Знайшлі карупцыю? Генпракуратура праверыла канцэрн "Белдзяржхарчпрам"

© Photo : Генеральная прокуратура БеларусиГенеральная пракуратура Беларусі
Генеральная пракуратура Беларусі - Sputnik Беларусь, 1920, 11.01.2022
Падпісацца на
Пракуроры запатрабавалі ад кадравых службаў канцэрна навесці парадак у пытаннях дэкларавання даходаў службовых асоб ведамства.
МІНСК, 11 сту – Sputnik. Генеральная пракуратура Беларусі выявіла парушэнні антыкарупцыйнага заканадаўства ў Беларускім дзяржканцэрне харчовай прамысловасці "Белдзяржхарчпрам", паведамілі ва ўпраўленні ўзаемадзеяння са СМІ і рэдакцыйнай дзейнасці нагляднага ведамства.
Пракуроры ўстанавілі, што большая частка парушэнняў была дапушчана пры правядзенні закупак, расказалі ў Генпракуратуры.
"Таксама ўстаноўлены факты заключэння здзелак на ўмовах, якія істотна адрозніваліся ад указаных у дакументацыі на закупку", – паведамілі Sputnik у ведамстве.
Па словах пракурораў, у некаторых выпадках арганізатары закупак кіраваліся не эканамічнай эфектыўнасцю, а заключалі дамову са "сваімі" пастаўшчыкамі па завышаных цэнах.
Карупцыйныя праявы мелі месца і пры рэалізацыі прадпрыемствамі канцэрна прадукцыі ўласнай вытворчасці, пракуроры выявілі і пратэрмінаваную "дэбіторку", сказалі ў Генпракуратуры.
Пракуроры зрабілі выснову, што менавіта неналежная праца кадравых службаў дазваляла некаторым службовым асобам прадпрыемстваў канцэрна займацца іншай аплатнай дзейнасцю. У ходзе праверкі былі выкрыты таксама іншыя парушэнні антыкарупцыйнага заканадаўства.

Прадстаўленне ва ўрад

Генпракуратура запатрабавала ад кіраўніцтва "Белдзяржхарчпрама" ліквідаваць карупцыйныя праявы і накіравала ва ўрад адпаведныя дакументы.
Пракуроры запатрабавалі ўзмацніць кантроль за закупкамі, наладзіць эфектыўную працу кадравых службаў у сферы дэкларавання даходаў службовых асоб і кантролю за выкананнем антыкарупцыйных абмежаванняў, сказалі ў наглядным ведамстве.
Таксама пракуроры ўказалі на тое, што трэба дэталёва вывучаць фінансавае становішча контрагентаў перад заключэннем дагавораў на пастаўку прадукцыі. Размова ў сувязі з гэтым ідзе аб вялікай дэбіторскай запазычанасці.
За дапушчаныя парушэнні заканадаўства да дысцыплінарнай адказнасці ў сістэме "Белдзяржхарчпрама" прыцягнута 39 асоб, паведамілі ў Генпракуратуры.
Прэзідэнт Беларусі Аляксандр Лукашэнка прыняў з дакладам старшыню канцэрна Белдзяржхарчпрам Анатоля Бубена і намесніка прэм'ер-міністра Аляксандра Субоціна - Sputnik Беларусь, 1920, 26.08.2021
Лукашэнка ўбачыў недахопы ў рабоце канцэрна "Белдзяржхарчпрам"
Чытайце таксама:
Карпарацыя замест канцэрна: як будзе мяняцца "Белдзяржхарчпрам"?
"Белдзяржхарчпрам" стане дзяржаўнай карпарацыяй
Белдзяржхарчпрам распрацаваў вельмі моцную гарэлку - спецыяльна для Кітая
Стужка навiн
0
Спачатку новыяСпачатку старыя
loader
У эфіры
Заголовок открываемого материала