Люди фотографируются до начала церемонии встречи олимпийского огня в Пекине  - Sputnik Беларусь, 1920
Зімовыя Алімпійскія гульні ў Пекіне
Зімовыя Алімпійскія гульні ў Пекіне праводзяцца з 4 па 20 лютага 2022 года. Апошнія навіны аб Алімпійскіх гульнях чытайце ў матэрыялах Sputnik.

Смольскі застаўся без медаля ў мас-старце Алімпіяды

© Sputnik / Павел Бедняков / Перайсці ў медыябанкБіятланіст Антон Смольскі на Гульнях у Пекіне
Біятланіст Антон Смольскі на Гульнях у Пекіне - Sputnik Беларусь, 1920, 18.02.2022
Падпісацца на
НовостиTelegram
Чэмпіёнам гонкі стаў нарвежац Ёханэс Бё, які прамахнуўся на агнявых рубяжах роўна столькі, колькі і беларускі спартсмен.
МІНСК, 18 лют - Sputnik. Беларускі біятланіст Антон Смольскі няўдала выступіў у апошняй біятлоннай гонцы на Алімпіядзе ў Пекіне, паведамляе Sputnik.
У мас-старце да фінішу Смольскі прыйшоў толькі 17-м, прамахнуўшыся на агнявых рубяжах чатыры разы (два на лёжцы і два на стойцы). Ад лідэра гонкі, нарвежца Ёханэса Бё, Антон адстаў на 3 хвіліны і 8 секунд.
Нарвежац, дарэчы, таксама чатыры разы быў не дакладны на стральбе, тым не менш фінішаваў у ганарлівай адзіноце. Пасля перамогі ў мас-старце Бё стаў чатырохразовым чэмпіёнам Гульняў у Пекіне: у яго золата ў мужчынскай і змешанай эстафетах, спрынце, а таксама бронза ў індывідуальнай гонцы.
Другім у мас-старце стаў швед Марцін Пансілуома, трэцім - нарвежац Ветле Шастад Крысціянсен.

Жаночы мас-старт

Некалькі гадзін таму прайшла апошняя на Алімпіядзе ў Пекіне гонка ў жанчын. Беларускі і на гэты раз засталіся без медалёў. У мас-старце Ганна Сола фінішавала 10-й, а Дынара Алімбекава - 8-й.
Залатую ўзнагароду заваявала францужанка Жусцін Брэйза-Бушэ. Яе час 40:18.0 з чатырма промахамі. Цірыл Экхаф з Нарвегіі паказала другі вынік (15.3; 4). Яе суайчынніца Мартэ Олсбю Ройселанд здабыла бронзу (+34.9; 4).

Дзве ўзнагароды Беларусі

На сёлетняй Алімпіядзе ў скарбонцы беларускай каманды пакуль дзве ўзнагароды - абедзве сярэбраныя. Адну з іх здабыў біятланіст Антон Смольскі ў індывідуальнай гонцы на 20 кіламетраў. Другая на рахунку фрыстайлісткі Ганны Гуськовай.
У заяўцы беларускай зборнай 29 алімпійцаў. Яны выступаюць у шасці відах спорту: біятлоне, фрыстайле, гарналыжным спорце, лыжных гонках, фігурным катанні і канькабежным спорце.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Таксама на Sputnik:
Беларускія біятланісткі засталіся без узнагарод на Алімпіядзе
Біятланіст Смольскі застаўся без медаля ў спрынце Алімпіяды
Антон Смольскі заваяваў сярэбраны медаль у індывідуальнай гонцы
Стужка навiн
0