Нічога не зменяць: Мядзведзеў пракаменціраваў санкцыі Захаду супраць Расіі
13:12 26.02.2022 (абноўлена: 13:19 26.02.2022)
© Sputnik / Екатерина Штукина
/ Падпісацца
Спецыяльная аперацыя расійскіх войск па дэмілітарызацыі і дэнацыфікацыі Украіны працягваецца, рашэнне аб гэтым прыняў прэзідэнт Расіі 24 лютага.
МІНСК, 26 лют – Sputnik. Расія правядзе аперацыю на Украіне ў поўным аб’ёме, а "гэтыя цудоўныя забароны" нічога не зменяць, пра гэта заявіў намеснік старшыні Савета бяспекі РФ Дзмітрый Мядзведзеў.
Еўрасаюз унёс у санкцыйныя спіскі прэзідэнта Расіі Уладзіміра Пуціна, кіраўніка МЗС Сяргей Лаўрова, а таксама Міхаіла Мішусціна, Уладзіміра Калакольцава, Сяргея Іванова і Дзмітрыя Мядзведзева. Як расказваў кіраўнік дыпламатыі Еўрасаюза Жозэп Барэль, абмежаванні тычацца замарозкі актываў.
"Гэтыя цудоўныя забароны, вядома, нічога не зменяць. Гэта нават недасведчаным людзям у дзярждэпе зразумела. Уключаючы і рашэнне аб правядзенні ваеннай аперацыі па абароне Данбаса. Яна будзе праведзена ў поўным аб’ёме", - напісаў Мядзведзеў на сваёй старонцы "УКантакце".
Па словах намесніка старшыні, санкцыі – гэта міф і фікцыя, іх прымаюць ад палітычнай імпатэнцыі з-за няздольнасці змяніць курс Расіі.
Шырока разрэкламаваныя абмежаванні праў за мяжой Мядзведзеву, паводле яго слоў, "глыбока абыякавыя", бо ён грамадзянін РФ.
Мядзведзеў удакладніў, што ні ён, ні члены яго сям’і не маюць замежных рахункаў ці маёмасці. А на арышт грошай расійскіх грамадзян і кампаній за мяжой Масква адкажа сіметрычна – арыштам сродкаў замежнікаў і замежных кампаній у Расіі.
Ён звярнуў увагу на тое, што Расія можа перагледзець адносіны з краінамі, якія ўвялі санкцыі супраць яе.
"У тым ліку і для перапынення дыялогу па стратэгічнай стабільнасці. Можна ж у прынцыпе адмовіцца ад усяго, уключаючы і Дагавор СНУ-3, заключаны мною з Баракам Абамам і падоўжаны Уладзімірам Пуціным з дзейным кіраўніком ЗША. Навошта ён цяпер, у такіх умовах , тым больш падпісаны падсанкцыйнымі асобамі? Неяк несалідна выходзіць. Так, і дыпламатычныя адносіны ў прынцыпе не асабліва патрэбны. Час закрываць пасольствы на свірнавыя замкі. А кантакты працягваць, разглядаючы адзін аднаго няйначай як у біноклі і зброевую оптыку", - падкрэсліў намеснік старшыні Савета бяспекі РФ.
Мядзведзеў пракаменціраваў і прыпыненне членства Расіі ў Савеце Еўропы. Ён заявіў, што гэта добрая магчымасць аднавіць шэраг важных інстытутаў, напрыклад, смяротнае пакаранне для найнебяспечных злачынцаў.
Расійская спецаперацыя
У панядзелак, 21 лютага, прэзідэнт Расіі Уладзімір Пуцін заявіў аб прызнанні суверэнітэту Данецкай і Луганскай народных рэспублік і падпісаў адпаведныя ўказы. Пазней кіраўнікі ДНР Дзяніс Пушылін і ЛНР Леанід Пасечнік звярнуліся да расійскага лідара з просьбай аказаць дапамогу ў адбіцці агрэсіі з боку Узброеных сіл Украіны.
У аўторак, 24 лютага, Пуцін аб’явіў аб пачатку спецаперацыі ў Данбасе.
Кіраўнік расійскай дзяржавы адзначыў, што ўся адказнасць за кровапраліцце будзе на сумленні кіруючага ва Украіне рэжыму, ён заклікаў украінскіх вайскоўцаў скласці зброю.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
ЕС унёс у санкцыйныя спіскі некалькі беларускіх вайскоўцаў
ЕС працягнуў дзеянне персанальных санкцый супраць Беларусі
Улады Малдовы заблакіравалі працу сайта Sputnik
Польшча закрывае неба для расійскіх самалётаў
Абстрэлы і эвакуацыя людзей: што вядома аб сітуацыі ў ЛНР і ДНР у суботу
