Военнослужащий на фоне поврежденного административного здания в Попасной - Sputnik Беларусь, 1920
Ваенная спецаперацыя РФ у Данбасе
Сітуацыя ў самаабвешчаных рэспубліках Данбаса абвастрылася пасля таго, як прадстаўніцтвы ДНР і ЛНР паведамілі аб абстрэлах з украінскага боку. Жыхароў рэспублік Данбаса пачалі эвакуіраваць у Расію. Пра тое, што адбываецца ў Данбасе, чытайце ў матэрыялах Sputnik.

Адмова ад расійскай нафты прывядзе да катастрафічных наступстваў – Новак

© Sputnik / Алексей Майшев / Перайсці ў фотабанкВіцэ-прэм’ер Расіі Аляксандр Новак
Віцэ-прэм’ер Расіі Аляксандр Новак - Sputnik Беларусь, 1920, 08.03.2022
Падпісацца на
Yandex newsTelegram
Віцэ-прэм’ер РФ Аляксандр Новак зрабіў у панядзелак, 7 сакавіка, шэраг заяў па сітуацыі ў энергетыцы. Sputnik сабраў галоўнае.
МІНСК, 8 сак – Sputnik. Расія заклапочана ціскам на рынку і заявамі аб магчымым эмбарга на пастаўкі нафты і нафтапрадуктаў з РФ, сказаў журналістам віцэ-прэм’ер Аляксандр Новак.
"Нашу заклапочанасць выклікаюць абмеркаванні і заявы наконт магчымасці накласці эмбарга і адмовіцца ад расійскай нафты і нафтапрадуктаў", – адзначыў ён.
Пры гэтым ён дадаў, што спробы ініцыяваць дыскусію аб забароне імпарту падрываюць асновы рынку, ствараюць нявызначанасці і прыводзяць да істотнага ўрону для спажыўцоў.
Паводле яго ацэнкі, адмова ад расійскай нафты прывядзе да катастрафічных наступстваў для сусветнага рынку.
"Усплёск цэн будзе непрадказальным - больш за 300 долараў за барэль, калі не больш", — зазначыў Новак.
Пры гэтым ён дадаў, што Расія ведае, куды перанакіраваць свае энергарэсурсы з Еўропы.

Аб абавязацельствах па пастаўках нафты

Расія з’яўляецца найбуйнейшым пастаўшчыком нафты ў Еўропу, яна поўнасцю выконвае свае абавязацельствы па пастаўках нафты і нафтапрадуктаў - "і раней, і сёння", адзначыў Аляксандр Новак.
Ён таксама прывёў некаторыя лічбы. Па яго дадзеных, Еўропа спажывае каля 500 мільёнаў тон нафты, з іх каля 150 мільёнаў тон (або 30%) пастаўляецца з Расіі. Плюс яшчэ 80 мільёнаў тон нафтапрадуктаў, дадаў Новак.

Аб прапампоўцы газу

Паводле слоў Аляксандра Новака, на фоне забароны ў дачыненні да "Паўночнага патоку - 2" Расія мае права люстрана забараніць прапампоўку газу праз "Паўночны паток - 1", які ў дадзены момант загружаны на 100%.
"Але пакуль мы гэтага рашэння не прымаем. Ад гэтага ніхто не выйграе. Хаця еўрапейскія палітыкі сваімі заявамі і абвінавачаннямі ў адрас Расіі нас да гэтага падштурхоўваюць", - падкрэсліў расійскі віцэ-прэм’ер.

Аб "атаках" УС РФ на Запарожскую АЭС

"Раздзімаюцца розныя фэйкі, што расійскія ўзброеныя сілы атакуюць Запарожскую АЭС. Яшчэ раз хачу падкрэсліць: Расія не мае да гэтага ніякага дачынення. Гэта проста няпраўда", - сказаў Новак журналістам.
Ён дадаў, што расійскія ўзброеныя сілы ўзаемадзейнічаюць з украінскімі спецыялістамі, якія працуюць на станцыі.
Расія знаходзіцца ў пастаянным кантакце з МАГАТЭ, інфармуе кіраўніцтва арганізацыі і заўсёды гатова аказаць тэхнічную падтрымку ўкраінскім спецыялістам па абслугоўванні АЭС.
"Таму фэйкі адносна расійскіх атак на АЭС – хлусня", - падкрэсліў віцэ-прэм’ер.

Аб правакацыі, якая рыхтуецца супраць ГТС Украіны

Расія мае звесткі аб правакацыі ў дачыненні да газатранспартнай сістэмы Украіны, лічыць гэта небяспечным і ў гэтым не зацікаўлена, паведаміў віцэ-прэм’ер РФ.
"Мы робім усё, каб не дапусціць гэтага", - заявіў Новак.
Расія пачала ваенную аперацыю на Украіне 24 лютага. Прэзідэнт Уладзімір Пуцін назваў яе мэтай "абароны людзей, якія на працягу васьмі гадоў падвяргаюцца здзекам, генацыду з боку кіеўскага рэжыму".
Па заяве Мінабароны РФ, Узброеныя сілы наносяць удары толькі па ваеннай інфраструктуры і ўкраінскім войскам, грамадзянскаму насельніцтву нічога не пагражае. Пры падтрымцы УС РФ развіваюць наступленне групоўкі ДНР і ЛНР. Але аб акупацыі Украіны размова не ідзе, падкрэсліваў прэзідэнт Расіі.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
Эканамічны бандытызм Захаду патрабуе мер у адказ - Пяскоў
Samsung прыпыняе пастаўкі смартфонаў і бытавой тэхнікі ў РФ
Intel прыпыняе пастаўкі прадукцыі ў Расію і Беларусь
Адключэнне расійскіх банкаў ад SWIFT і замарозка актываў ЦБ. Што далей?
ЕБРР бестэрмінова прыпыніў доступ для РФ і Беларусі да фінансаў банка
Стужка навiн
0