ДМК распавёў пра амаль 30 спроб парушыць харчовае эмбарга з пачатку года

© Sputnik / Виктор ТолочкоВа "Урбанах" зараз вельмі няўтульна тым, хто спрабуе правезці кантрабанду
Ва Урбанах зараз вельмі няўтульна тым, хто спрабуе правезці кантрабанду - Sputnik Беларусь, 1920, 26.01.2022
Падпісацца на
Yandex newsTelegram
За незаконнае перамяшчэнне тавараў і грузаў пагражае штраф да 50 працэнтаў ад кошту тавару, магчыма і прыцягненне да крымінальнай адказнасці.
МІНСК, 26 сту - Sputnik. З пачатку дзеяння пастановы ўрада нумар 700 аб увядзенні так званага харчэмбарга было зафіксавана 29 спроб правозу забароненых тавараў, расказаў старшыня Дзяржаўнага мытнага камітэта (ДМК) Уладзімір Арлоўскі.
Ён падкрэсліў, што аўтамабілі разгарнулі, аднак праверкі па кожным факце працягваюцца для таго, каб дакладна ўстанавіць краіну-адпраўніка.
Намеснік старшыні ДМК Эдуард Даніловіч растлумачыў: калі ўстанаўліваюцца факты незаконнага перамяшчэння тавараў і грузаў, пагражае штраф да 50 працэнтаў ад кошту тавару, а пры яго кошце больш як 2 тыс. базавых велічынь - прыцягненне да крымінальнай адказнасці.
Калі тавар канфіскуецца, ён перадаецца ў Дэпартамент па гуманітарнай дзейнасці, які прымае рашэнне, як рабіць далей: рэалізаваць праз гандлёвую сетку або накіроўваць у сацыяльныя ўстановы, расказаў Даніловіч.

Харчовае эмбарга ў адказ на санкцыі

У пачатку снежня мінулага года стала вядома аб увядзенні ў Беларусі забароны на ўвоз шэрагу тавараў з заходніх краін, якія прымяняюць незаконныя антыбеларускія санкцыі. Адпаведнае рашэнне замацавана пастановай беларускага Саўміна ад 6 снежня 2021 года нумар 700 "Аб прымяненні спецыяльных мер адносна асобных відаў тавараў".
Харчовая эмбарга пачало дзейнічаць у Беларусі з 1 студзеня 2022 года, пры гэтым гарантавалася, што ўнутраны рынак будзе забяспечаны харчаваннем, а прадпрыемствы рэспублікі - сыравінай, аб гэтым заяўляў намеснік міністра сельскай гаспадаркі і харчавання Аляксей Багданаў.
У пералік "забаронкі" трапілі свініна, малочныя прадукты, субпрадукты, садавіна і арэхі, агародніна, каўбасы, а таксама кандытарскія вырабы. Усяго ў спісе каля 20 груп прадуктаў.
Чытайце таксама:
Нягледзячы на санкцыі: ДМК распавёў аб росце грузапатоку праз мяжу
ДМК Беларусі: мы збліжаем пазіцыі з нашымі расійскімі калегамі
Лукашэнка даў ацэнку беларускім мытнікам
Стужка навiн
0