Відэа

Паласаты год: як жывуць тыгры ў Мінскім заапарку – відэа

Падпісацца на
Згодна з усходнім гараскопам, год пройдзе пад знакам Блакітнага Вадзянога Тыгра. У Беларусі ёсць свае жывыя талісманы – амурскія і бенгальскія тыгры. Яны знаходзяцца ў Мінскім заапарку. Глядзіце відэа Sputnik аб гэтых наравістых, свавольных звярах.
Бык перадаў свае паўнамоцтвы Кошцы, якой так падыходзіць снег. З надыходам года Тыгра ў Мінскім заапарку чакаюць павелічэння наведвальнікаў – бо тут ёсць тры сімвалы 2022-га. Амурская тыгрыца Яраслава і бенгальская парачка – Сайман і яго сяброўка Тамуці.
"Яраслава дастаткова доўга прывыкала да месца жыхарства, усе жывёлы, якія да нас прыбываюць, яны праходзяць каранцін на працягу месяца, тады наша тыгрыца асцярожнічала. Цяпер яна адаптавалася, адчувае сябе камфортна", - расказвае метадыст Мінскага заапарка Вольга Калмакова.
Бенгальскі тыгр Сайман і яго сяброўка Тамуці маюць незвычайны колер меха – шэрыя палосы на белым фоне, а таксама блакітныя вочы. Усё гэта вынік генетычнай мутацыі.
Як гавораць супрацоўнікі заапарка, Сайман больш прыязны і актыўны. Наведвальнікаў не цураецца. "Пазіруе" перад жадаючымі сфатаграфаваць экзатычнага звера.
Тамуці па характары зусім адрозніваецца ад Саймана. Тыгрыца больш спакойная, але скрытная.
"Тамуці – дастаткова скрытная жывёла, яна не любіць бываць на людзях. Хаваецца ад старонніх вачэй за каменем у вальеры", - удакладняе супрацоўніца.
Як гавораць супрацоўнікі заапарка, глядзець на тыграў-прыгажуноў можна, а чапаць нельга – такое правіла.
Ну, а як дамаўляцца з блакітным вадзяным тыграм у новым годзе – кожнаму вырашаць самому. Зрэшты, работнікі заапарка асабліва не вераць у астралагічныя прагнозы.
Але ўпэўнены ў адным: выдатны навагодні настрой у заапарку гарантаваны ўсім наведвальнікам. Тым больш, у святочныя выхадныя і канікулы ў дзяцей. Самы час убачыць талісман 2022 года.
Таксама на Sputnik:
Сімвал 2022: як жывуць у заапарку суровы Шэрхан і добрая Тайга
Гіганцкія кошкі спаборнічаюць у скалалажанні - відэа
Тыгр навучыўся спяваць, каб прыцягваць да сябе ўвагу - відэа
Новыя жыхары: дзве амурскія тыгрыцы з'явіліся ў Мінскім заапарку
Бенгальскаму тыгру Сайману ў Мінскі заапарк прывезлі нямецкую нявесту
Стужка навiн
0
Спачатку новыяСпачатку старыя
loader
У эфіры
Заголовок открываемого материала