https://bel.sputnik.by/20220310/eropa---nebyaspechny-krunak-pra-shto-kazhuts-krotsy--charze-na-myazhy-1061169506.html

Еўропа - небяспечны кірунак: пра што кажуць кіроўцы ў чарзе на мяжы

Еўропа - небяспечны кірунак: пра што кажуць кіроўцы ў чарзе на мяжы

Sputnik Беларусь

Цяпер вадзіцеляў фур, якія возяць грузы ў ЕС, хвалююць не толькі доўгія чэргі на граніцы, яны ўсё часцей сутыкаюцца з украінскай агрэсіяй у Еўропе. 10.03.2022, Sputnik Беларусь

2022-03-10T08:55+0300

2022-03-10T08:55+0300

2022-03-10T08:55+0300

еўропа

дальнабойшчык

ес

мяжа

https://cdnn11.img.sputnik.by/img/07e6/03/09/1061167895_0:256:2730:1792_1920x0_80_0_0_7d725ee878b2d95d11b75b0c7821e3c5.jpg

ГРОДНА, 10 сак - Sputnuk, Іна Грышук. На стаянках у Еўропе агрэсіўныя ўкраінцы могуць разбіць машыну, пракалоць колы або сапсаваць нумары, а еўрапейцы, якія сімпатызуюць ім, - адмовіць рускамоўнаму ў абслугоўванні ў аптэцы або запраўцы.Паездкі ў Еўропу для вадзіцеляў-дальнабойшчыкаў становяцца ўсё больш небяспечным заняткам. На фоне гэтага размовы пра доўгія чэргі і павольную працу літоўскай ці польскай мытні паступова сыходзяць на другі план.Якія зараз настроі ў чарзе з фураў на мяжы, даведвалася журналістка Sputnik Іна Грышук.Палякі звальняюць беларусаў"Палова чаргі - машыны на польскіх нумарах, але паляка вы тут днём з агнём не знойдзеце. Усе кіроўцы польскіх фірм, якія ездзяць з Еўропы ў Расію ці Беларусь - гэта беларусы", - распавядае кіроўца адной з фур, які працуе на польскую фірму. Мужчына ўжо сутыкнуўся з наступствамі еўрапейскіх санкцый і сімпатыі да ўкраінцаў, якая раптоўна вырасла ў Еўропе."Я ўжо дакладна ведаю, што гэты мой апошні рэйс. Адводжу машыну ў Польшчу, а потым са мной скасоўваюць працоўную дамову. Не ведаю з-за чаго. Палітыкі задумалі санкцыі, а пакутуюць з-за гэтага простыя людзі, беларускіх кіроўцаў у Польшчы вельмі шмат. А яны як пачуюць, што ты беларус, усё, ідзі, гуляй, Вася", – кажа адзін з кіроўцаў.Іншы кіроўца здзіўляецца такой рэзкай змене стаўлення еўрапейцаў да ўкраінцаў."Раней было наадварот. Украінцаў вельмі неахвотна бралі на працу, стараліся наняць беларусаў, таму што беларусы сумленныя, больш працавітыя, не крадуць. Цяпер мы рэзка не ў пашане, таму што палітыка такая, але людзі ж не змяніліся", - адзначыў вадзіцель Дзмітрый .Дальнабойшчык Сяргей дадае, што зараз рускамоўнаму чалавеку ў Еўропе могуць адмовіць у абслугоўванні.“Калегам адмовілі прадаць лекі ў аптэцы, хаця раней яны шмат гадоў там усё куплялі. На запраўцы адмовіліся абслужыць. Чаму? У іх жа капіталістычная краіна, яны так захацелі. І нікому не пажалішся. Таму ўсе імкнуцца па мінімуму заходзіць у крамы, разлічвацца моўчкі і наяўнымі", - адзначыў мужчына.З чэргаў сышлі ўкраінцыГалоўнае змяненне на мяжы пасля пачатку ваеннай аперацыі на Украіне - з чэргаў рэзка зніклі фуры на ўкраінскіх нумарах. У чарадзе вялікагрузаў, якія чакаюць уезду ў Літву праз пункт пропуску "Прывалка-Райгардас" можна бачыць беларускія, расійскія, польскія, літоўскі, малдаўскія, венгерскія."