Нямецкі рэгулятар пастанавіў спыніць вяшчанне RT DE
17:38 02.02.2022 (абноўлена: 18:43 02.02.2022)
© NIKITA LUENNEMANN
Падпісацца
У канцы студзеня міністр замежных спраў Расіі Сяргей Лаўроў заявіў, што Расія адкажа, калі ўціск RT у Германіі не скончыцца.
МІНСК, 2 лют – Sputnik. Згодна з рашэннем нямецкага рэгулятара MABB, вяшчанне RT DE павінна быць забаронена, гаворыцца ў Telegram-канале RT на рускай.
Там адзначаецца, што раней пад ціскам гэтага рэгулятара тэлеканал быў зняты з вяшчання ў Еўропе.
"У дакуменце, атрыманым кампаніяй RT DE Productions у Берліне, гаворыцца, што за вяшчанне адказная менавіта гэтая кампанія – гэта значыць, што ніякая іншая еўрапейская інстанцыя, акрамя MABB, не можа ліцэнзаваць канал. Рэгулятар пастанавіў спыніць вяшчанне на спадарожніку Eutelsat, smart TV, сайце і дадатку RT, платформе Адысей", - гаворыцца ў паведамленні.
Тэлеканал RT на нямецкай мове зможа на працягу чатырох тыдняў апратэставаць гэтае рашэнне ў судзе. Як распавяла ў сераду намеснік галоўнага рэдактара RT Ганна Белкіна, тэлеканал абскардзіць рашэнне і працягне вяшчанне з Масквы.
"Абсурднасць сітуацыі ў тым, што RT DE Productions не ажыццяўляе вяшчанне ў прынцыпе – ні ў Еўропе, ні дзе-небудзь яшчэ. Кампанія вырабляе некалькі праграм для тэлеканала RT DE, у якога, у сваю чаргу, ёсць усе правы на вяшчанне ў Германіі і іншых 32 краінах Еўропы. Ліцэнзія была атрымана ў адпаведнасці з усімі законамі і прадпісаннямі, уключаючы Еўрапейскую канвенцыю аб трансгранічным тэлебачанні", - падкрэсліла Белкіна.
Russia Today у Германіі
Пра тое, што RT запускае новы кругласутачны навінавы канал на нямецкай мове – RT DE, стала вядома 16 снежня. YouTube заблакіраваў новы канал у дзень запуску вяшчання.
У жніўні Люксембург афіцыйна адмовіў RT DE выдаць ліцэнзію на вяшчанне, у якасці аргументаў былі пазначаны "інфармацыя і аналіз нямецкіх улад". У верасні YouTube выдаліў два каналы RT DE без права аднаўлення нібыта за "парушэнні правіл супольнасці". Пры гэтым RT DE па ўплыве займаў чацвёртае месца сярод нямецкамоўных СМІ, па дадзеных Tubular Labs, ён апярэджваў па гэтым паказчыку Deutsche Welle і іншыя нямецкія СМІ.
На мінулым тыдні міністр замежных спраў РФ Сяргей Лаўроў заявіў, што Расія адкажа, калі ўціск RT у Германіі не скончыцца.
У Масквы ёсць падставы меркаваць, "што германскі ўрад мае да таго, што адбываецца, непасрэднае дачыненне", адзначаў раней кіраўнік знешнепалітычнага ведамства. На яго думку, расійскія СМІ ў Германіі і нямецкія медыя ў Расіі павінны працаваць у роўных умовах.
Чытайце таксама:
Ліцэнзія на вяшчанне для RT DE была выдадзена законна – кіраўнік рэгулятара
Сіманьян спадзяецца на адказ Берліну з-за выключэння RT DE з вяшчання
Тэлеканал RT паведаміў, што RT DE знялі з вяшчання ў Еўропе
Сіманьян назвала закрыццё YouTube нямецкіх каналаў RT медыйнай вайной
Расійскае МЗС выступае за безумоўнае выкананне прынцыпаў свабоды СМІ
