https://bel.sputnik.by/20220308/u-belarus-za-sutk-pryekhal-yashche-47-ukrantsa-1061136409.html

У Беларусь за суткі прыехалі яшчэ 47 украінцаў

У Беларусь за суткі прыехалі яшчэ 47 украінцаў

Sputnik Беларусь

Грамадзяне Украіны працягваюць эвакуіравацца з краіны ў сувязі з баявымі дзеяннямі, на дадзены момант у Беларусь прыбылі ўжо больш за сотню ўкраінцаў. 08.03.2022, Sputnik Беларусь

2022-03-08T15:20+0300

2022-03-08T15:20+0300

2022-03-08T15:20+0300

ваенная спецаперацыя рф у данбасе

украіна

бежанцы

украінцы

бяспека

спецаперацыя

данбас

у свеце

беларусь

https://cdnn11.img.sputnik.by/img/07e6/03/08/1061133569_128:0:1152:576_1920x0_80_0_0_48ff4782fe50ee290da40568785e202f.jpg

МІНСК, 8 сак – Sputnik. Яшчэ 47 украінцаў за апошнія суткі звярнуліся да беларусаў па дапамогу: сем’і з маленькімі дзецьмі і пажылыя людзі прыбылі на пагранпераход "Аляксандраўка" Нараўлянскага раёна, паведамляе Telegram-канал "Гомельшчына афіцыйна".Прыбыўшыя ўкраінцы – жыхары Гастомля, дзе нядаўна ішлі боесутыкненні і быў знішчаны самы вялікі ў свеце транспартны самалёт – Ан-225 "Мрия".Людзі распавялі беларускім пагранічнікам, што стаміліся баяцца і жыць у падвалах, а да беларускай мяжы па гуманітарным калідоры ім дапамаглі дабрацца расійскія вайскоўцы.Некаторыя мігранты прыбылі да сваякоў і знаёмых, а тых, у каго ў Беларусі няма блізкіх, пасялілі ў гасцініцы Нароўлі і Мазыра.Цяпер вырашаюцца пытанні афармлення рэгістрацыйных дакументаў тым, хто застанецца ў Беларусі. Для тых, хто едзе ў трэція краіны, улады вырашаюць, як арганізаваць транзіт.Упершыню пасля пачатку расійскай спецаперацыі ў Данбасе ўкраінскія грамадзяне пачалі прыбываць у Беларусь у пачатку сакавіка. На гэты момант абарону ў нашай краіне папрасілі каля сотні ўкраінцаў.Некаторых размясцілі ў санаторыі "Залатыя пяскі" ў Гомельскай вобласці, таксама беларускія ўрачы прынялі роды ва ўкраінкі, якая напярэдадні прыйшла на мяжу.Колькі чалавек ужо пакінулі Украіну?Па дадзеных ААН, колькасць бежанцаў з Украіны 8 або 9 сакавіка дасягне "палохаючай" адзнакі ў два мільёны чалавек. Вярхоўны камісар арганізацыі па справах бежанцаў Філіпо Грандзі адзначыў, што патокі "спалоханых" мірных жыхароў, якія імкнуцца пакінуць зоны вядзення баявых дзеянняў і схавацца, вялізныя.Больш за ўсё ўкраінцаў, паводле звестак польскай Пагранварты, заехала ў Польшчу – каля 1,2 млн чалавек. Толькі за панядзелак польскія пагранічнікі аформілі на ўезд з Украіны 141,5 тыс чалавек.Рэальная колькасць насельніцтва Украіны на 1 снежня 2019 года склала 37 млн 289 тыс чалавек.Расійская спецаперацыя і перагаворыРасія пачала ваенную аперацыю на Украіне 24 лютага. Прэзідэнт Уладзімір Пуцін назваў яе мэтай "абароны людзей, якія на працягу васьмі гадоў падвяргаюцца здзекам, генацыду з боку кіеўскага рэжыму", а таксама "дэмілітарызацыю і дэнацыфікацыю Украіны".Па заяве Мінабароны РФ, Узброеныя сілы наносяць удары толькі па ваеннай інфраструктуры і ўкраінскім войскам, грамадзянскаму насельніцтву нічога не пагражае.Расія і Украіна правялі тры раунды перагавораў на беларускай тэрыторыі. Расійская дэлегацыя прывезла на перамовы праекты дакументаў па тых пытаннях, па якіх хацела дамовіцца, але яны не былі падпісаны. Як заявіў кіраўнік расійскай місіі Уладзімір Мядзінскі, украінцы ўзялі дакументы з сабой у Кіеў для вывучэння. Паводле яго слоў, перагаворны працэс у бліжэйшы час будзе прадоўжаны.>>> Хочаце яшчэ больш актуальных і цікавых навін – падпісвайцеся на Telegram-канал Sputnik БеларусьТаксама на Sputnik:

украіна

данбас

беларусь

2022

Навіны

ru_BY

украіна, бежанцы, украінцы, бяспека, спецаперацыя, данбас, у свеце, беларусь