Флаги России и Беларуси - Sputnik Беларусь, 1920
Саюзная дзяржава Беларусі і Расіі
Як сёння развіваецца Саюзная дзяржава? Якія рашэнні прымаюцца для паляпшэння жыцця грамадзян Беларусі і Расіі? Апошнія навіны аб супрацоўніцтве Мінска і Масквы чытайце ў матэрыялах Sputnik.

Два дывізіёны С-400 перабазіруюць у Беларусь падчас вучэнняў з Расіяй

© Sputnik / Михаил Воскресенский / Перайсці ў медыябанкЗРС С-400 "Триумф"
ЗРС С-400 Триумф - Sputnik Беларусь, 1920, 18.01.2022
Падпісацца
Зенітную ракетную сістэму і іншую тэхніку перадыслакуюць падчас праверкі сіл рэагавання Саюзнай дзяржавы, якая будзе праходзіць у найбліжэйшы месяц.
МІНСК, 18 сту – Sputnik. На тэрыторыю Беларусі з Расіі будуць перабазіраваны два дывізіёны сістэм СПА С-400, адзін дывізіён комплексаў "Панцирь-С" і 12 самалётаў Су-35, паведаміў намеснік міністра абароны РФ Аляксандр Фамін.
Усю тэхніку перадыслакуюць на беларускую тэрыторыю ў рамках раптоўнай праверкі сіл Саюзнай дзяржавы.
На першым этапе да 9 лютага плануецца завяршыць работу з перадачай тэхнікі і згрупаваць войскі на пэўных напрамках. Акрамя таго, будзе арганізавана ахова і абарона важных дзяржаўных і ваенных аб’ектаў, а таксама дзяржмяжы ў паветранай прасторы.
На гэтым этапе праверкі войскі правядуць кантрольныя заняткі па агнявой падрыхтоўцы і іншых прадметах навучання, пройдуць тактычныя вучэнні на розных палігонах.
Таксама, паводле слоў Фаміна, правераць гатоўнасць дзяжурных па СПА прыкрываць аб’екты ў Беларусі, у тым ліку з дапамогай сумеснага навучальнага-баявога цэнтра па супрацьпаветранай абароне.

Адлюстраванне знешняй агрэсіі

Другі этап праверкі пройдзе з 10 па 20 лютага, падчас вучэнняў будзе задзейнічана пяць палігонаў і чатыры аэрадромы ў Беларусі.
"Мэта вучэння – адпрацоўка задач спынення і адбіцця знешняй агрэсіі ў ходзе вядзення абарончай аперацыі, процідзеяння тэрарызму і абароны інтарэсаў Саюзнай дзяржавы", - сказаў Фамін на брыфінгу для замежных ваенных аташэ.
Паводле яго слоў, ваенныя Расіі і Беларусі дапускаюць сітуацыю, калі для гарантавання бяспекі Саюзнай дзяржавы спатрэбіцца прыцягнуць увесь патэнцыял ваеннай моцы дзвюх краін.
"Мы павінны быць гатовы да яе ўзмацнення. Сумесна з беларускім бокам дасягнута разуменне таго, што для агульнай абароны неабходна будзе прыцягнуць увесь патэнцыял ваеннай арганізацыі дзяржавы", - растлумачыў намеснік міністра абароны Расіі.
Чытайце таксама:
Вальфовіч: у сумесным вучэнні Беларусі і Расіі няма нічога надзвычайнага
Зацверджана задума яшчэ адных ваенных вучэнняў Беларусі і Расіі
Масква і Мінск паспяхова адпрацавалі задачы на вучэннях "Захад-2021" – Пуцін
Стужка навiн
0