Калі ўсё толькі пачалося ва Украіне і пайшлі чуткі, што ўкраінскія кіроўцы сталі агрэсіўна сябе паводзіць, у чэргах прынялі рашэнне сабраць усіх і без чаргі прапусціць праз мяжу. Ці мала, яны ж маглі ўначы выпіць і зладзіць па п'янай разборкі з кіроўцамі. Нікому такое не трэба”, – расказвае адзін з дальнабойшчыкаў і дадае, што цяпер украінскім вадзіцелям уезд у Расію забаронены, гэта часовая мера бяспекі.Вадзіцелі з Венгрыі расказалі, што ім цяпер даводзіцца аб'язджаць Украіну праз Беларусь і даведацца, як павольна працуе літоўская мытня."Вядома, нам нязручна. Маршрут стаў даўжэйшы на 600 кіламетраў, у днях – нашмат больш. Мы простыя людзі, не дзелім нікога на нацыянальнасці, добра ставімся і да беларусаў, і да рускіх, і да ўкраінцаў. Мы хочам толькі, каб палітыка не уплывала на нашу працу", – кажа ён.У беларускіх кіроўцаў, якія працуюць на польскіх фурах, іншыя асцярогі. Многія перажываюць, што з імі могуць разарваць кантракт выключна з-за іх грамадзянства.Літовец: нашы палітыкі хлусяць да ўпадуРаботнік гродзенскай фірмы, які ездзіць па маршруце Гродна-Клайпеда па канцэнтраты соку, расказвае, што з канца лютага ўжо быў у Літве, з агрэсіяй з боку літоўцаў сутыкацца не даводзілася. Затое на ўласным вопыце даведаўся, у якім свеце еўрапейскія СМІ прадстаўляюць падзеі на Украіне."Мясцовыя пастаянна пытаюцца, як у нас у Беларусі абстаноўка, многія думаюць, што ў нас разруха і вайна. У Літве па радыё пастаянна гавораць, што Расія забрала Беларусь, потым Украіну забярэ, а потым за Прыбалтыку возьмецца. Людзі баяцца, у іх няма праўдзівых навін", – кажа Віктар.Літоўскія дальнабойшчыкі пацвярджаюць словы Віктара, тлумачаць, што еўрапейскія антырасійскія лозунгі падтрымліваюць палітыкі, моладзь, якая верыць таму, што гавораць па ТБ і ў СМІ."Усе еўрапейскія і літоўскія палітыкі хлусяць да ўпаду. Нельга верыць ніводнаму іх слову. Цяпер у іх галоўны клопат - як атрымаць больш грошай за ўкраінскіх бежанцаў, Літва яшчэ іх не прымае, але пытанне гэтае стаіць. А паклапаціцца пра літоўцаў - у іх гэта пытанне на апошнім месцы. Вырашыць пытанне з павольнай працай літоўскай мытні, гэта ў сілах літоўскіх палітыкаў, з-за чэргаў церпяць і беларусы і літоўскі фірмы. Але нікога гэта не цікавіць", – кажа літоўскі кіроўца Пятрас і дадае:"Я лічу так, што ўкраінцы загуляліся. Пры Зяленскім у іх яшчэ горш стала. Да ўлады прыйшлі амерыканцы, простаму народу галаву запудрылі, наабяцалі за ўсё. Нашы таксама разумна не вядуць палітыку. Паглядзіце, у Літве нічога няма, уся Літва распрададзена, як у ЕС уступілі. А з бліжэйшымі суседзямі – пасварыліся, а трэба ж сябраваць з Беларуссю”.Адмаўляюцца прымаць грузыАпошнімі днямі вадзіцелі актыўна абмяркоўвалі забарону на пастаўку драўніны з Беларусі і нежаданне еўрапейскіх краін афармляць нават незабароненыя да ўвозу грузы."