Военнослужащие ВС РФ на блокпосту рядом с территорией завода Азовсталь в Мариуполе - Sputnik Беларусь, 1920
Ваенная спецаперацыя РФ у Данбасе
Сітуацыя ў самаабвешчаных рэспубліках Данбаса абвастрылася пасля таго, як прадстаўніцтвы ДНР і ЛНР паведамілі аб абстрэлах з украінскага боку. Жыхароў рэспублік Данбаса пачалі эвакуіраваць у Расію. Пра тое, што адбываецца ў Данбасе, чытайце ў матэрыялах Sputnik.

Перамовы ўкраінскай і расійскай дэлегацый працягнуцца ў сераду

© Photo : Владимир Мединский / TelegramРасійская дэлегацыя на перамовах з Украінай
Расійская дэлегацыя на перамовах з Украінай
 - Sputnik Беларусь, 1920, 16.03.2022
Падпісацца на
Yandex newsTelegram
Пасля трох вочных сустрэч на тэрыторыі Беларусі перагаворшчыкі вырашылі размаўляць па відэасувязі, паводле слоў кіраўніка расійскай дэлегацыі Уладзіміра Мядзінскага, "гэты фармат моцна эканоміць час і сродкі".
МІНСК, 16 сак - Sputnik. Перамовы ўкраінскай і расійскай дэлегацый працягнуцца 16 сакавіка, паведаміў дарадца кіраўніка офіса прэзідэнта Украіны Міхаіл Падаляк.
Паводле яго слоў, у перагаворным працэсе "ёсць прынцыповыя супярэчнасці, але ёсць магчымасць для кампрамісу". Перамовы з расійскай дэлегацыяй працягваюцца бесперапынна ў відэафармаце, дадаў Падаляк.
Пасля трох вочных сустрэч, якія адбыліся на беларускай тэрыторыі 28 лютага, 3 і 7 сакавіка, было прынята рашэнне прадоўжыць узаемадзеянне ў анлайн-фармаце. Першы такі кантакт паміж перагаворшчыкамі адбыўся 14 сакавіка, затым бакі ўзялі тэхнічную паўзу да 15 сакавіка, маючы намер абмеркаваць агульныя пытанні ўрэгулявання абстаноўкі.
"Перамовы — чацвёрты раунд. Аб міры, спыненні агню, неадкладнай адводзе войскаў і гарантыях бяспекі. Цяжкая размова", — напісаў Падаляк у сваім Telegram-канале.

Сустрэча Зяленскага з Пуціным

Раней прэзідэнт Украіны Уладзімір Зяленскі заявіў, што галоўнай задачай украінскай дэлегацыі на перамовах з Расіяй з'яўляецца магчымасць ягонай асабістай сустрэчы з расійскім лідэрам Уладзімірам Пуціным.
Паводле слоў Зяленскага, перамовы - гэта "складаная гісторыя, цяжкі, але патрэбны шлях". "У нашай дэлегацыі задача дакладная - зрабіць усё, каб адбылася сустрэча прэзідэнтаў, сустрэча, якую, я ўпэўнены, чакаюць людзі", - заявіў Зяленскі.

Спецаперацыя РФ і ход перамоў

Расія пачала спецаперацыю на Украіне 24 лютага ў адказ на просьбу кіраўнікоў рэспублік Данбаса аб дапамозе ў супрацьдзеянні агрэсіі з боку ўзброеных сіл Украіны. Як заявіў прэзідэнт Расіі Уладзімір Пуцін, мэта аперацыі - "дэмілітарызацыя і дэнацыфікацыя Украіны".
За 20 дзён спецаперацыі, паводле інфармацыі афіцыйнага прадстаўніка Мінабароны Расіі генерал-маёра Ігара Канашэнкава, знішчана 3920 аб'ектаў ваеннай інфраструктуры Украіны.
На беларускай тэрыторыі адбылося тры раунды вочных перагавораў паміж расійскай і ўкраінскай дэлегацыямі. Першая сустрэча - у Гомельскай вобласці, дзве наступныя - у Брэсцкай. На другой і трэцяй сустрэчы ўдалося дасягнуць дамоўленасцей аб гуманітарных калідорах, якія, як заяўляе Масква, улады Кіева не выконваюць. Для эканоміі часу перагаворшчыкі перайшлі на анлайн-фармат сустрэч.
>>> Самая актуальная інфармацыя аб сітуацыі вакол Украіны - у Telegram-канале Sputnik Беларусь
Таксама на Sputnik:
Ваеннае становішча ва Украіне працягнута на 30 сутак
Пешшу з чатырма дзецьмі: украінка прайшла праз пекла, эвакуіруючыся ў Беларусь
Кіеў спадзяецца на мірнае пагадненне з Масквой у бліжэйшы час
Стужка навiн
0