Референдум 27 февраля - Sputnik Беларусь, 1920
Папраўкі ў Канстытуцыю Беларусі
Аляксандр Лукашэнка восенню 2020 года заявіў аб неабходнасці правесці канстытуцыйную рэформу. Да канца 2021 года быў падрыхтаваны праект Асноўнага Закона, чакаецца, што яго вынясуць на рэферэндум у лютым 2022-га.

Макей: Мінск будзе дабівацца ад БДІПЧ АБСЕ аб'ектыўных адносін да выбараў

© Sputnik / Илья Питалев / Перайсці ў медыябанкМіністр замежных спраў Беларусі Уладзімір Макей
Міністр замежных спраў Беларусі Уладзімір Макей - Sputnik Беларусь, 1920, 21.02.2022
Падпісацца на
НовостиTelegram
На думку кіраўніка знешнепалітычнага ведамства, розны падыход гэтай структуры да электаральных кампаній на Захадзе і на постсавецкай прасторы кідаецца ў вочы.
МІНСК, 21 лют – Sputnik. Міністр замежных спраў Беларусі Уладзімір Макей заявіў, што Мінск разам з саюзнікамі будзе дабівацца ад БДІПЧ АБСЕ аб'ектыўнага стаўлення да электаральных кампаній у розных краінах.
"Мы заўсёды выказвалі і будзем выказваць наш пункт гледжання разам з нашымі партнёрамі і будзем дамагацца таго, каб БДІПЧ, АБСЕ ў цэлым, займала сапраўды аб'ектыўную пазіцыю ў адносінах, у першую чаргу, да электаральных кампаній у розных краінах", – сказаў Макей у інтэрв'ю тэлеканалу "Беларусь 1".
Міністр адзначыў, што Беларусь заўсёды гаварыла аб тым, што да электаральных кампаній у розных краінах прымяняюцца розныя падыходы.
“Калі ў заходнія краіны прыязджаюць дэлегацыі для назірання ў складзе 4-5 чалавек, то ў краіны постсавецкай прасторы... БДІПЧ імкнецца ўключыць вялікую колькасць назіральнікаў: даходзіць да 600-700 чалавек, як у нас было ў некаторыя часы. Ужо адно гэта паказвае на нераўназначныя адносіны кіраўніцтва БДІПЧ да электаральных кампаній у розных рэгіёнах прасторы АБСЕ", - сказаў ён.
Макей адзначыў, што такі падыход шкодзіць і самой БДІПЧ. Ён назваў непрымальнай сітуацыю, калі ў постсавецкія краіны назіральнікі прыязджаюць "з ужо загадзя нарыхтаванымі палітызаванымі дакладамі, ацэнкамі аб неадпаведнасці выбараў тым ці іншым стандартам".

Свая структура?

Уладзімір Макей не выключыў магчымасці стварэння на прасторы еўразійскай інтэграцыі сваёй структуры наглядальнікаў.
“Ідэя вісіць у паветры, што называецца. І на нейкіх сустрэчах мы закраналі гэтую тэму з калегамі. Ёсць шэраг іншых прапаноў, звязаных з выпрацоўкай агульных падыходаў на постсавецкай прасторы ў дачыненні, дапусцім, да праваабарончай праблематыкі. Вельмі важна вядома выпрацаваць і мець агульныя падыходы па электаральных кампаніях", - заявіў ён і адзначыў, што запрашэнне назіральнікаў ад СНД, тых структур, якія сапраўды імкнуцца аб'ектыўна ацэньваць працэсы, якія адбываюцца ў той ці іншай краіне, - гэта тая тэндэнцыя, якую трэба развіваць.

Хто будзе назіраць за рэферэндумам

Міністр пракаменціраваў заявы некаторых еўрапейскіх партнёраў аб тым, што яны не прызнаюць прызначаны на 27 лютага рэферэндум па ўнясенні змен у канстытуцыю.
"Нам трэба спакойна рэагаваць на такія выпады. Мы праводзім гэты рэферэндум у інтарэсах народа і для народа. І праводзім яго ў адпаведнасці з нашым нацыянальным заканадаўствам. Тыя ацэнкі, якія даюцца нашымі заходнімі партнёрамі, абсалютна высмактаныя з пальца, палітызаваны. Таму на іх не варта звяртаць увагі. Мы так і робім", - падкрэсліў Макей.
Ён распавёў, што ў нейкі момант было прынятае рашэнне не запрашаць назіральнікаў ад БДІПЧ АБСЕ на рэферэндум.
"Хоць такая ініцыятыва была, мы абмяркоўвалі яе. Але гэтая структура не выказала асаблівай зацікаўленасці ў назіранні за рэферэндумам у Беларусі. Калі ласка. Мы будзем працаваць з тымі, хто гатовы працаваць з намі", – заявіў Макей.
Ён распавёў, што міністэрства замежных спраў па сваёй лініі запрасіла на рэферэндум каля 30 міжнародных назіральнікаў з краін Еўрасаюза - тых, хто выказаў жаданне.

Рэферэндум па Канстытуцыі

Рэферэндум па ўнясенні змен у Канстытуцыю пройдзе 27 лютага.
У выніковым варыянце абноўленай Канстытуцыі прапанавана змяніць прэамбулу і 82 артыкулы, выключыць два артыкулы, дапоўнены тэкст адным раздзелам аб Усебеларускім народным сходзе і 11 новымі артыкуламі.
На рэферэндум выносіцца адзінае пытанне - "Ці прымаеце Вы змяненні і дапаўненні Канстытуцыі Рэспублікі Беларусь?" Усяго два варыянты адказу - "так" ці "не".
Надрукавана больш за сем мільёнаў бюлетэняў. На правядзенне рэферэндуму з бюджэту выдаткавана больш за 20 мільёнаў рублёў.
Змяненні ў Канстытуцыю набудуць моц праз дзесяць дзён пасля афіцыйнага апублікавання вынікаў рэферэндуму.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
КДБ Беларусі затрымаў групу людзей, якія рыхтавалі зрыў рэферэндуму – дзяржТБ
Карпенка аб рэферэндуме: у адрас ЦВК працягваюць паступаць пагрозы
Участкі для правядзення рэферэндуму абсталююць трывожнымі кнопкамі
Стужка навiн
0