Калега затрымаўся ў Германіі, яму адмовілі растамажваць груз. Таму што гэта расійская фірма. Як працаваць у такіх умовах? Вядома, многія расійскія фірмы часова адмаўляюцца працаваць з Еўропай", - гаворыць вадзіцель Вячаслаў, ён беларус, але працуе на расійскую фірму.Мужчына ўпэўнены, што санкцыі і забароны на ўвоз пэўных тавараў найперш удараць па еўрапейцах."Што вязуць у Беларусь і Расію з Еўропы? Дарагія тавары, якія для багатых, яны, можа, і пацерпяць. Большасць людзей не моцна заўважаць іх адсутнасць. А еўрапейскія фірмы панясуць страту, бо не будуць у Расіі прадаваць свае тавары. А вось Еўропа моцна адчуе недахоп сыравіны, якую возяць і з Расіі. Плюс да гэтага адчуюць, як выраслі цэны на нафту і газ. Іх эканоміка пацерпіць не менш за нашу", - адзначыў вадзіцель.Іншы кіроўца, які працуе на польскай фірме, кажа, што ў ягонай фірме сталі часцей адмаўляцца ад перавозак у расійскім кірунку. Ён упэўнены, што самім фірмам гэта рабіць невыгодна, гэта большая частка перавозак, вялікія патокі грузаў і вялікія кантракты."Цяпер усё вырашае палітыка, там на інтарэсы бізнесу не глядзяць. Думаю, што неўзабаве ў Еўропе моцна вырастуць расцэнкі на грузаперавозкі. З-за вялікіх чэргаў на мяжы Беларусі і ЕС яны падняліся ў два разы, зараз, калі паездак на Усход будзе менш, могуць падняцца яшчэ больш. Фірмы не жадаюць несці страты, паднімуць кошты.Расіяне: ездзім па Еўропе толькі гуртамРасійскія кіроўцы дальнабойшчыкі ў апошнія два тыдні сталі больш старанна рыхтавацца да паездак у Еўропу. Прызнаюцца, што гэты кірунак стаў сапраўды небяспечным. Галоўная пагроза - гэта нацыяналістычна настроеныя ўкраінцы. Гісторыі аб пабітых машынах, разрэзаных шынах, выкрадзеных нумарных знаках - гэта не выдумка."Калегі расказвалі. Аднаму ў Чэхіі машыну разбілі, іншаму - на стаянцы ў Германіі. Фары б'юць, лабавое шкло, але ў асноўным, нумары псуюць або забіраюць. Калега цяпер стаіць у Германіі, чакае, калі яму дашлюць новыя нумары", - распавядае расійскі кіроўца Аляксей.Цяпер кіроўцы імкнуцца не ездзіць па Еўропе па адной машыне, збіраюцца групамі. Аб'ядноўваюцца і пры прыпынках на начлег, імкнуцца выбіраць платныя ахоўныя паркінгі. У адзіночку зараз небяспечна."Нападаюць на машыны рускіх хутчэй за ўсё ўкраінскія нацыяналісты. Яны як падап'юць, як разгуляюцца, і пачынаюць буяніць. Мяркую, што былі нейкія каардынатары, якія падбілі іх нападаць на расіян. Занадта хутка гэта разгарнулася і праходзіць па падобных схемах", – адзначыў Аляксей і дадаў:"Ёсць сярод украінскіх кіроўцаў шмат нармальных, якія без агрэсіі маюць зносіны, разумеюць, што ваенныя дзеянні на Украіне ідуць не таму што ўкраінцы супраць расійцаў выступаюць, а для выкаранення нацыяналізму. Мы ж простыя рабацягі - і з таго, і з іншага боку".>>> Яшчэ больш актуальнай інфармацыі - у Telegram-канале Sputnik БеларусьТаксама на Sputnik:

еўропа

2022

Навіны

ru_BY

еўропа, дальнабойшчык, ес, мяжа