Люди фотографируются до начала церемонии встречи олимпийского огня в Пекине  - Sputnik Беларусь, 1920
Зімовыя Алімпійскія гульні ў Пекіне
Зімовыя Алімпійскія гульні ў Пекіне праводзяцца з 4 па 20 лютага 2022 года. Апошнія навіны аб Алімпійскіх гульнях чытайце ў матэрыялах Sputnik.

Беларуская гарналыжніца паказала свой найлепшы вынік на Гульнях у Пекіне

© REUTERS / JORGE SILVAМарыя Шканава
Марыя Шканава - Sputnik Беларусь, 1920, 09.02.2022
Падпісацца на
НовостиTelegram
Адзіная прадстаўніца гэтага віду спорту ад нашай краіны павінна была выступіць у двух спаборніцкіх відах, аднак вырашыла паберагчы сілы, каб засяродзіцца на профільнай для сябе дысцыпліне.
МІНСК, 9 лют - Sputnik. Беларуска Марыя Шканава, якая выступае ў гарналыжным спорце, завяршыла выступленні на зімовай Алімпіядзе ў Кітаі, паведамляе НАК.
Спаборніцтвы прайшлі на схілах Яньцына (93 км ад Пекіна). Спартсменка нядрэнна выступіла ў кваліфікацыі, паказаўшы 25-ы вынік, пасля чаго ў другой спробе стала 20-й - гэты вынік і быў запісаны ў фінішны пратакол.
Гэта лепшы паказчык Шканавай у кар'еры: на Гульнях у Ванкуверы ў 2010-м беларуска станавілася 38-й, у Сочы ў 2014-м была 29-й, у Пхенчхане ў 2018-м - 28-й.
Нагадаем, на сёлетніх Гульнях у Пекіне Шканава раней адмовілася ад удзелу ў гіганцкім слаламе, каб засяродзіцца на больш профільнай для сябе дысцыпліне - звычайным слаламе. У ім гарналыжнікам трэба спусціцца ўніз па схіле, дзе 500-метровая траса размечана варотамі, праз якія неабходна праехаць. За пропуск варот налічваюцца штрафныя секунды. Выйграе той, хто паказаў лепшы час.

Бліжэйшыя старты

Астатнія спаборніцтвы 9 лютага - а гэта фрыстайл (мужчыны, біг-эйр), сноўборд (жанчыны, крос), шорт-трэк (мужчыны, 1500 м), лыжнае дваябор'е (мужчыны) і санны спорт (мужчыны, двойкі) - пройдуць без айчынных спартсменаў. Затое ў чацвер, 10 лютага, беларусы выступяць адразу ў трох відах спорту:
фігурнае катанне (Канстанцін Мілюкоў, адвольная праграма);
фрыстайл (лыжная акрабатыка, камандныя спаборніцтвы);
канькабежны спорт (Марына Зуева і Кацярына Слоева - 5000 м).
Павінны былі ўдзельнічаць прадстаўніцы лыжных гонак Ганна Каралёва і Анастасія Кірылава, аднак захварэлі на каронавірус. Цяпер ім неабходна атрымаць некалькі адмоўных ПЦР-тэстаў запар, запоўніць спецыяльныя формы аб стане здароўя лыжніц, каб удзельнічаць у спаборніцтвах.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Таксама на Sputnik:
Стаў вядомы памер прэміяльных Смольскага за сярэбраны медаль Гульняў у Пекіне
Антон Смольскі заваяваў сярэбраны медаль у індывідуальнай гонцы
Упершыню за 16 гадоў: беларускі фігурыст выступіў на Алімпіядзе
Стужка навiн
0