савет кіраўнікоў урадаў у траўні. Паводле яго слоў, у 2021 годзе актыўна развівалася супрацоўніцтва ў эканамічнай, гуманітарнай, абароннай, пагранічнай і іншых сферах.
"Калі гаварыць аб эканамічным супрацоўніцтве, узаемны тавараабарот паміж дзяржавамі, якія ўваходзяць у Садружнасць, павялічыўся на 28,3%. Гэта вельмі добрая лічба, і ў многім яна дасягнута дзякуючы таму, што ні адна з краін СНД не прасела ў росце ВУП. У цэлым па СНД ён склаў 4,4%", - растлумачыў Анфімаў на пасяджэнні Савета пастпрэдаў краін-удзельніц СНД.
Скарачаем імпарт, развіваем вытворчасці
Ён адзначыў, што асобных поспехаў у эканоміцы гэтага года дасягнулі прамысловасць (тэмп росту па выніках 9 месяцаў - 104,6%) і рознічны тавараабарот (108,2%). Усё гэта не магло не паўплываць на рынак працы, дзе беспрацоўных за апошні год стала амаль на 60% менш - зараз без працы ў краінах СНД знаходзяцца 2 мільёны чалавек.
Вынікі года падвялі ў штаб-кватэры СНД
© Sputnik / Станислав Лобатый
Анфімаў параўнаў эканоміку краін СНД з той, якая была ў Савецкім Саюзе.
Паводле яго слоў, савецкая эканоміка была самадастатковай, паколькі ў СССР рабілі ўсё, што было неабходна простым людзям. Сёння ж даводзіцца шмат імпартаваць з-за мяжы.
"У год мы (краіны СНД – Sputnik) імпартуем на суму 375 млрд долараў. Гэта найвялікшая сума, і частку гэтага прадукта (які ўвозіцца) мы маглі б вырабляць у сябе. Неабходна задзейнічаць увесь патэнцыял савецкай эканомікі. Гэта падняло б на больш высокі ўзровень нашу эканоміку", - канстатаваў першы намеснік старшыні выканкама СНД.
Барацьба з каронавірусам і прадэмбарга
Асобна на пасяджэнні спыніліся на тэме барацьбы з каронавірусам. Тут намаганні дзяржаў, як адзначыла пастаянны паўнамоцны прадстаўнік Беларусі пры статутных і іншых органах СНД Марына Далгаполава, засяродзілі на стварэнні новых лекаў і сумесных фармацэўтычных вытворчасцей.
"Быў прыняты сярэднетэрміновы план па процідзеянні развіцця інфекцыйных захворванняў на тэрыторыі Садружнасці. Па ініцыятыве Міністэрства аховы здароўя Беларусі праводзіцца работа па ўзаемным прызнанні сертыфікатаў вакцынацыі, што вельмі важна для свабоднага перамяшчэння грамадзян нашых краін", - падкрэсліла Далгаполава.
Яна дадала, што для Беларусі ўдзел у развіцці інтэграцыйных працэсаў у Садружнасці адносіцца да ліку прыярытэтаў у знешняй палітыцы. І за час старшынства ў СНД удалося сур'ёзна рушыць наперад у многіх пытаннях.
Таксама пастпрэд сказала аб харчовай бяспецы краін СНД, закрануўшы тэму нядаўна ўведзенага эмбарга ў дачыненні да заходніх прадуктаў.
"У прынцыпе дзяржавы СНД, як мне здаецца, дастаткова самадастатковыя ў гэтай сферы і ўзаемадапаўняюць адна адну. Нягледзячы на няпростую сітуацыю ў свеце, расце ўзаемны гандаль. Мы будзем падтрымліваць рынкі ў тым становішчы, каб патрэбнасці насельніцтва былі задаволены і не з'яўляліся праблемай", - растлумачыла Марына Даўгаполава.
У канцы пасяджэння пастпрэды ўнеслі прапановы ў праект парадку дня наступнага саміту Савета міністраў замежных спраў, які пройдзе ў Душанбэ 8 красавіка 2022 года.
Таксама на Sputnik:
Гульні краін СНД у 2023 годзе прыме Мінск
Няпросты шлях: Лукашэнка павіншаваў лідэраў СНД з 30-годдзем Садружнасці
Расія прапануе сфарміраваць адзіныя падыходы да рэгулявання клімату ў СНД
Пасяджэнне савета прэм'ер-міністраў краін СНД – прамы эфір
У Сочы пагранічнікі краін СНД прааналізавалі сітуацыю на знешніх рубяжах
