"Амікрон" надыходзіць: Міністэрства аховы здароўя абвясціла новую статыстыку па COVID-19

© Sputnik / Илья Питалев / Перайсці ў фотабанкЛячэнне хворых на каронавірус
Лячэнне хворых на каронавірус - Sputnik Беларусь, 1920, 27.01.2022
Падпісацца на
Yandex newsTelegram
Колькасць захварэлых за суткі ў Беларусі паступова набліжаецца да адзнакі ў дзве тысячы чалавек.
МІНСК, 27 сту - Sputnik. За мінулыя суткі было зафіксавана 1974 выпадкі заражэння каронавірусам, паведамляе Міністэрства аховы здароўя Беларусі. Такім чынам, з пачатку пандэміі ўжо 734078 чалавек у Беларусі атрымалі гэты дыягназ.
Ачунялі і выпісаны 1833 пацыенты, у якіх раней дыягнаставалі COVID-19, усяго ж ад каронавіруса ў рэспубліцы вылечылі 725 935 чалавек.
Колькасць памерлых, у якіх раней быў выяўлены каронавірус, склала 5992 чалавекі (16 за суткі).
Было праведзена 35747 тэстаў за апошнія 24 гадзіны. Усяго ў Беларусі ўжо зроблена 11571634 тэсты.

Вакцынацыя ў Беларусі

Паводле інфармацыі Міністэрства аховы здароўя на сераду, 56,4% ад агульнай колькасці насельніцтва Беларусі прайшлі вакцынацыю ад каронавіруса, поўным курсам вакцынацыі ахоплена 46,9% насельніцтва.
У краіне выкарыстоўваюць кітайскія вакцыны Vero Cell кампаніі Sinopharm, расійскія прэпараты "Спутник V", "Спутник Лайт" і "КовиВак".
Цяпер вядзецца актыўная работа над беларускай вакцынай ад каронавіруса. Паведамлялася, што яна будзе змяшчаць поўны склад антыгенаў, гэта значыць усю вірусную абалонку, якая ўключае не толькі S-бялок, але і N-бялок (не прадстаўлены ў "Спутнике V").
Старшыня прэзідыума НАН акадэмік Уладзімір Гусакоў заявіў, што нацыянальная акадэмія навук плануе да канца года перадаць беларускую вакцыну ад COVID-19 для выкарыстання.
Беларуская вакцына будзе аднакампанентнай, але ўводзіцца, хутчэй за ўсё, будзе ў два этапы з інтэрвалам паміж прышчэпкамі 1-2 месяцы.
Таксама ў рэспубліцы жадаюць стварыць Цэнтр вірусалогіі ў Нацыянальнай акадэміі навук, плануецца, што гэта дапаможа засцерагчы Беларусь у далейшым.
Чытайце таксама:
Вучыцеся ў Беларусі: Анішчанка ацаніў поспехі краіны ў барацьбе з COVID
Міністэрства аховы здароўя паставіла новую задачу па вакцынацыі беларусаў
У Міністэрстве аховы здароўя назвалі дату выпуску беларускай вакцыны ад каронавіруса
Стужка навiн
0