Флаги России и Беларуси - Sputnik Беларусь, 1920
Саюзная дзяржава Беларусі і Расіі
Як сёння развіваецца Саюзная дзяржава? Якія рашэнні прымаюцца для паляпшэння жыцця грамадзян Беларусі і Расіі? Апошнія навіны аб супрацоўніцтве Мінска і Масквы чытайце ў матэрыялах Sputnik.

Раптоўная праверка сіл: расійскія вайскоўцы пачалі прыбываць у Беларусь

© Sputnik / Константин МорозовРасійскі вайсковец падчас тактыка-спецыяльных вучэнняў
Расійскі вайсковец падчас тактыка-спецыяльных вучэнняў - Sputnik Беларусь, 1920, 18.01.2022
Падпісацца на
НовостиTelegram
Падраздзяленні прыбылі ў складзе чыгуначнага эшалона і прывезлі аўтамабільную і цяжкую тэхніку. У бліжэйшы час яны выканаюць разгрузку і адправяцца ў раён выканання задач.
МІНСК, 18 сту - Sputnik. Першыя расійскія вайскоўцы прыбылі ў Беларусь у рамках праверкі сіл рэагавання Саюзнай дзяржавы, паведамілі ў прэс-службе Мінабароны рэспублікі.
"У адпаведнасці з зацверджанай задумай праверкі сіл рэагавання Саюзнай дзяржавы на тэрыторыю Рэспублікі Беларусь пачалі прыбываць падраздзяленні са складу Узброеных Сіл Расійскай Федэрацыі", - сказала афіцыйны прадстаўнік ведамства Іна Гарбачова.
Яна ўдакладніла, што паколькі праверка з'яўляецца раптоўнай, войскі будуць прыбываць на працягу ўсяго першага этапа. На гэтым этапе падраздзяленні выканаюць разгрузку тэхнікі - аўтамабіляў і бронетранспарцёраў - і накіруюцца ў раён выканання задач.

Праверка сіл і новыя вучэнні Беларусі і Расіі

Ваенныя вучэнні Беларусі і Расіі будуць называцца "Саюзная рашучасць - 2022", іх задуму ў панядзелак зацвердзіў кіраўнік беларускай дзяржавы Аляксандр Лукашэнка.
Манеўры пройдуць на заходніх і паўднёвых граніцах рэспублікі, удзельнічаць у іх будуць беларускія і расійскія ўзброеныя сілы. Паводле слоў прэзідэнта, будзе адпрацавана "пэўная задума" супрацьстаяння з сіламі Захаду (Прыбалтыка і Польшча) і Поўдня (Украіна).
Таксама напярэдадні стала вядома, што перад вучэннямі ў Беларусі пройдзе нечаканая праверка сіл рэагавання Саюзнай дзяржавы. Як заявіў начальнік Генштаба ВС Беларусі Віктар Гулевіч, будзе адпрацоўвацца абарона саюзных граніц "на паўднёвым аперацыйным напрамку як у паветранай прасторы, так і на сушы".
"Таксама будуць выкананы задачы па барацьбе з дыверсійна-разведвальнымі групамі, незаконнымі ўзброенымі фарміраваннямі. Запланавана праверка ваенна-лагістычнай сістэмы па забеспячэнню перагрупоўкі на вялікія адлегласці", - адзначыў начальнік Генштаба.

Калі пройдуць вучэнні?

Сумесныя беларуска-расійскія ваенныя вучэнні "Саюзная рашучасць - 2022" будуць праведзены з 10 па 20 лютага, паведаміў на брыфінгу ў аўторак начальнік Дэпартамента міжнароднага ваеннага супрацоўніцтва - памочнік Міністра абароны па пытаннях міжнароднага ваеннага супрацоўніцтва генерал-маёр Алег Воінаў.
Асноўная фаза манеўраў будзе праходзіць на пяці палігонах - "Абуз-Лясноўскі", "Асіповіцкі", "Брэсцкі", "Гожскі" і "Даманаўскі", а таксама на асобных участках мясцовасці. Акрамя таго, будуць задзейнічаны чатыры беларускія аэрадромы.
Чытайце таксама:
Вальфовіч: у сумесным вучэнні Беларусі і Расіі няма нічога надзвычайнага
Лукашэнка занепакоены сітуацыяй на мяжы з ЕС і Украінай
Зацверджана задума яшчэ адных ваенных вучэнняў Беларусі і Расіі
Стужка навiн
0