Беларуска Сабаленка засталася адной з найлепшых тэнісістак планеты

© AFP 2022 / WILLIAM WESTАрына Сабаленка
Арына Сабаленка - Sputnik Беларусь, 1920, 31.01.2022
Падпісацца на
Yandex newsTelegram
Тэнісістка не змагла зарабіць заліковых ачкоў на першым у гэтым сезоне буйным турніры, з другой пазіцыі яе можа змясціць у бліжэйшы час чэшка Барбора Крэйчыкава.
МІНСК, 31 сту – Sputnik. Арына Сабаленка засталася на другім месцы ў рэйтынгу пасля Australian Open, гэта вынікае з абноўленых дадзеных на раніцу панядзелка.
Як і перад турнірам, беларуска мае ў сваім актыве 5698 ачкоў – ад першага месца, якая займае аўстралійка Эшлі Барці, яе аддзяляе амаль 3000 балаў. На трэцім месцы рэйтынга чэшка Барбора Крэйчыкава, якой да другой пазіцыі засталося ўсяго 165 ачкоў.
Нагадаем, на першым у гэтым сезоне турніры Australian Open серыі "Вялікага шлема", які прайшоў у Мельбурне, Арына Сабаленка саступіла ў 1/8 фіналу 115-й ракетцы свету эстонцы Кайе Канепі. Яшчэ адна беларуска, Вікторыя Азаранка, прайграла на гэтай жа стадыі Крэйчыкавай.
Пераможцам турніру ў жаночым адзіночным разрадзе стала Эшлі Барці, якая даволі лёгка расправілася ў вырашальным матчы з амерыканкай Колінз.
У мужчынскім фінале перамогу атрымаў Рафаэль Надаль, які пасля пяці з лішкам гадзін сустрэчы адолеў расіяніна Данііла Мядзведзева. Гэта 21-ы "Вялікі шлем" у кар’еры іспанца. Па гэтым паказчыку ён абышоў Роджэра Федэрэра і Новака Джокавіча, які сёлета не змог выступіць на аўстралійскіх кортах.

Колькі Сабаленка і Азаранка зарабілі на Australian Open?

Судзячы па схеме размеркавання прызавых, якія раней апублікавалі арганізатары турніру, беларускія тэнісісткі, нават прайграўшы ў 1/8 фіналу, зарабілі нядрэнна.
Прайшоўшы 3-е кола спаборніцтваў (гэта значыць стадыю 1/16 фіналу), яны атрымалі па 159 тысяч долараў. Калі б Азаранка і Сабаленка прайшлі ў 1/4 фіналу, то зарабілі 236 тысяч долараў.
Пераможцы турніраў у адзіночным разрадзе – Эшлі Барці і Рфаэль Надаль – атрымалі па 2 мільёны 71 тысячы долараў.
Агульны прызавы фонд склаў 54 мільёны долараў.
Алімпійскія кольцы, устаноўленыя ў Пекіне - Sputnik Беларусь, 1920, 01.01.2022
Спартыўныя вынікі года: інтрыгі, скандалы, нагоды для радасці
Чытайце таксама:
Вось гэта ўзлёт: Сасновіч узнялася на 30 пазіцый у сусветным тэнісным рэйтынгу
У першай тройцы: як беларускія тэнісісткі пачнуць 2022 год у рэйтынгу WTA
Івашка ўпершыню ў кар'еры ўвайшоў у топ-50 сусветнага тэніснага рэйтынга
Стужка навiн
0