Боевая работа САУ Малка артиллерийских подразделений ЦВО на Авдеевском направлении - Sputnik Беларусь, 1920
Ваенная спецаперацыя РФ у Данбасе
Прэзідэнт Расіі Уладзімір Пуцін аб’явіў аб правядзенні ваеннай спецаперацыі ў Данбасе. Ён выступіў са зваротам да расіян, у якім паведаміў, што ДНР і ЛНР папрасілі Расію аб дапамозе. Падрабязнасці аб спецаперацыі РФ чытайце ў матэрыялах Sputnik.

Зяленскі гатовы да перамоў з Пуціным

© REUTERS / UMIT BEKTASУладзімір Зяленскі
Уладзімір Зяленскі - Sputnik Беларусь, 1920, 02.03.2022
Падпісацца
Паводле слоў прэзідэнта Украіны, немагчыма весці перагаворны працэс за адным сталом, калі працягваюцца ваенныя дзеянні.
МІНСК, 2 сак - Sputnik. Украінскі прэзідэнт Уладзімір Зяленскі ў інтэрв'ю тэлеканалу CNN паведаміў, што гатовы на перамовы з прэзідэнтам Расіі Уладзімірам Пуціным.
"Свет ужо разумее, што трэба саджаць за стол перамоў прэзідэнта РФ, пакуль з імі яшчэ гатовыя сесці за стол перамоў, і я таксама", - сказаў ён.
Пры гэтым ён адзначыў, што для гэтага неабходна выканаць некаторыя ўмовы.
"Перш за ўсё, трэба зрабіць хаця б нейкія намёкі на тое, што будзе поўнае спыненне агню", – заявіў Зяленскі.
Ён таксама адзначыў, што немагчыма весці перагаворны працэс за адным сталом, калі прадаўжаюцца ваенныя дзеянні.
Як раней паведамляў Sputnik, у аўторак беларускі прэзідэнт Аляксандр Лукашэнка паведаміў, што калі бакі дасягнуць пэўнага прагрэсу ў абмеркаванні ключавых пытанняў, прэзідэнты Украіны і Расіі змогуць сустрэцца, каб падпісаць неабходныя дакументы. Ён таксама адзначыў, што цяпер вельмі важна не сарваць перагаворны працэс.

Першы раунд

Нагадаем, перамовы расійскага і ўкраінскага бакоў наконт спынення агню ва Украіне прайшлі напярэдадні ў Беларусі.
Сустрэча ў Гомельскай вобласці працягвалася каля пяці гадзін, потым бакі зрабілі кароткія заявы і адправіліся на кансультацыі ў свае сталіцы. Як чакаецца, другі раунд перагавораў адбудзецца ў сераду 2 сакавіка на беларуска-польскай мяжы.
У склад расійскай дэлегацыі ўвайшлі: намеснік міністра абароны Расіі Аляксандр Фамін, намеснік міністра замежных спраў РФ Андрэй Рудэнка, пасол РФ у Беларусі Барыс Грызлоў, які таксама займае пасаду паўпрада ў Кантактнай групе па ўрэгуляванні сітуацыі на ўсходзе Украіны, і кіраўнік міжнароднага камітэта Дзярждумы Леанід Слуцкі.
У склад украінскай дэлегацыі ўвайшлі: старшыня фракцыі "Слуга Народа" Давід Арахамія, міністр абароны Украіны Аляксей Рэзнікаў, саветнік кіраўніка Офіса прэзідэнта Міхаіл Падаляк, першы намеснік кіраўніка дэлегацыі Украіны ў Трохбаковай кантактнай групе Андрэй Косцін, народны дэпутат Рустэм Умераў і намеснік міністра замежных спраў Украіны Мікалай Тачыцкі.

Расійская спецаперацыя

Ваенная спецаперацыя на Украіне працягваецца ўжо шэсць дзён.
Па стане на 28 лютага, расійскія вайскоўцы знішчылі больш за 1 тысячу аб'ектаў ваеннай інфраструктуры Украіны.
Як раней заяўляў прэзідэнт Расіі Уладзімір Пуцін, мэта аперацыі - "дэмілітарызацыя і дэнацыфікацыя Украіны".
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Таксама на Sputnik:
Пяскоў: расійскія войскі не наносяць удараў па жылых раёнах на Украіне
Шайгу: расійская армія не акупіруе ўкраінскую тэрыторыю
Перагаворы РФ і Украіны могуць прайсці заўтра – крыніца
Стужка навiн
0