Работа зенитно-ракетной системы ПВО С-300В4 на Харьковском направлении - Sputnik Беларусь, 1920
Ваенная спецаперацыя РФ у Данбасе
Сітуацыя ў самаабвешчаных рэспубліках Данбаса абвастрылася пасля таго, як прадстаўніцтвы ДНР і ЛНР паведамілі аб абстрэлах з украінскага боку. Жыхароў рэспублік Данбаса пачалі эвакуіраваць у Расію. Пра тое, што адбываецца ў Данбасе, чытайце ў матэрыялах Sputnik.

Кіраўнік Генштаба растлумачыў "канапавым аналітыкам" перамяшчэнне войск па Беларусі

© Sputnik / Виктор ТолочкоНачальнік Генштаба - першы намеснік міністра абароны Беларусі Віктар Гулевіч
Начальнік Генштаба - першы намеснік міністра абароны Беларусі Віктар Гулевіч - Sputnik Беларусь, 1920, 12.03.2022
Падпісацца на
Yandex newsTelegram
Раней у Мінабароны абверглі фейкі аб "наступленні" беларускай арміі ва Украіну і ракетным удары па беларускай вёсцы ў прыгранічнай зоне.
МІНСК, 12 сак - Sputnik. Начальнік Генштаба ўзброеных сіл, першы намеснік міністра абароны, генерал-маёр Віктар Гулевіч адрэагаваў на фэйкавую інфармацыю аб тым, што перамяшчэнне беларускіх войскаў па тэрыторыі краіны можа быць звязана з правядзеннем Расіяй спецаперацыі па дэмілітарызацыі Украіны.
Раней у абаронным ведамстве і іншых сілавых структурах Беларусі неаднаразова абвяргалі чуткі аб прысутнасці беларускіх ваенных на Украіне і іх удзеле ў баявых аперацыях.
Акрамя таго, напярэдадні шэраг telegram-каналаў распаўсюджвалі недакладную інфармацыю аб бамбёжцы адной з вёсак у прыграніччы, а таксама аб "маштабным наступленні" беларускіх войскаў на ўкраінскую тэрыторыю, называўся нават "дакладны час" такога наступлення - 21.00 11 сакавіка.
"Для дамарослых "ваенных экспертаў" і канапавых аналітыкаў хачу падкрэсліць, што перамяшчэнне войскаў ніякім чынам не звязана з падрыхтоўкай, а тым больш удзелам беларускіх вайскоўцаў у спецыяльнай ваеннай аперацыі на тэрыторыі Украіны", - заявіў Гулевіч, яго словы цытуе telegram-канал Мінабароны.
Начальнік Генеральнага штаба таксама звярнуўся да сваякоў беларускіх вайскоўцаў, якія атрымліваюць фэйкавую інфармацыю аб знаходжанні сваіх сыноў ці мужоў на ўкраінскай тэрыторыі.
"Родных і блізкіх вайскоўцаў магу запэўніць як начальнік Генеральнага штаба, што нашы ўзброеныя сілы задачы па забеспячэнні ваеннай бяспекі Рэспублікі Беларусь выконваюць толькі на сваёй тэрыторыі", - падкрэсліў Гулевіч.
>>> Самая актуальная інфармацыя аб сітуацыі вакол Украіны - у Telegram-канале Sputnik Беларусь
Таксама на Sputnik:
Дарога да выратавання: сотні бежанцаў з Украіны ідуць у Беларусь
"Падобна на рэкет": як у беларусаў і расіян забіраюць фуры на Украіне
Ахова беларуска-ўкраінскай мяжы ўзмоцнена - відэа
Стужка навiн
0