https://bel.sputnik.by/20211225/svyatochny-kaleydaskop-kudy-paysts-na-novy-god-z-dzetsm-1059016332.html

Святочны калейдаскоп: куды пайсці на Новы год з дзецьмі

Святочны калейдаскоп: куды пайсці на Новы год з дзецьмі

Sputnik Беларусь

Спектаклі, фотазоны, дыскатэкі, майстар-класы і вясёлыя гульні – сабралі для вас мноства варыянтаў стварыць дзіцяці навагодні настрой. 25.12.2021, Sputnik Беларусь

2021-12-25T16:56+0300

2021-12-25T16:56+0300

2021-12-25T17:08+0300

новы год

дзеці

свята

новы год - 2022

майстар-клас

гульні

спектакль

фота

https://cdnn11.img.sputnik.by/img/07e4/0c/16/1046459082_0:0:3001:1688_1920x0_80_0_0_45f8c4c19e935ae7fce6e72831a09acf.jpg

Sputnik ацаніў навагоднія афішы і праграмы на свежым паветры. Звычайна вопытныя бацькі ўсё прадумваюць (браніруюць) загадзя, таму, напрыклад, білеты на дзіцячую чыгунку ўжо раскупілі. Але варыянты застаюцца, асабліва пасля 1 студзеня. Некаторыя спектаклі адмяняюцца ці пераносяцца, таму лепш сачыць за афішай.Навагоднія казкіКласічны спосаб адзначыць з дзіцем Новы год – пайсці на спектакль. У святочныя дні, якія супадаюць з канікуламі ў школе, яны ёсць на кожнай буйной сцэне краіны."Галоўная ёлка краіны" прадстаўлена ў Палацы Рэспублікі (Кастрычніцкая плошча). Сёлета на вялікай сцэне па 4 студзеня з 11:00, 14:30 і 18:00 паказваюць казачнае шоу для ўсёй сям'і па п'есе Ганны Багачовай "Чароўная сіла". Стваральнікі абяцаюць сучасныя ідэі, палымяныя песні, неверагодныя дэкарацыі і касцюмы.У малой зале Палаца рэспублікі па 7 студзеня ў 11:00, 15:00 і 18:00 арганізуюць "Падарожжа Блакітнай Стралы". Гасцей свята чакаюць прыгоды і высакародныя справы ў кампаніі з лялькамі, каўбоямі, смелым генералам і іншымі цацкамі. У аснову прадстаўлення лягла казка італьянскага пісьменніка Джані Радары.У канцэртнай зале "Мінск" (вул. Кастрычніцкая, 5) арганізавалі мега-шоу "Самая лепшая Ёлка" - варыянт на бліжэйшыя выхадныя. Злыя сілы схавалі самую лепшую Навагоднюю песеньку. На пошукі 25 і 26 снежня ў 12:00, 15:00 і 18:00 адправяцца брат Кунг фу Панды, прафесары Адкрывашкін і Узрывашкін, французскі кухар Аліўе, каманда дружных шчанюкоў і робаты-трансформеры.У гэтыя ж дні і там жа, але на малой сцэне, у 11:00 прэзентуюць сюжэтна-гульнявую праграму для самых маленькіх "З Новым Годзікам", а ў 14:00 і 17:00 пачнуць расказваць казку "Іронія Зімы, або З першым снегам". Аўтары прапануюць узяць з сабой рукавіцы на выпадак, калі раптам пойдзе снег і захочацца пагуляць у снежкі.Імправізацыйную "Зімовую рапсодыю" пакажуць у Мінскім гарадскім палацы культуры (вул. Маякоўскага, 129, корп. 1). Гледачы патрапяць у свет музыкі, неверагодных прыгод і навагодняга цуду. Чарадзеі і героі любімых казак забяспечаць тры гадзіны бесперапыннай весялосці. Апроч самога спектакля, дзеці змогуць наведаць навагоднія фотазоны і выпрабаваць сябе ў атракцыёнах. Абяцаюць карнавал з дзіцячай дыскатэкай і ўдзелам роставых лялек.Тым, хто хоча падоўжыць дзіцяці навагодні настрой, можна звярнуць увагу на Дом літаратара (вул. Фрунзэ, 5). 29 снежня і 7 студзеня (пачатак у 11:00) тут можна будзе ўбачыць навагоднюю дэтэктыўную гісторыю: грабежнік, які абкраў Дзеда Мароза, пакінуў доказ, і на пошукі злачынца ў глухі лес адправіцца Снягурачка. У праграме свята значыцца Калядны баль-маскарад ля ёлкі, вясёлыя гульні і танцы. Чароўная печка прапануе навагоднія пачастункі.2 і 8 студзеня навагодні цуд у Доме літаратара зробяць Тролі. Яны рыхтуюць маляўнічы, "пявучы і танцуючы" навагодні карнавал.