Хрэнін ацаніў працу міратворцаў, якія вярнуліся з Казахстана

© Пресс-служба Минобороны РФ / Перайсці ў медыябанкБеларускія міратворцы
Беларускія міратворцы - Sputnik Беларусь, 1920, 15.01.2022
Падпісацца
Кіраўнік абароннага ведамства адзначыў ролю міратворцаў у стабілізацыі сітуацыі ў брацкай краіне.
МІНСК, 15 сту – Sputnik. Міністр абароны Беларусі Віктар Хрэнін ацаніў працу міратворцаў, якія знаходзіліся ў Казахстане ў складзе кантынгенту АДКБ.
Беларускія міратворцы вярнуліся з Казахастана напярэдадні, іх прывезлі барты Ваенна-касмічных сіл Расіі. Сёння перад імі выступіў кіраўнік Мінабароны, адзначыўшы, што вайскоўцы справіліся са сваімі абавязкамі на выдатна.

"Сёння можна ўпэўнена заявіць, што вы паспяхова з высокай якасцю выканалі пастаўленыя перад вамі задачы. Уся краіна ўважліва сачыла за трагічнымі падзеямі ў Казахстане, перажывала за вас і ганарылася вамі", - цытуе БелТА словы Хрэніна.

Міністр падкрэсліў, што беларусы ведаюць цану міру, і ў Казахстане ваеннаслужачыя дапамагалі брацкаму народу аднавіць канстытуцыйны парадак і садзейнічаць нармалізацыі жыцця ў краіне.
"У рамках міратворчай аперацыі вы прадэманстравалі высокі прафесіяналізм, мужнасць, непахісную рашучасць да безумоўнага выканання задач", - аб'явіў Хрэнін міратворцам.
Міністр падкрэсліў, што дапамога АДКБ дала магчымасць уладам Казахстана вызваліць дадатковыя магчымасці для барацьбы з тэрарыстамі ў краіне і ўзяць пад кантроль сітуацыю. АДКБ у сваю чаргу, як дадаў кіраўнік Мінабароны, паказала свой патэнцыял і здольнасць дзейнічаць эфектыўна і рашуча.
Хрэнін выказаў падзяку міратворцам за выкананую задачу і выказаў перакананне ў тым, што вайскоўцы і ў далейшым будуць прыкладам выканання воінскага абавязку. Міністр таксама ўзнагародзіў міратворцаў па даручэнні прэзідэнта.
Прэзідэнт сустрэўся з беларускімі міратворцамі - Sputnik Беларусь, 1920, 15.01.2022
Лукашэнка: аперацыя АДКБ стала сігналам для тых, хто точыць меч каля меж
Чытайце таксама:
Лукашэнка аб падзеях у Беларусі і Казахстане: кашу заварыў Захад
Беларускія міратворцы вярнуліся з Казахстана
Вельмі паспяховая місія: Такаеў ацаніў дзеянні міратворцаў у Казахстане
Стужка навiн
0