Надвор'е сапсуецца: сіноптыкі паабяцалі мокры снег, дождж і вецер

© Sputnik / Максим Блинов / Перайсці ў фотабанкНеспрыяльнае надвор'е
Неспрыяльнае надвор'е - Sputnik Беларусь, 1920, 24.03.2022
Падпісацца на
Yandex newsTelegram
У пачатку наступнага тыдня днём на большай частцы краіны чакаюцца кароткачасовыя ападкі, а раніцай і ноччу прагназуецца галалёдзіца на асобных участках дарог.
МІНСК, 24 сак - Sputnik. Паніжэнне тэмпературы паветра, а таксама начныя ападкі ў выглядзе дажджу і мокрага снегу прагназуецца ў бліжэйшую пятніцу, на выхадныя ў начны час на поўначы чакаецца да мінус 5 градусаў.
"Заўтра, у пятніцу на большай частцы краіны чакаецца пераменная воблачнасць, будзе пераважна без ападкаў, але ноччу па паўднёвым усходзе краіны месцамі пройдуць кароткачасовыя ападкі ў выглядзе дажджу і мокрага снегу", - паведамілі Sputnik у Белгідрамеце.
Па словах сіноптыкаў, тэмпература паветра ўначы будзе ад мінус 4 да плюс 3, у днём 10 - 17 градусаў цяпла.

Надвор'е на выхадныя

На выхадных надвор'е абумовіць халодная паветраная маса са Скандынавіі.
"У суботу будзе воблачна з праясненнямі. Уначы ападкаў практычна не будзе, а раніцай і днём на большай частцы тэрыторыі рэспублікі пройдзе кароткачасовы дождж", - сказалі сіноптыкі.
Вецер раніцай і дзённымі гадзінамі месцамі будзе моцны і парывісты, тэмпература паветра ноччу прагназуецца 0.. +5, днём ад сямі цяпла па поўначы да 16 градусаў па поўдні рэспублікі.
Сіноптыкі паведамілі, што 27 сакавіка, у нядзелю, чакаецца мокры снег і дождж, галалёдзіца на асобных участках дарог. Уначы прагназуецца ўзмацненне ветра да 15 - 20 метраў за секунду. Уначы будзе ад мінус 5 да плюс 2 градусаў, а ўдзень не больш за 1-8 цяпла, па паўднёвым захадзе да 10 градусаў.

Надвор'е на пачатку тыдня

28 сакавіка, у панядзелак, ноччу месцамі, а днём на большай частцы краіны чакаюцца кароткачасовыя ападкі ў выглядзе дажджу і мокрага снегу, раніцай і ноччу прагназуецца галалёдзіца, паведамілі ў Белгідрамеце.
У многіх раёнах у гэтыя суткі прагназуецца ўзмацненне ветру да 15 - 22 метраў за секунду, ноччу будзе мінус 1- плюс 6, максімальная тэмпература днём - 8-15 цяпла, па поўначы - не больш за 5-7 градусаў цяпла.
У аўторак у начны час таксама не абыдзецца без мокрага снегу і дажджу, сказалі сіноптыкі. Па іх словах, тэмпература паветра на працягу сутак будзе ад мінус 2 да 5 цяпла, па поўначы ноччу да мінус 5 градусаў.
>>> Жадаеце яшчэ больш актуальных і цікавых навін - падпісвайцеся на Telegram-канал Sputnik Беларусь
Таксама на Sputnik:
Беларусь лідзіруе сярод краін СНД па тэмпах пацяплення клімату
Рэдкія арланы-белахвосты патрапілі на відэа ў Белавежскай пушчы
Чым карысны скрыпень?
Стужка навiн
0