Час чараўніцтва ў гандлёвых цэнтрахСтварыць святочную атмасферу імкнуцца гандлёвыя цэнтры сталіцы. Сёлета можна даслаць ліст Дзеду Марозу ці наведаць рэзідэнцыю казачнага персанажа.Galleria Minsk, што на праспекце Пераможцаў, арганізавала на першым паверсе фотазону з дапоўненай рэальнасцю "Пісьмы дабра". Гэта дабрачынны праект: сабраныя сродкі накіруюць на падтрымку дзяцей з аўтызмам.На трэцім паверсе па буднях па 29 снежня з 12:00 да 16:00 працуе ўпаковачная майстэрня, дзе можна бясплатна ўпакаваць падарункі, набытыя ў гандлёвым цэнтры.А на чацвёртым паверсе кожны чацвер з 18:00 да 20:00 праходзяць майстар-класы па навагоднім дэкоры.У ГРЦ "МОМО" (Партызанскі пр-т, 150А) арганізавалі конкурс на самае цікавае пісьмо Дзеду Марозу: трэба выканаць некалькі нескладаных умоў, звязаных з сацсеткамі. Прызы атрымаюць трое найлепшых.У Dana Mall да 14 студзеня аб'явілі час чараўніцтва з забаўкамі для дзяцей і навінкамі кіно, на другім паверсе працуе бясплатная фотазона з Дзедам Марозам.У падземным ГЦ "Сталіца" на плошчы Незалежнасці ўпэўнены, што кожны дзень можна знайсці месца для цуду. 27 і 30 снежня арганізуюць гадзінную забаўляльна-гульнявую праграму для дзяцей "Чароўны гадзіннік", а 29-га – "Барбоскін Новы год". Пачатак у 17:00, пасля абяцаюць дзіцячую дыскатэку. Уваход вольны.Святочнае шоу для дзяцей зладзяць і ў ГЦ "Скала" (вул. П. Глебкі, 5). 25, 30 і 31 снежня з 15:00 да 17:00 са святамі павіншуюць Дзед Мароз і Снягурачка, правядуць вясёлыя гульні, конкурсы і дыскатэку з казачнымі героямі.Бясплатная рэзідэнцыя Дзеда Мароза па 7 студзеня адкрыта ў ГРЦ ​​"Тытан" (прасп. Дзяржынскага, 104, корп. 2). Бацькі змогуць бясплатна скарыстацца паслугамі зімовага чараўніка: папрасіць уручыць загадзя падрыхтаваны падарунак або заняць дзіця на час шопінгу."Навагодні перапалох" таксама са свабодным уваходам арганізуюць у снежні ў цэнтры распродажу OUTLETO. Гэта серыя дзіцячых забаў па матывах казак і мультфільмаў. Усе ўрачыстасці пачынаюцца апоўдні: 25 снежня будзе "Навагодні скарб пірата Флінта і Спанч Боба", 30-га - "Аліса ў краіне цудаў: сустракаем Новы год у вясёлай кампаніі".Гулянні на свежым паветрыГэты спосаб вольнага часу можа стаць самым яркім і падарыць безліч ўражанняў дзецям, паколькі дзейства максімальна набліжана да рэалій свята.Самым "раскручаным" у гэтым сэнсе з'яўляецца ўрачыстасць ў Белавежскай пушчы, дзе знаходзіцца афіцыйная рэзідэнцыя беларускага Дзеда Мароза. Яна займае 15 гектараў, там ёсць алея казак і скульптуры казачных герояў. Ёсць у царстве зімовага чараўніка Вятрак, які перамолвае дрэнныя ўчынкі, і Чароўны калодзеж. Таксама ў праграму ўваходзіць наведванне адкрытых вальераў з дзікімі жывёламі, сярод якіх адзін з сімвалаў пушчы – зубр.Нумары ў гасцініцах Нацыянальнага парку і хаткі з сярэдзіны снежня да Старога Новага года браніруюць ці ледзь не за паўгода, і актыўны ўдзел у гэтым прымаюць расіяне.Між тым айчынныя турфірмы прапануюць аднадзённыя туры і двухдзённыя паездкі з удзелам у забаўляльнай праграме з навагоднімі героямі, начлегам у Брэсце і наступным наведваннем крэпасці.Менш папулярны і ў сувязі з гэтым больш даступны напрамак – Бярэзінскі біясферны запаведнік. З Мінска сюды можна дабрацца па віцебскай трасе за дзве з лішняй гадзіны.Для індывідуальных наведвальнікаў у складзе зборных груп свята ладзяць 25 снежня, 2 і 7 студзеня. Пачынаецца яно ў 12:00. Патрэбны папярэдні запіс.Для дзяцей падрыхтавалі аднадзённую забаўляльную праграму з вясёлымі гульнямі і конкурсамі, майстар-класам па стварэнні навагодняга сувеніра, экскурсіяй у заапарк і дэгустацыяй бліноў.Таксама на Sputnik:

https://bel.sputnik.by/20211224/u-aposhn-vagon-ts-mozhna-zaraz-znaysts-mestsa-dlya-svyatkavannya-novaga-goda-1058983982.html

2021

Навіны

ru_BY

новы год, дзеці, свята, новы год - 2022, майстар-клас, гульні, спектакль, фота