Усеагульная мабілізацыя пачалася ў ДНР і ЛНР
10:22 19.02.2022 (абноўлена: 20:15 22.02.2022)
© Sputnik / Михаил Воскресенский
/ Падпісацца
Кіраўніцтва рэспублікі паведаміла аб прадухіленні некалькіх спроб тэрактаў украінскіх спецслужбаў за апошні час.
МІНСК, 19 лют – Sputnik. Усеагульная мабілізацыя пачалася ў суботу ў самаабвешчаных Данецкай і Луганскай народнай рэспубліках.
Кіраўнік ДНР Дзяніс Пушылін выступіў раніцай з відэазваротам, у якім заклікаў усіх вайскоўцаў запасу прыйсці ў ваенкаматы. Народны савет ДНР зацвердзіў яго ўказ.
"Заклікаю землякоў, якія знаходзяцца ў запасе, прыбыць у ваенныя камісарыяты. Сёння мною падпісаны ўказ аб усеагульнай мабілізацыі", - сказаў Пушылін.
Ён адзначыў, што за апошнія дні на тэрыторыі ДНР было папярэджана некалькі тэрактаў, арганізаваных украінскімі спецслужбамі.
"Ідуць маштабныя абстрэлы Украінай тэрыторый Данецкай і Луганскай народных рэспублік. Толькі за апошнія дні сіламі нашага войска прадухілены некалькі спроб тэрактаў з боку ўкраінскіх спецслужбаў", - сказаў кіраўнік рэспублікі.
Ён адзначыў, што ўкраінскія вайскоўцы пры абстрэле тэрыторыі ДНР выкарыстоўваюць мінамёты, гранатамёты і ПТРК (супрацьтанкавыя ракетныя комплексы - Sputnik), аднак народная міліцыя рэспублікі стрымлівае іх.
Пушылін падкрэсліў, што як бы ні развіваліся падзеі, ДНР у стане стрымаць агрэсію Кіева.
"Народная міліцыя, МНС, МУС, экстраныя службы гатовы даць адпор Украіне. Па якім бы сцэнарыі ні развіваліся падзеі, мы зможам стрымаць агрэсію Кіева. Мы павінны аб'яднаць усе намаганні", – сказаў Пушылін.
Забарона на выезд мужчынам
Пазней аб усеагульнай мабілізацыі ваеннаабавязаных аб'явіў і кіраўнік ЛНР Леанід Пасечнік, падпісаўшы адпаведны ўказ.
"Аб'явіць на тэрыторыі Луганскай Народнай Рэспублікі агульную мабілізацыю", – гаворыцца ў дакуменце.
Указам прадугледжана забарона на выезд з рэспублікі мужчынам ва ўзросце ад 18 да 55 гадоў. Акрамя таго для патрэб арміі дазволена канфіскоўваць у насельніцтва транспартныя сродкі.
Што адбылося ў Данбасе?
Кіраўніцтва ДНР і ЛНР 18 лютага паведаміла аб часовай эвакуацыі грамадзян у Растоўскую вобласць у сувязі з пагрозай з боку Кіева. У першую чаргу эвакуацыя датычыцца жанчын, дзяцей і пажылых людзей.
Прэзідэнт Украіны Уладзімір Зяленскі хуткім часам аддасць загад вайскоўцам перайсці да наступлення ў Данбасе, рэалізаваць план уварвання на тэрыторыю ДНР і ЛНР, заявіў кіраўнік ДНР Дзяніс Пушылін.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
МЗС РФ: няма "расійскіх" умоў для мінскіх пагадненняў, ёсць разумны сэнс
Кіеў рыхтуецца да сілавога вырашэння канфлікту ў Данбасе – МЗС РФ
Пуцін выказаў меркаванне, што Кіеў рыхтуе ваенную аперацыю ў Данбасе
МЗС РФ: Захад пад выглядам інструктараў перакідвае на Украіну баевікоў
Лаўроў: Украіну трэба прымушаць выконваць Мінскія пагадненні
