Пасла Украіны выклікалі ў МЗС Беларусі
© Sputnik / Виктор Толочко
Падпісацца
Афіцыйны Мінск выказаў рашучы пратэст у сувязі з запускам беспілотніка з Украіны на тэрыторыю Беларусі.
МІНСК, 3 лют - Sputnik. Пасла Украіны Ігара Кізіма ў сераду выклікалі ў МЗС Беларусі, паведамілі ў прэс-службе беларускага знешнепалітычнага ведамства.
Кіраўніку ўкраінскай дыпмісіі быў заяўлены "рашучы пратэст у сувязі з мэтанакіраваным запускам беспілотнага лятальнага апарата з Украіны на тэрыторыю Беларусі", паведамілі ў МЗС Беларусі.
У знешнепалітычным ведамстве ўдакладнілі, што інцыдэнт здарыўся ў панядзелак, 24 студзеня бягучага года.
Беспілотнік зафіксавалі ў паветранай прасторы Беларусі і прымусова пасадзілі на тэрыторыі краіны.
"На аснове аналізу дадзеных бартавой апаратуры дакладна ўстаноўлена, што ён быў запушчаны з тэрыторыі Украіны ў мэтах правядзення нелегальнай разведвальнай дзейнасці над ваенным палігонам "Брэсцкі". – удакладняецца ў афіцыйным паведамленні.
Беларускі бок давёў да прадстаўніка Украіны, што такія недружалюбныя крокі правакуюць эскалацыю абстаноўкі ў рэгіёне і не садзейнічаюць цывілізаванаму двухбаковаму дыялогу. Акрамя таго, было заяўлена патрабаванне не дапускаць падобных дэструктыўных дзеянняў у далейшым.
Заява МЗС Украіны
Прэс-сакратар міністэрства замежных спраў Украіны Алег Ніколенка назваў заяву аб запуску ўкраінскага беспілотніка на беларускую тэрыторыю "чарговай правакацыяй".
"На змену міфічным "тонам зброі" прыйшлі "беспілотнікі". Украіна не выкарыстоўвала БПЛА. Заклікаем Мінск не падыгрываць дэстабілізацыйным дзеянням Расіі", - напісаў Ніколенка ў Twitter.
"На змену міфічным "тонам зброі" прыйшлі "беспілотнікі". Украіна не выкарыстоўвала БПЛА. Заклікаем Мінск не падыгрываць дэстабілізацыйным дзеянням Расіі", - напісаў Ніколенка ў Twitter.
І дадаў, што спакой на мяжы Беларусі і Украіны ў інтарэсах усяго рэгіёна.
Неспакойная сітуацыя
Раней прэзідэнт Беларусі Аляксандр Лукашэнка выказваў заклапочанасць непрадказальнасцю таго, што адбываецца на беларуска-украінскай мяжы.
"Украіна працягвае нарошчваць сілы, засяроджваючы падраздзяленні нацыянальнай гвардыі з "нацыяналістаў-радыкалаў". Гэта яшчэ больш моцна, чым натаўскія вайскоўцы", - адзначаў Лукашэнка.
У сваю чаргу ўкраінскія ўлады яшчэ ў лістападзе мінулага года заявілі аб намеры размясціць дадатковыя сілы і сродкі на паўночнай мяжы, Кіеў матываваў гэта поўнамаштабным міграцыйным крызісам.
Зараз на тэрыторыі Беларусі праходзіць праверка сіл Саюзнай дзяржавы. Яе першы этап прадугледжвае перадыслакацыю і стварэнне груповак войск, другі (з 10 па 20 лютага) - правядзенне сумесных беларуска-расійскіх вучэнняў "Саюзная рашучасць - 2022".
Афіцыйны Кіеў і заходнія дзяржавы ў апошні час выказваюць занепакоенасць у сувязі з нібы ўзмацненнем "агрэсіўных дзеянняў" з боку Расіі ля межаў Украіны. Масква не раз адпрэчвала падобныя абвінавачванні, заяўляючы, што нікому не пагражае і ні на каго не збіраецца нападаць, а заявы аб "агрэсіі РФ" выкарыстоўваюцца як падстава, каб размясціць больш вайсковай тэхнікі НАТА паблізу расійскіх межаў.
Чытайце таксама:
Патрушаў: Расія не хоча вайны, а нібыта "пагрозы" Украіне – недарэчнасць
Украіна становіцца прадметам закуліснага гандлю - Лукашэнка
З-за сітуацыі вакол Украіны: НАТА адправіць войскі ва Усходнюю Еўропу
