Боевая работа САУ Малка артиллерийских подразделений ЦВО на Авдеевском направлении - Sputnik Беларусь, 1920
Ваенная спецаперацыя РФ у Данбасе
Прэзідэнт Расіі Уладзімір Пуцін аб’явіў аб правядзенні ваеннай спецаперацыі ў Данбасе. Ён выступіў са зваротам да расіян, у якім паведаміў, што ДНР і ЛНР папрасілі Расію аб дапамозе. Падрабязнасці аб спецаперацыі РФ чытайце ў матэрыялах Sputnik.

Ніякага экстрэмізму: Мінінфарм папярэдзіў Facebook і Instagram

© Sputnik / Рамиль Ситдиков Facebook
 Facebook - Sputnik Беларусь, 1920, 11.03.2022
Падпісацца
Раней кампанія Meta дазволіла карыстальнікам Facebook і Instagram "посціць" публікацыі з заклікамі да насілля ў адносінах да расійскіх салдат, а таксама з заклікамі да смерці прэзідэнтаў РФ і Беларусі Уладзіміра Пуціна і Аляксандра Лукашэнкі.
МІНСК, 11 сак - Sputnik. Міністэрства інфармацыі Беларусі на фоне змен у рэдакцыйнай палітыцы кампаніі Мeta Platforms папярэджвае карыстальнікаў папулярных сацсетак Facebook і Instagram аб адказнасці за размяшчэнне экстрэмісцкіх матэрыялаў, паведамілі ў ведамстве.
У Мінінфарме таксама ўказалі на тое, што распаўсюджванне публікацый, якія заклікаюць да тэрарыстычных дзеянняў і актаў насілля, лічыцца крымінальным злачынствам.
Нагадаем, летась у Беларусі ўзмацнілі жорсткасць пакарання за экстрэмісцкую дзейнасць - да 5 гадоў пазбаўлення волі (за ўдзел у экстрэмізме). За садзейнічанне ў такой дзейнасці могуць пакараць да 7 гадоў калоніі, а да пяці гадоў "свеціць" тым, хто распаўсюджвае ў інтэрнэце забароненую інфармацыю, выдаючы дадзеныя асоб у сувязі з іх службовым становішчам.
"За падобныя публікацыі прадугледжана адміністрацыйная і крымінальная адказнасць, а ў дачыненні да інтэрнет-рэсурсаў, якія яе распаўсюджваюць, могуць быць прыняты рашэнні аб абмежаванні доступу", - заявілі ў Мінінфарме.
У ведамстве з 2014 года працуе рэспубліканская экспертная камісія па ацэнцы інфармацыйнай прадукцыі на прадмет наяўнасці (адсутнасці) у ёй прыкмет праяўлення экстрэмізму, узначальвае яе былы міністр інфармацыі, а зараз дэпутат Палаты прадстаўнікоў Лілія Ананіч.

Што здарылася?

Кампанія Meta Platforms, якая валодае сацсеткамі Facebook і Instagram, часова дазволіла сваім карыстальнікам публікаваць заклікі да гвалту ў дачыненні да расійскіх вайскоўцаў, якія ўдзельнічаюць у спецаперацыі на Украіне. Кіраўніцтва кампаніі таксама дазволіла "посціць" публікацыі аб закліках да забойства расійскага і беларускага лідэраў Уладзіміра Пуціна і Аляксандра Лукашэнкі.
Пасольства РФ у ЗША ўжо запатрабавала ад амерыканскіх уладаў спыніць экстрэмісцкую дзейнасць кампаніі.

Twitter пачаў адзначаць беларускія дзяржСМІ

Twitter у сваю чаргу абмежаваў распаўсюджванне паведамленняў беларускіх дзяржСМІ. Сацсетка пачала адзначаць акаўнты такіх рэсурсаў, як БелТа, "СБ. Беларусь сегодня", "Звязда" і іншыя спецыяльнымі ярлыкамі "дзяржаўнае выданне". Прычына - сітуацыя вакол Украіны.
У кампаніі адзначылі, што такім чынам "мы імкнемся забяспечыць кантэкст і празрыстасць кантэнту, які вы бачыце ў Твітары".

Спецаперацыя на Украіне

Расія пачала ваенную аперацыю на Украіне 24 лютага. Прэзідэнт РФ Уладзімір Пуцін назваў яе мэтай "абарону людзей, якія на працягу васьмі гадоў падвяргаюцца здзекам, генацыду з боку кіеўскага рэжыму", а таксама "дэмілітарызацыю і дэнацыфікацыю Украіны".
Па заяве Мінабароны РФ, Узброеныя сілы наносяць удары толькі па ваеннай інфраструктуры і ўкраінскім войскам, грамадзянскаму насельніцтву нічога не пагражае. Расія і Украіна правялі тры раунды перагавораў на беларускай тэрыторыі.
>>> Самая актуальная інфармацыя аб сітуацыі вакол Украіны - у Telegram-канале Sputnik Беларусь
Таксама на Sputnik:
Актыўнасць карыстальнікаў "ВКонтакте" б'е рэкорды
Пасол РФ распавёў, калі адбудзецца чацвёрты раунд перамоў з Украінай
Лаўроў пасля перамоў з Кулебай: спецаперацыя на Украіне ідзе па плане
Стужка навiн
0